ساااااااااااعدوني انا طفشااااااانه

[انا من الايام والايام مني]

السلام عليكم
انا عندي مشكله اتمنى انكم تساعدوني

انا متزوجه من 3 سنوات وبيني وبين زوجي خلافات من اول ايام الخطوبه وزادت ايام الملكه بسبب الغيره الشديده حتى من اهلي وهو انسان كذاب ومتسلط وتعتبر المشاكل كله اللي يعملها تافه
وهذا بسبب التربيه واتحمل مسؤولية اهله ومن قريب سمعت انه عاق والدين وانا من اول يوم معاه اي شي اسويه يعملي مشكله وهو انسان مزاجي وانا ليا سنه قاعده عند اهلي على اساس جيت عشان الولاده بس اليوم اللي ولدت فيه صارت مشكله حتى ابنه شافو يوم الولاده وبعدها صارت المشكله وتخيلو وانا قايمه من ولاده الوحده تتمنى انو زوجها يكون معاها يهتم فيها وبعدين قعدت سنه كامله عند اهلي والله ماسال عني ولا عن ولده ولما افتكر عنده زوجه ولد جا عند ابوي وعلى رجعتي بشروط بس هو مايحب احد يفرض عليه شي وبعد كم اسبوع صار يبدا يعمل مشاكل معي ويقول انا مااقدر على شروطكم وبعدها خلاص انقطعت عن اتصالاته لانه كان يقولي راح اشتغل وراح افتح بيت وكان كله بس كلام مافي فعل وفي شي ماقولته لاحدكان يقولي ابوكي اذافعلا يحبك كان ساعدني وأهلي رافضين يساعدوا لانه انسان جداكذاب والله اني تعبت وطفشت من كثرت مايقول لي كلام كذب
وفي شي مهم امي جدا تكرهوا لانه قفل السماعه في وجهها ايام الملكه طبعامافي وحده ترضى على امها وطبعا انا و لا مية مره قفل في وجهي حتى يوم الولادة


وامي ماتبغاني ارجع حتى ابوي رافض بس انا حابه انو يكون عندي بيت لاني طفشت


اسفه طولت عليكم بس والله اني طفشانه ومتضايقه وحاسه بمسؤوليه ابني لانه اكيد راح يجي يوم ويسال عن ابوه وابي مساعدتكم وبصراحه ونفسي اتناقش معاكم وتعطوني اراءكم ولوكتبت قصتي كامله راح تكون صفحات

[حـبـيـبـــ زوجي ـة]

من كلامك عن صفاته لااوافقك الرئي برجوع له ابدااا ولدك مو اول ولد يتربى بعيد عن ابوه بعدين وش تبينه يعلمه الكذب وووو

اسوء صفه وماتنغفر ابدا الكذب

ربي يعوضك افضل منه يلغاليه بعدين ليش من البدايه قبلتي فيه المهم

مثل الرجال هذا ما انصحك واول مره أؤيد وحده على الطلاق مالم ينعدل الزوج

[القلب الجريح]

أنا بصراحة مع أبوك وأمك واللي ما يحترمك وما يحترم أهلك
أنصحك بعدم الرجول إليه مهما كان والولد رزقه على الله وإن شاء الله تهتمين فيه وتكونين أبوهـ وأمه في نفس الوقت (الله الله بالولد)

وإن شاء الله يعوضك ربي خير منه وتحصلين رجل يقدرك ويحترمك ويكون لك مو عليك

بالتوفيق أختي
____________________________________

أنا من الأيام والأيام مني<<أجمل الأغاني الخليجية على الإطلاق

[انا من الايام والايام مني]

أشكركم على ردكم واناعمري 26سنه وابني عمره سنه والكل يبيني انفصل عنه مثلكم

[شاكي]

اطلبي الطلاق ولا ترجعين له والولد رزقه على الله

[Sandra]

عزيزتي أتمنى إنك ما تستعجلي وتصلي الأستخاره أولا وتفكري جيدا في حالك اليوم وحالك لما كنتي في بيت الزوجيه
أكيد ما في مكان ترتاح فيه الزوجه مثل بيتها مهما كانو أهلها مريحينها
وترى الوحده إذا صبرت على زوجها وحاولت بذكاء العمل على تحسين أخلاقه وطباعه تكسب خير الدنيا والآخره ........وربي يعوضها عاجلا أم آجلا
ومن كلامك حسيت إنك خالطه الأمور بين مشاكله معاكي ومشاكله مع أهلك وأكيد الأهل يكبرو السالفه وما يحبو أحد يدوس لبنتهم على طرف حتى لو كان زوجها ..ويجهلو علاقتك فيه وتعامله معاكي في البيت
أنا ما أشجع الإنفصال لأنك لكي سنه في بيت أهلك وطفشانه ومو قادره تتأقلمي .......إذا كنتي تحبيه وتحنيله ارجعيله وحاولي تصلحيه ولا تلتفتي لكلام الأهل لأن الأهل عاطفيين..وعليكي بالصبر وإنتو توكم في بداية الحياه الزوجيه يعني لا تستعجلي الثمار

بالحب والكلام الحلو المرأه تستطيع تهز جبال مو رجال............
أكيد فهمتي علي
أختي مرت بمشاكل أكبر من هذي ونصحناها بالأنفصال لكنها ما سمعت كلامنا وراحتله لأنها تحبه
وبالفعل ربي هداه لها وعرفت كيف تعامله واتصالح مع الأهل

الله يصلح بينكم ويألف بين قلوبكم.................

[اخر الكلام]

استخيري مره ومرتين
وفكري في سلبياته وايجابيته ايت اكثر ؟؟
فكري في سلبيات حياتك في الرجوع له او اذا ما رجعتي له؟
تذكري اسلوبك وتعاملك معاه كيف ؟ ( صفاتك)؟
الله يفرج همك ويصلح لك ولدك

[اسمهان]

تطفشين وتبكين مرة ولا كل مرة .......... يا قلبي لا دامك من اولها منتي سعيدة وكنتي علي شفى حفرة معها ليه تبغين تتطيحين في الحفرة نفسها .......هذا ما وراه سالفه وبيت ابوك ارحم واعز لك لا تذلين نفسك بحجه انك تبغين بيت يا حبيبيتي بيت بلا رجل حقيقي ما يعتبر والله بيت

[انا من الايام والايام مني]

أشكرجميع من ردعلي بس اتمنى كل وحده تحط نفسه بنفس مكاني معي طفل وقاعده سنه عنداهلي والمشكله الكبيره اني احبه

[الفيصل]

الله يفرج همك ويصلح لك ولدك

احينا يجب علينا الا نطيع قلوبنا
الله يرزقك بولد حلال احسن منه

[طفله]

الله يهديه والله مادري شو اقولك حبيبتي
انتي افتحي معاه الموضوع قوليله انته ليش ماتسأل عني ولاتهتم فيني
اذا ماتبينا نكمل الحياه مع بعض رجعني عند اهلى
واذا اعطاك اعذار مثل انا احبك بس مشغول ودوامات تقدرين تصبرين عليه
والله يعينج و يسهل امورج حبيبتي

[بونسيته]

والله أنا متفاجئة نفس قصتي إلا إني ملكت فقط وقصة أنه أمك كارهته وأنه قفل السماعة في وجهها أيام الملكة نفسها حصلت معاي سبحان الله
والمشاكل اللي سواها رغم تفاهتها وكذبه نفس القصة .
والله إني حاسه بيك أنا إلى الآن لي شهرين مافي أي اتصال بيننا وإحساسي يقول لي إني احبه ومره يقول لي مدام إنك لسه على البر أحسن أنفصلي عنه وغير كده أمي أبداً مو طايقته وانا محتاره وتعبانه جداً في لا أشتغل ولا حاجه وعلاقتي مع أخواتي سيئة وحالتي حالة .
أنا حبيت أقول لك نبذه عن مشكلتي عشان تهون عليك مشكلتك .
بالنسبة لي أنا أخترت أصلي آخر الليل وأدعي الله سبحانه وأنصحك بها
وداومي على قراءة القرآن تعطيكي طمأنينة القلب خاصة سورة طه والأحزاب والرحمن وسورة يس بعد الفجر وبعدها أدعي بهذا الدعاء
اللهم إني اسألك بانني أعلم أنك انت الله الذي لا إله إلا أنت الأحد الصمد الذي لم يلد ولم يولد ولم يكن له كفواً أحد أن ( ادعي بما تريدين حتى إن كان مستحيلاً )
داومي عليها حبيبتي وأبداً لا تيأسي وبدعيلك بظهر الغيب إن شاء الله ربنا يعطيكي إللي تتمنيه ويسهله لك .
وأحب أكون في تواصل معاك نخفف على بعض إذا حبيتي

[انا من الايام والايام مني]

اشكرك اختي بونستيه على نصيحتك لي واتمنى صداقتك ونصيحه من اخت مجربه لاترجعين عشان لايصيرلك مثل ماصار معي وصدقيني احساس الام دايم صادق وامي كانت من ايام الخطبه موب مرتاحه بس سبحان الله النصيب

[اخر الكلام]

الله يستر عليك ويفرج همك
لكن صدقيني حب من طرف واحد مايعيش ومايفيد بشي
ايش استفدتي من حبك له ؟؟؟؟
هجران وتطنيش واهمال ولا كذب كمان0000000
لو كان يحبك او على الاقل حب ولده وحس تجاهه بالمسؤليه كان ما سابك سنه كامله ولا قدر يعيش بعيد عن ولده لكن شكله عايش لنفسه وعايش جوه جرب الزواج وماعجبه وطنش ولا كانوه سوى شي
الطفل هذا ايش ذنبه ؟؟؟
اهتمي بولدك وبنفسك وماعليك منه لله ما اعطى ولله ما اخذ وربي في يده كل الامور وهو الخسران
وكلي امرك لله وادعي الله اذا لك خير يرجع لك ويسخره لك واذا مالك خير يبعده عنك ويعوضك خيرا منه00

[بونسيته]

حبيبتي لا شكر على واجب ...
وأنا كمان أتمنى صداقتك .
لو علي أنا أتمنى أتخلص منه عشان خلاص ماافكر فيه لكن هو مو راضي يطلق وأمي ماتبغاني أطلب الخلع .
يارب يارب أجبر بخاطرنا وارزقنا الخير حيث تشاء وارضنا به .

[اهداب المحبة]

نصيحة لا تخلين مشاعر أهلك تختلط مع مشاعرك أنت غير و أهلك غير ،وعلى فكرة الأهل ما ينسون ،لكن أقول لك هل تتقدري تتحملي كلام أهلك أول شئ إذا تطلقتي قبل كلام الناس لان أول من راح يعايرك أهلك ،انا ما أخوفك لكن أحسبيها صح و استخيري استخيري وصلي في الليل بالبقرة والله سبب لتفريج كثير من الكربات بعد الله ...