الله يخليكم ادخلو وساعدوني

[ahy]

السلام عليكم
كل عام و انتو بخير
حبيت اعرض مشكلتي وابيكم تساعدوني فيها
انا متزوجه من 7سنين وللحين ماحملت المشكله عند زوجي باول ماكنت اعرف انه من عند زوجي منت انا اخذ منشطات وعلاجات بعد فتره طويله عرفت انه زوجي عنده مشكله للاسف ساكت وبعض الدكاتره ميصدقون ومن كثرالمنشطات و الابر اللي اخذتها كانت راح تصير عندي مشكله كبيره بس الحمدلله ربنا ستر
حسبي الله عليهم وانا ماعندي اي شي والله العظيم انه اللي تعبني ان يشوفني اخذ منشطات وادويه وهو ساكت لما عرفت ماقلتله شي عديتها وانا 5سنين لرحت لدكاتره كثير ويقولون ماعندك شي وين تحليل زوجك مايرضى يعمل تحليل المهم قبل سنه سافرنا وعملنا فحوصات والحمدلله ماعندي اي شي زوجي اعطوه علاجات بس للاسف لوكان اخذ العلاج من زمان مكان وصل لهذي المرحله اخذ العلاج فتره وبعدين صار يتكاسل والمشكله ماباقي غير فتره بسيطه وينتهي العلاج وفي هذا الوقت المفروض انه يعمل تحليل عشان نعرف بس موراضي كل همه الشغل وانا عمري 24سنه صحيح يمكن تقولون صغيره بس زهقت من الوحده على هو في الدوام او في شغله الخاص وبعد شهرين يبي يسافر عشان ينبسط ولما قلتله في شي اهم يقول لي انتي تحسسيني اني مهمل وماابي عيال الله يخليكم قولوي وش اعمل معاه


اسفه اذا طولت عليكم بس والله اني مالقيت احد غيركم مابي اهلي يدخلون في الموضوع احس اني محرومه بسببه

[lma2000]

السلام عليكم
كل عام وانتي بخير عزيزتي..
الزواج في رايي قائم على الصراحه بين الزوجين فزوجك ماكان له حق يخبي عنك الموضوع من البدايه لكن يمكن انه يضن ان هذا الشيء يقلل من رجولته على انه ماله علاقه في هذا الموضوع..
يجب ان تتحلي بالشجاعه وتجلسين معه جلسه مصارحه وتخبريه بكل مافي صدرك فهو زوجك وابو عيالك ان شاء الله في المستقبل..وتتوصلون الى حل يرضي جميع الاطراف والله يهدي سركم .

[عاصمة الحب]

عيدكم مبارك
بالنسبة لك بعد ماعرفت أن زوجك منه السبب لا تحسسينه بشيئ لان الرجل يظن بأنه يفقد رجولته بعدم الانجاب
ولا تلحين على زوجك كثيرآ وأحمدي ربك أن العيب من زوجك وليس منك لان المرأة تصبر على الرجل ولكن الرجل لا يصبر على المرأة أصبري وأدعي من ربك أن يهديه ويكمل علاجه
وتقولين إنك مشتاقة للاطفال؟ حتى هو يريد أطفال تحلي بالصبر وبحول الله سترزقين بالذرية

[طفله]

هلا
وانتي بخير حبيبتي
ليش انتي ساكته عليه المفروض تقولين كل اللى في قلبج.. بيزعل خليه يزعل!!!!
الموضوع مافيه مستحي كل انسان يحلم بالامومه وحرام يحرمج منها
اتفاهمي معا واذا مارضي يفهمج قولى حق امه بالمشكله وهي اللى بتتكلم معاه
الله يهديه ويخليكم حق بعض
وان شاء الله تبشرينا بعد شهر انج حااااااااااااااااااااااامل (قولوا امين)
اسفه على الكلام القاسي بس زوجج يقهر ههههه

[ونين الكون]

كل عام وانتي بخير
شوفي يا قلبي الرجال بشكل عام مايعيبه شئ
لكن في هذي المسألة انتبهي تحسسينه بالنقص حتى ولو كان مقصر معك في بعض الاشياء وحاولي تكونين له الزوجة الوفيه وصارحية وقولي له ان العلم تطور الحين وكل شئ بارادة رب العالمين ولاترددين له الموضوع كل شوي بس حسسية انك محتاجة للاطفال واذا ماحصلوا الله لايقوله حسسية ان وجوده يسوى الدنيا ومافيها علشان يتحمسلك ويجتهد وترى اكل العنب حبة..حبة ..

[اسمهان]

يا حبيبتي المستشار مؤتمن والصراحه دايم قويه الحقي عمرك احسن لك ؟؟؟؟با اختصار الكلام قوي عليك بس يكفي خداعه لك وسكوته يعني ما تهمينه لو تهمينه كان حريص انه يتعالج ويجيب منك اولاد بس هو ما همه الا يسافر وينبسط وانت رهن لدموع ذا مجرد راي

[واحدمن الناس]

أعوذ با لله من الشيطان الرجيم بسم الله الرحمن الرحيم (استغفروا ربكم إنه كان غفارا يرسل السماء عليكم مدرارا ويمددكم بأموال وبنين.......) خليه يستغفر وربنا كريم يبدا في اليوم الف مره

[ورد الغلا1]

اسمحي لي اختي زوجك اناني مايفكر الا في نفسه يعني المفروض يقولك لمى عرف انه مايجيب عيال طيب اتركينا من هاذي النقطه المفروض ياخذ العلاج على الاقل مويفكر في وناسته وسفره وينسى اللي صابره عشانه والله لوالعيب منك ماصبر عليك اختي اذا تحبينه وتبين تكملين حياتك معه حاولي تتكلمين معه وقولي له انا احبك وماقدر اتخلى عنك واذا انت تحبني خذ العلاج عشاني قولي له ياما ناس كانو مايجيبون عيال وتعالجو وانجبو حاولي فيه لاتسكتين الله يرزقكم الذريه الصالحه واذا حملتي لاتنسين تبشرينا

[ahy]

شكرا لتجاوبكم معاي
اختي اسمهان كلامك اثر فيني كثير وانا قبل مااشوف الرد كانت نفسيتي تعبانه وتعبت من كثر البكا وانتي بردك اتعبتيني اكثر وانتي ماقلتي شي غلط كلامك صحيح وراح اخذ بكلامك وشكرا لك

[حـبـيـبـــ زوجي ـة]

السلام عليكم
كل عام و انتو بخير
وبعد شهرين يبي يسافر عشان ينبسط ولما قلتله في شي اهم يقول لي انتي تحسسيني اني مهمل وماابي عيال الله يخليكم قولوي وش اعمل معاه




كل عام وانتي سعيده وفرحانه يارب

حبيبتي هدئي من روعك

واذا قال لشء كن فيكون

امر ربنا ما اراد ان تنجبي يلغاليه

بعدين شو يدريكي انه كان يدري ان الخلل منه؟

لنفرض انه كان يدري يمكن في باله انه منك انتي كمان وحابب يطمن اكثر ؟

لاتهزي زوجك وتحني عليه بلعيال ترى سفرياته مو بسطه ووناسه على قولك صدقيني هرووووب من مواجهتك تقبلي الامر لفتره واعتبري انه شي عادي ولاتجيب طاري الاطفال عنده وراح تكتشفين على فجاه انه يعالج نفسه بدون ماتدرين

الرجل لايقبل الاحساس بنقص خاصه امام زوجته تغلبي على عواطف الامومه عندك لفتره حتى ماتخسري زوجك


صدقني الرجاااااااال هم اكثر من النساء رغبة في ان يكون عندهم اطفال بس لاتزيدين عليه النار بقلبه انتي تشوفينه عادي وغير مهتم بس ماتدرين شو بقلبه


ماتدرين يمكن الطفل يكون سبب تعاسه وقطع رزق لكم وكليها على ربك والي يجي منه فيه الخير
الله لايحرمكم الذريه الصالحه يارب

[ahy]

شكرا على الرد والله كلامك ريحني كثير يعطيكي العافيه

[eye]

اختي Ahy
كلام حبيبة هو عين العقل والوعي مع الإحترام والتقدير لبقية الأخوات
الرجل اذا احس بنقص معين في شخصيته او طاقته الجسدية يحاول انه يبعد عن بيئة الخلل فلا يجي في بالك ان زوجك ماهمه الإنجاب وأعتقد ان رغبته في العيال اكثر من رغبتك فيهم ولاتتعجبي من كلامي ،
كان فيه شخص يحب الأطفال من قبل زواجه بشكل عادي ، وبعد الزواج زادت رغبته اكثر وأستمر كذا شهر وما أنجب ولما فحص عن الإنجاب تبين أن نسبة الإنجاب عنده تقل عن 20000 حيوان منوي وكلها ميته بعد مع العلم ان النسبة الطبيعية تبدأ من عشرين مليون فأكثر ، تعقد الرجال فتره وكان جاحد الشي هذا عن زوجته عشان مايصدمها وما يبغى يجرحها وظهر بمظهر اللامبالي وقال لنفسه سنه وبشوف ، صار يطلع لمدينة تبعد عنهم 300 كم يراجع في عيادة مختصة بالإنجاب ومع هذا كان يقول لزوجته (معزوم لزواج رفيقي ، عشاء خوياه ، يبغى يكمل دراسات عليا .......الخ) المهم اخذ ادويه ومنشطات ومع هذا اتعبته بزياده واتعبت زوجته معه (كان بعضها يطيل العملية الجنسية اكثر من ساعه ونصف متواصله والبعض الثاني يضعفه ) المهم بعد 7 او 8 شهور رمى كل الأدوية وتوكل على الله وصار يطلب الله الخيرة في امره ورمى من نفسه التعلق بالولد وترك الشي هذا لله سبحانه وتعالى ، صار ياخذ عسل عادي واكل صحي نوعاً ما وبعدها الحمدلله وما استمر 3 شهور الا وزوجته حامل وجابت له ولد ماشاء الله تبارك الله
طولت عليك بالقصة الملخبطه واللي كان القصد منها (لا تيأسوا من رحمة الله ) عليكم بالإستغفار والتوكل التام على الله وان شاء الله فالكم الذرية الصالحة
ولاتنسين اختي خيرة الله افضل من خيرتنا ، اطلبي الله الخيرة في كل امرك
اخوك

[اسمهان]

يا قلبي سا محيني وترء الكي يوجع بس فيه شفاء بعدين ؟؟؟؟؟؟؟؟والله يهديه لك

[ahy]

شكرا لكم والله اني حسيت اني اتكلم مع اختي او صديقتي يمكن احسن وهذا وانا جديده معكم بالمنتدى والله نعم الصديق

[اخر الكلام]

هلا فيك اختي وكل سنه وانتي بالف خير وبالف سعاده
ماقصرو معاك بردود
ياقلبي كل هذي ارزاق ومكتوبه منه السبب او منك شي ومقدر ومكتوب
واجلسي مع زوجك جلسه مصارحه واترجيه يكمل العلاج لو عشان خاطرك وبالكلام الطيب عسى ربي يهديه لك وادعي ربك كثير انو يسخر لك زوجك ويرزقك بذريه صالحه

[اخر الكلام]

شكرا لكم والله اني حسيت اني اتكلم مع اختي او صديقتي يمكن احسن وهذا وانا جديده معكم بالمنتدى والله نعم الصديق

ياقلبي الله يفرج همك ويزقك بقرة عين عاجلا غير اجل
الله لايحرمك من غالي000
واصيك بالاسغفار الزميه وحيجيك الي انحرمتي منه

[أحاسيس صادقة]

هلا وغلا اختي
الله يفرج همك وهم كل مسلم وانا مع حبيبة في كلامها والجميع ماقصر بصراحة ولكن
الزواج رابط مقدس بين الزوجين ومهما واجهوا الزوجين من مشاكل لابد من العمل على حلها سوياً وليس تخلي كل واحد منهما عن الاخر , لربما اختي زوجك كان يعرف عن حالته بس مهما كان مستحيل انه يقولك هذا الشيئ لان الرجال يعتبروا هذا الشيئ طعنه في رجولتهم واكيد هو يحاول يعالج نفسه بدون ماتعرفي وما ادراكي انه مسافر للعلاج بس مايبغى يقولك , بس غلطته معك انه بصراحة خلاك تاخذي العلاج وهو عارف ان المشكله منه وهذا فرض طبعا مو اكيد ,
على العموم لابد تجلسه معه جلسة مصارحة بس في وقت يكون رايق فيه ومبسوط وقولي كل اللي في نفسك , وبعد كذا لاتفتحي معه الموضوع بس بين كل وقت واخر حسسيه بحبك للاطفال بطريقة لطيفه بس مو بإستمرار .

والله يعطيك الين يرضيك

وادعي دايما بهذا الدعاء (( اللهم اجعل زوجي قرة عيناً وأنا قرة عيناً له ))

طمنينا عليك

[S a m i]

مو دليل اذا عطوه علاج يعني فيه شيء مكن منشطات وهو تركها عشان شاف ان ما فيها فايده بعدين هذا شيء من الله يمكن كلكم ما فيكم شيء والدليل كلامك انك انتي كانو يعطونك منشطات وانتي سليمه على كلامك اتكلي على الله والدعاء هو الفرج انشاء الله

[ahy]

شكرا لكم على ردكم علي

الله يعطيكم العافيه كلامكم رائع