مليت من معاملة زوجي المعقد ... فما الحل ؟

[pretty women]

انا متزوجة من 7 سنين ومشكلتي ان زوجي بسرعة يزعل وحساس وكثير المشاكل لأتفة الاسباب ويزعل اذا قلتلة هالكلام وعنده ان المشكلة اللي اسويها لها اساس واحنا باليوم نتهاوش مرتين او ثلاث مرات وكل تصرفاتي ماتعجبة مع اني اسوي المستحيل عشان اشوف الفرحة بعينة لدرجة اني ماقمت اعرف شنو اسوي عشان يفرح فيني حتى اذا سويت الشي اللي احبة من طبخة او موقف مع اهلة او مع عيالي هم مايعجبة والله اني تعبت وبعض الاحيان احس اني بديت اكرهه ودايمن يتهمني بالاهمال ولا يهتم فيني الا اذا كنت مريضة وساعات ادعي المرض ودقيق حييييييييييل معلى كل شي يعصب حتى اهل اقولون لي الله اعينك علية صرت ما اعرف شنو اللي يحبة ويرضية حتة معاشي استغنيت عنة لارضاءة مع العلم ان مايخليني اطلع من البيت الا معاه يعني حاكرني حتى المواجيب ماييرضى اروح واذا عندي شقل اهوة اوديني لازم و ياويلي اذا طولت وانا اقضي حاجاتي مليت وانا اسكت واصبر فما الحل مع زوجي المعقد ؟؟؟؟

[سعود]

كان الله في عونك
وانتظري رأي
الأخوات ومشرفة القسم

[الفيصل]

الله يعينك اختي

[دانه بعين بحاره]

الله يكون في عونك يا اختي
بس
يا اختي إل جئي للخالق
ادعوني استجب لكم..
ياقلبي ادعي ربي في صلاتك ان الله يسخر قلبه لك


تحياتي

[pretty women]

:p شكرا لكم اخواني سعود و الفيصل و دانة بعن بحارة على المرور

[عسلسل]

عزيزتى لا تكتائبين كثر عارفه ليش ؟؟ لان زوجك يحبك لو زوجك ما يحبك ما كان يهتم فيك حتى وانتى مريضه
وذا الشئ بادرة طيبه يعنى فى امل
حبيبتى كل مشكله ولها حل وكل باب وله مفتاحه على ما يقولون اعرف انك تعبتى وحاولتى بس صدقينى انت باقى ما فهمتى زوجك
احيانا بعض المواقف يبيلها رد فعل عكسي مثلا انت تقولين انك تهتمين فيه وهو مو مهتم جربى العكس قللى من اهتمامك الزائد مو تكونين مهمله لا حاولى ان تصرفاتك تقتصر على الواجب فقط
شوفى راح يلاحظ وراح يحس بقيمتك
وعلى فكره الى عصبى كثير يكون قلبه ابيض وهذا ايضا شئ طيب فى زوجك حاولى تمتصين غضبه يوم انه يهاوش اتركيه واذا هدي ممكن انك تفتحين الموضوع مره ثانيه وتتناقشين معاه
ادخلى على حياتك نوع من التجديد والرومنسيه فاجئيه بحركات حلوه <<ما يبيلها اكيد فاهمتنى
واتمنى من الله انه يصبرك ويفرج همك ..اللهم امين:o

[ღ♥ღ تفاحة ღ♥ღ]

الله يعينك لكن اقلك شيء الرجال لو حب حب ولو فرشتي ليه عيونك عشان يمشيء عليها وهوا اصلا ما يحبك ابدااااا ما حيحيك ولو كنتي قشبة وهوا راضي فيكي حيشيلك فوق راسه لكن اقلك قومي اخر اليل الثلث الاخير وادعي ربك يهدي سرك وانتي خليكي زي ما انتي لا تغيري شيء فيكي واخدميه زي اول ولما تبدا مشكلة بينك وبينو خليكي الطرف الخاسر واقعدي معاه قعدة صراحة ليش تحطي دا بنفسك وقليلوا ايش مو عاجبك فيني لو قلك فيكي وفيكي ابدئي طلعي الي بنفسك لكن وقت المناقشة لا ترفعي صوتك وخليكي هادية عشان يتقبل الكلمات الي تزل عليه والله يفك ضيقة كل زوجة

[غزلان]

الله يعينج يارب واصبري يااختي حاولي قد ماتقدرين انك تسكتين وماتراددينه

[ام البنات2]

اتوجه لرب العالمين وادعيه انو يهديه

والله يكون فى عونك والصبر جميل

[pretty women]

:oشكرا جزيلا اخواني واخواتي عالمرور الذي اثلج صدري وجزاكم الله خيرا جميعا:o

[هدوء]

انا متزوجة من 7 سنين
العمر كلّه يارب......


ومشكلتي ان زوجي بسرعة يزعل وحساس

هذا الخيط الاول...((بسرعه))>>مشكله..

علاجها خليك هاديـــــــــــــــــه لحد ماتنتهى ثورة الغضب..صوتك اثناء النقاش هادي ومنخفض يوحي بالراحه...
((حساس))>>مشكله!!
علاجها تجنبي التلفظ باالفاظ قبل ان يكون لكل كلمه عند شفتيك ميزان لكل شخص
هذي تغضب زوجي وهذي ترضيه
هذي لاتغضب فلان وتغضب زوجي اذا هي محذوفه من قاموسي الزوجي..


وكثير المشاكل لأتفة الاسباب ويزعل اذا قلتلة هالكلام

المشكله انتي مو هو!!

تدرين ليش!!

لان صار لك 7سنوات متزوجه وتعرفين اللي يزعله وينرفزه وانه حساس وفوق هذا ماتحاسبين على تصرفك انتي انسانه عجوله..متسرعه واندفاعيه


وعنده ان المشكلة اللي اسويها لها اساس

بسئك بالله في نار بدون دخان!!!
كل شي له سبب
ليش الانسان يتنفس لان الهواء يدخل جوا واذا دخل تنفس واذا تنفس عاش!!
ليش في دم بيدي اكيد في جرح
ليش في خدش بجلدي جلدي رقيق وفي شي يمكن ماشفته خدشني!!!
هذي اشياء عايه بس لها سبب...
زوجك معاه حق
شنو اللشي اللي تسوينه بدون سبب ويقول لك ان له سبب....؟؟

واحنا باليوم نتهاوش مرتين او ثلاث مرات وكل تصرفاتي ماتعجبة مع اني اسوي المستحيل عشان اشوف الفرحة بعينة
7سنوات وماعرفتي مفتاحه المفتاح من اول الموضوع معروف بس انتي مو عارفه تجيبينه
اظبطي نفسك رتبي افكارك عدلي سلوكك ابعدي الناس عن حياتك

لدرجة اني ماقمت اعرف شنو اسوي عشان يفرح فيني حتى اذا سويت الشي اللي احبة من طبخة او موقف مع اهلة او مع عيالي هم مايعجبة

طيب سوي اللي هو يعجبه...ليش تصيرين انانيه جربياكثر مره تنازلي وسوي شي يعجبه وشوفي لان من اول مره ماراح يعلق بس كل ماشافك تسوين اللي هو يبي من غير مايقول لك بيجي اليوم اللي ينفجر قدامك با الحب والمدح والاعجاب..

والله اني تعبت وبعض الاحيان احس اني بديت اكرهه ودايمن يتهمني بالاهمال ولا يهتم فيني الا اذا كنت مريضة وساعات ادعي المرض
يتهمك با الاهمال....>>>معناته انتي مقصره بشي معاه لاتقولين مو مقصره ليش هو قال لك مهمله مو لكل شي سبب!!<<خل يقول لك السبب!!عشان لاتكونين متهمه..
كيف تبينه يهتم فيك وهو يقول لك انتي مهمله((فاقد الشي لايعطيه))
بعدين هو طيب ماهو سئ شوفيه يحبك واكبر دليل يعتني فيك بمرضك ويهتم..زوجك مو زعلان منك او انك مو عاجبته لا بالعكس..زوجك مو عاجبته تصرفاتك مو اكثر


ودقيق حييييييييييل معلى كل شي يعصب حتى اهل اقولون لي الله اعينك علية صرت ما اعرف شنو اللي يحبة ويرضية

لاانتي عارفه بس مو مقتنعه...
زوجك اذا ماعجبه شي لاتسوينه مره ثانيه وخلاص..سوي العكس اللي يرضيه..مافي شخص صلب كذا..

حتة معاشي استغنيت عنة لارضاءة
اذا المعاش اللي تقصدين تاخذينه منه هذا شي راجع لك لكن ااذا هو نتيجه عمل او وظيفه اسمحي لي غلطانه...هذا تعبك وحدك تستحقينه..ومو هذا الشي اللي بيرضيه..

مع العلم ان مايخليني اطلع من البيت الا معاه يعني حاكرني حتى المواجيب ماييرضى اروح
طيب هو ماحكرك زي ماتقولين ((ليش شايله كل هذا عليه))حبيبتي هو يطلعك معاه يعني يحبك يغار عليك افهمي كل هذا ومافهمتي بعدك...الله يسامحك بس


واذا عندي شقل اهوة اوديني لازم و ياويلي اذا طولت وانا اقضي حاجاتي مليت وانا اسكت واصبر فما الحل مع زوجي المعقد ؟؟؟؟

طيب انتي رايحه تقضي شغل يعني مو تتمشي!!خلصي الشغل وامشي..

زوجك مو معقد شوفي الاششياء الللي فيك وتغيري وتلاقيته هو بيتغير تلقائي..

سامحيني لو قسيت عليك بشي بس مصلحتك ومصلحة بيتك تهمني

[أبوياسر]

أختي السائلة تحياتي اليك

أختي تقولين إنكي متزوجة من سبع سنوات الحمد لله على الستر والعافية
طيب هل كان في بداية حياتة الزوجية تلازمه هذه لحالة أم غنها أتت الان بعد أن زادت
عليه امور الحياة وثقل كاهله بالهموم أختي رجعت مرة ومرتين وقريت سؤالك وفهمت أنه
لإتفه الاسباب يثور ويجعل من الصغير كبيرة , أختي حاولي تاخذين زوجك لطبيب مختص يكشف عليه ربما مصاب بمرض العصر (( داء السكري )) ربما هنا تكون المعضلة
كثر خيرك كونك صابرة ومحتسبة ما يحصل لك من امور في حب الله وحفاظاً على عمار بيتك
من الخراب وهذه محسوبة لك يا أصيلة , ولكن أستمري معه وحاولي إرضائه والتقرب أكثر إلى قلبه لا تبعدين عنه فهو في حاجتك وكذلك انتي الابناء أبنائكم والبيت بيتكم فلا تهدوا بيتكم بحجة الزعل والخصام ,, أشركي رجال من عائلتك وعائلته بطريق خاصة ليعرفوا ما يعانيه
زوجك , بالنسبة لتخليك عن راتبك واعطائه ليس حل للمشكلة الماديات لم تكن حلاً أو اقلال للمشاكل العائلية ,, أختي أجلسي معى زوجك جلسة خاصة حاولي تخلين الابناء في دار والدتك
وجهزي نفسك وتزيني من اجل قضاء ليلة تعود بكم لأيام الخطوبة وعقد آلقرآن وأختلي بزوجك
مع أضواء الشموع وأكواب العصير وتلك الملابس التي تفتح النفس وتجعله لا يرى سواك قمر في سمائه ربما يكون هذا الشيء له مردود إيجابي في نفسه ويضع حد لهذه المشاكل
ويعود اليك تدرجياً في كل شهر حاولي تصنعي بذكائك ليلة حمراء وصفراء تجذبه وتعيد له شبابه لعلى وعسى يعود الطير ليفرد ريشة عليك وتحلقين معه في السماء الواسعة
اسأل الله أن يديم عليكم محبته ورضائه واسأله تعالى أن يصلح شأنكم ويجعل بيتكم معمور
أختي لا تنسين ذكر الله عليك بالصلاة والصيام والصبر والتقرب إلى الله في الطاعات
وصلي صلاة الليل وأدعي الله وتقربي اليه بخشوع والله والله ما دعى عبداً ربه بدعاء إلا وأستجاب له وما تقربنا إلى الله وطلبنا العون منه في هذه الدنيا إلا وأعاننا عليها
والله عنده خير الأجر والثواب 000

[اخرانفاسي انين]

حبيبتي حاولي تفهمي زوجك وتتقربين منه اكثر واكثر وصدقيني انه يحبك بس في نوع من الرجال مايظهر حبه بس بالداخل يحبك وانت اذا شفتيه معصب اتركيه لما يهدى ويعدين حاولي تتناقشي معاه وتتفاهمي معاه وشوفي هوليش يسوي كدااو ليش تصرفاته كدامعاك والله يهديه انشالله ويحنن قلبه عليك وتكون حياتك سعيده مع زوجك

[#الحلا#]

كفت ووفت الاخت هدوء

بس لاتنسي الدعااااااااااااااااااااااااااااااااااااااااااااا

[اسمهان]

تحياتي لك وانا مع هدوء في كل كلمه ؟؟؟؟بس با النسبه لي انا باوريه العين الحمراء هههههههههههههههههههه انت مدلعته مرة عشان كذا ما صار يعملك خاطر هو عارف انك تحبينه وتموتين وترضينه عشان كذا متغلي ........تغلي عليه واتركيه وشوفي ولو جلس يعصب خليه وروحي الغرفه ولا تردين عليه