مشكله زوجي (معي ومع بناتي )؟؟؟

[وحدة كيوت]

السلام عليكم اخواني واخواتي في هالمنتدى الرائع مشكلتي مع زوجي تنقسم قسمين ( انا ) و (بناتي).
1 - مشكلتي مع زوجي انه حليو ويحبني بس مشكلته ماادري شقول لكم فاهم الحياة الزوجية غلط مستحية اكتب بس اهو عندة الزواج بس نوم في السرير والباغي لاغية ( كلام حلو مافيه - هدايا مافية _مدح لما اطبخ له له طبخة حلوة او البس شي جديد مافية -----------) بصراحة زهقت وانا المح له وابتدي امدحة اقول يمكن يتعلم بس كل مرة يقولي انتي تعرفيني انا مش راعي هالشغلات ماعرف اقول كلام غزل ( ابقى بس كلمه حلوة ) لما اروح زواج الكل يمدح فيني (الحمد لله انا جميلة بشهادة الجميع) بسزوجي ماعمرة حسسني بهالشي انا الناس كلهم مايهموني اللي يهمني زوجي اهو اللي ابي اسمع منه الكلام الحلو والله كلمة حلوة تكفيني مادري شسوي معاة ساعدوني تكفون .
2 - مع بناتي عندي بنتين وبصراحة مقولة ان البنت تتعلق في ابوها العكس عندي تماما ,بناتي مايحسون بالحنان عن ابوهم مايلعب معاهم ما يسولف معاهم ولما انا البي طلباتهم يقولي مدلعتهم طيب شسوي اذا كنت انت حارمهم من حنانك خلني اعوضهم ماادري شسوي معاه .مامرة دخل عليهم بحاجة يحبونها لازم يطلبون ومش كل مرة ينفذ لهم . بليييييييييييييز ساعدوني تكفون بالفعل محتاجة فزعتكم

[بروفيسورة الوفا]

هلين حبيبتي يسعدني اكون اول من يرد على موضوعك
بالنسبه لك انتي لازم تصارحين زوجك وماتيئسين صدقين فيه ازواج كذا اوقات يكون عنده نوع من الخجل حتى من زوجته او مايكون عنده اسلوب للتعبير ويرفض يقدم شي بس والله مافيه زوج مايحتاج هالشي او مايبي يقدمه لزوجته حتى بعض الرجال يكون قبل لايتزوج مايعبر عن مشاعره عند اهله وكذلك اهله مايحاولون يسوون فيه نفس الشي ويكون مع الوقت عنده نوع من الجفا ان صح التعبير بس مع الوقت ان شاء الله راح يروح بس انتي لاتحاولين تسكتين كلميه بأسلوبك الحلو...............ومع الوقت راح يكون مثل ماتبين يــــارب
وكذلك بناتك احس فيه شي مشترك يعني لاحظي مايبين لك ولا لهم انتي حاولي مع بناتك انهم اذا شافوه يحضنونه ويسمعونه الكلام الحلو لأنه والله اعلم انه محتاج هالشي (قبل لايعطيه)

الله يوفقك يـارب ويسعدك دوم اتمنى اني وصلت ولو شي بسيط

[وحدة كيوت]

مشكورة اختي بروفيسورة كلامك كله صح بالفعل زوجي بيت اهله احس انهم فيهم جفا يعني مش حنونين حتى على الاحفاد عادي ماتحسين انهم يتعلقون فيهم . وبالنسبه لزوجي والله والله حاولت معة بس لا مجيب.

[بروفيسورة الوفا]

حاولي حبيبتي ولاتيئسين من رحمة ربك وبعدين الحديد يلين مو عاد زوج وهو من لحم ودم
وبعدين طلع احساسي في محله يعني يحتاج وقت واعرفي انه عاش عند اهله اكثر ماعاش عندك واصبري العاقبه للمتقين

الله يسخر لك زوجك وان شاء الله مايشوف غيرك ويصير مثل ماتبين في رضاء رب العالمين وزياده امين يارب العالمين في هالوقت الفضيل

[وحدة كيوت]

امييييييين ياقلبي والله صدق بروفيسورة الله يجزاك الف خير على هالدعاء وانشا الله بحاول معة .
وين بقية الاخوات شدعوة على الاقل دعوة ان ربي يسخر زوجي لي ولبناتي .

[اسمهان]

عودي زوجك حبه حبه ...... يعني نادي بناتك والعبو كلكم سوء ....اساليه با الله وش رايك في لبسي هو طبعا بيقلك حلو خلاص سمعتيها منه ههههههههههههه الله يعينك ؟؟؟ كل شي معه ابديها حبه حبه وانت الي ما عودتيه من البدايه

[هدوء]

لي عوده بااذن الله واذاا مامريت ذكريني ع الخاص

[حبة ملح]

انتي عودييييه واساليه عن لبسج وعن طبختج اليوم وعن اي سويته يمكن النوع اللي يشوف ويعلق بصدره مو شرط يقولج يعني انتي اللي ابدي بسؤالج واهديه هدايا وعزميه على عشا على حسابج عل وعسى يحس ويسوي مثلج..
.وبناتج لا تحسسينهم انه مقصر جيبي لهم اشياء ولما يجي ابوهم احرجيه وعطيه يعطيهم وقولي لهم قولوا بابا شكرا وكرريها مع الايام بيحس هذي جربتها انحرج وشكرني وتعذر بمشاغل الدنيا اهم شي الاطفال مايحز بخاطرهم شي واما انتي يبيلج طولت بال عليه لانه باين مو من طبيعته نهائيا......تمنياتي لج بحياة سعيده

[الورده البريئه]

حتى انا حالي من حالك صرت دايم اساله وش رايك في الاكل او في لبسي اوشكلي في البدايه كنت انقهر بس دحين تعودت

[هدوء]

بالنسبه لزوجك..جربي بكل انوووووووووووووووووثه وانتي بالفراش قولي له الكلمه اللي انتي تبين تسمعينها منها اطلبي منه يقولها انتي قوليها وهو يرددها وراك حتى بالنهار اذا جلستي يمه اطلبي منه بكل دلع يسمعك بااذنك كلمه حلوه..

احيانا مو دايما ساوميه ع الحكي الحلو مثلا تبي كاس مويه قول لي انتي حلوه او انتي عمري او او ..الخ..

بالنسبه لبناتك..اشتري لهم شغلات وخليها بغرفتك وقبل يدخل هو حطي الاغراض عند باب البيت من جوى وارسلي له مسج قولي فيه كيس عند الباب لو فيه شوكلاه بنص ريال اهم شي حاجه يدخل فيها عليهم
قولي له انا حاطته جبه وعطه البنات كانه منك..لازيدين ولاتقولين له انت ماتعطيهم عشان كذا انا ابي اعطيهم لا..

بس سوي هالحركه كم مره على فترات متباعده صدقيني مرتين الثالثه من نفه بيجيب..
لاتحسسينه ان هو جاهل باامور الحب وانتي عارفه لا علميه من غير مايحس

[وحدة كيوت]

يعطيكم العافية خواني على ردودكم الحلوة انشاالله ينصلح الحال قولوا امين.
اختي هدوء كنت انتظر ردك من اول مانزلت الموضوع لان ردودك ماشاء الله حلوة وعملية الله يعطيك العافية .

[زوجة مميزة]

امكن زوجك شخصية جدية موة رومنسية يشوف هدة الكلام تفاههة انتي حاولي اضحكي شوية معاة لاتلبيلة رغباتة حقت السرير الين مايقول كلام حلوا