أطلــب منكم بعد الله المسااعده بليز:الله يفرجها عليكم ادخلوو بسرعه بليز

[حياة الدنيا]

السلام عليكم ورحمة الله وبركاته

كيف الحال

انا داخله على الله ثم عليكم

انا مخطوبه والي خاطبني الكل يمدح اخلاقه ولله احمد ولاكن في عيب
انو متين مره

فانا ماهمني هلشي ولاكن من تعليقات الي حولي اثرت فيني لدرجه اني افكر بفسخ الخطوبه
حتى صرت اتفشل اذا جابو طاري للزواج
الكل يقول كيف توافقي على ذا ومادري ايش
احس اني كرهته مره وانا ماشفته ولا تكلمت معه

احس اني مو متقبلته شسوووووووي
لدرجه اني اتفشل لما يطلع واحد دب استحي مره اتضااااايق
ولكل يناضر لي عشانه مثل الي حاطبني

شسووي ؟؟؟؟؟؟؟؟؟؟؟؟
ردو على الله يجزاكم الف خير ؟؟
ساعدوني
انا من شد ضيقه الصدر افكر بفك الخطبه لان جاني من التعليقات الي يكفيني؟؟؟

دعواتكم لي لاني مشتته الذهن
اسئل الله اذا في خير لي بحياتي وديني ومعاشي الله يكتبه واذا في شر الله يصرفه
اللهم امين
ساعدوني انصحوني ارشدووووني
الكل يقول بكرا بزرانكم تفافيخ ويضحكون وانا انقهر واسكت
لدرجه ان الوالد مو متقبله عشان انه سمين ومتفشل منه
شسوووووووي؟؟؟؟؟
الفزعه انا بضيق مايعلم فيه الا ربي
اختكم
حياة الدنيا

[¨°•√♥ بنت الاصول ♥√•°¨]

مرااااااااااااااااحبــ عزيزتي ... منوره المنتدى وحياكـ الله ...

حبيبتي من رايي ما تتسرعي بالموضوع يعني اذا تعليقات الى حوالينك اثرت فيك

كيف بتواجهي الحياة بعدين .. خلي عندك ثقه بنفسك ,,

اطلبي تشوفينه من حقك زي مايشوفك تشوفينه واجلسي معه ممكن يكونوا يبالغوا

بالموضوع يكون سمين بس مو لدرجه الى وصلت لك .. شوفيه وصلي صلاة

الاستخاره والرجال مو بشكلو ترى بأخلاقوا اتني راح تعاشرينه بعدين ما راح يهمك

شي قد اطباعوا واخلاقوا هي الى ركزي عليها ممكن الى قاعدين يستحقرونه اهلك

يدللك ويعزك وتعيشي معاه بسعاده ..


فكري بالموضوع قبل اتخاذ اي قرار .. وربي يوفقكـ :)

[dany]

السلام عليكم
اختي حياة الدنيا......
بالنسبه لرأي في موضوعك انه الرجل مايعيبه جسمه دام ان اخلاقه والحمدلله الكل يمدح فيها ليش تهتمين بكلام الناس وانتي لازم تحطين حدود انه مااحد يتكلم او يعلق;)
وكوني واثقه من نفسك ومن اختيارك
وبعدين انتي انخطبتي بدون ماتشوفينه شلون:confused:, لازم تشوفينه وتفكرين وتستخيريين
ومن حقوقك انك تشوفين شريك حياتك.

واتمنى لك التوفيق

[MIMI BISKRA]

براي يا اختي الشكل منو مهم المهم الاخلاق الرجل لما تكون اخلاقو كويسة مايهمك الناس الناس كلامهم ما بينتهي حتى ولو كان خطيبك منو متين
ثقي بنفسك ومايهمك الناس
اما بالنسبة لشكل ولو ما عاجبك شكلوا لما تتزوجوا اعمليلوا رجيم
واتمنى لك التوفيق

[عاصمة الحب]

هلا أختي :أنت فتاة تفرحين بأن يتقدم إليك شاب مستقيم في دينه
حسن في خلقه وكل فتاه تحلم بذلك وتتمناه ولكن الرجال لا يعيبه شكله
وفي رواية (إذا جاءكم من ترضون دينه وخلقه فزوجوه إلا تفعلوا
تكن فتنة في الأرض وفساد عريض، فقالوا: وإن كان فيه؟ - أي وإن
كان فيه بعض الصفات غير المرغوبة - فقال صلى الله عليه وسلم:
وإن كان فيه -ثلاث مرات-)، أي زوجوه وإن كان فيه هذا الأمر
فإن هذا الخاطب السمين إذا تجمل صار حسنًا، وكذلك المرأة
إن كانت غير جميله فتزينت لزوجها ووضعت لمساتها الأنثوية
على نفسها أصبحت جميله بل إن هناك جمالاً آخراً وهو جمال
النفس الذي يعطي بهاءً لا يدركه إلا من نوَّر الله بصيرته، فكم
من إنسان يكون جميلاً في منظره بل رائعًا في هيئته ولكنه مع هذا
متلبس بالمعاصي والفواحش والرذائل فعلى وجهه من ظلمة
المعاصي ومن قباحة السيئات ما يجعل كل صاحب بصيرة وكل
من نور قلبه بالإيمان ينفر من وجهه
و كثيرًا من الناس من ذوي الهيئات في مناظرهم سواء كانوا
من الرجال أو النساء قد يصيبهم شيء من الغرور والعُجب
بسبب ما آتاهم الله من نعمة الصورة الحسنة وهذا كثير وموجود
وإن كان ليس عامًا ولله الحمد،ولكن يكثر في بعض الحالات
أن يكون الإنسان الذي له منظر حسنٌ فيه شيء من الترفع
وربما وجد نفسه المنة على زوجته أنه قد رضي بمستواها
فاعرفي هذا فإنه ينفعك نفعًا عظيمًا وكوني لخاطبك نعم الفتاة
المؤمنة الصالحة التي تعينه على طاعة الله والله يهديك

[daniaM]

مرحبا أختي حياة الدنيا نورتي المنتدى
حبيبتي الجوهر أهم بكثير من المظهر و أنت لم تعطي لنفسك حتى الفرصة للتعرف عليه و معرفة الإيجابيات و السلبيات في شخصية خطيبك، فإذا كان ملتزم محافظ على الفرائض ذو شخصية قوية أكيد أنكي ستحبينه و ترينه أوسم شخص في العالم و في ذلك الوقت لن تسمحي لأي شخص بالسخرية منه

[حياة الدنيا]

المنتدى منور باهله بس احنا عائله معقده شوي وممنوع روئيه الخاطب الا بعد الملكه وكل اخواتي تزوجو كذا انا ماقدر اكسر القاعده

المشكله انوووووو ابوي نفسه مايبغاااه وامي تبغاه وطحت بين نارين وانا كنت اقول اهم شي اخلااقووو بس بعد التعليقات طفشتت كثيررررر احس اني صرت مسخره للناس واحس كل الناس راحميني
وانا افكر كيف راح يقوم بدوره كزوج واعتقد انتو عارفين شقصد لاني سمعت ان المتين مايئدي كل واجباتهه نضرا لشده السمنه
وانا ماعرف ارجوو المساعده
وشاكرين على المرور

[ليلي طويل]

سلااااااااااااااااااااااام

خيتووو انصحك لوجه الله

لا تفسخي الخطبة لهذا السبب لانه ظلم

وش ذنبه الادمي ... لو انتي من اول مو مقتنعة فيه بسيطة

لكن قهر تفسخيها عشان تأثيرات اللي حولك

دام الكل يمدح فيه ... اشريه ترى قلوووا الممدوحين


اختي كانت مثلك رافضة ولد عمي لانه مليان ماشاء الله

لكن اقنعناها


والحين متيمة فيه وتغار عليه حتى من البنوتات اللي في الرسوم المتحركة


اصحك تضيعينه دامه زين


الله يوفقك

ومن ناحية المستهزئين

ازعلي منهم عشان يبطلون مو تضحكين معهم او تسكتين
طيري فيهم وسكتيهم بخصلة من خصالة اللي يمدحونها


الله يوفقك يارب

[الفيصل]

السلام عليكم ورحمة الله وبركاته
اهم شي اخلاقه
ما عليك منهم تري يمكنهم حاسدينك عليه

[مالي أسم]

اول شي السلام عليكم ورحمة الله وبركاته
ثانين ليش تفسخينها علشان سبب تافه
ثالثن بيني للي يعلقون على خطيبك انك تتضايقين من كلامهم واذا زاد تعليقهم قولي انا عاجبني انا ماطلبت رايكم
عن جد قهروني مالهم دخل هذي حياتك بعدين لاتناضرين لجمه ناضري لاخلاقه اهم شي ودينه
لانها اهم من كل شي اهم من شكله اهم من الجمال اهم من السمن لان الي اخلاقه حلوه ودين ماشاء الله يعني نادرين الاشكال ذولا
الكل يتمناهم فيه احد يدورهم علشان يعطيهم بنتهم فيه احد يهدي بناته على الي اشكالهم كذا وانتي بتفسخين الخطوبه
انا مالومك على تفكيرك هذا
لانه لو كنت مكانك راح يكون تفكيري نفس تفكيرك بضبط
انا زوجي مو حلو وكانو يعلقون عليه بس كنت ابين لهم انه عاااااااااااااجبني انا مايهمني شكلوه اهم ماعندي اخلاقوه ودينه لان ماراح اعيش مع جماله راح اعيش مع اخلاقه ودينه صح
انتي شوفي ليش ابوك مايبغاه وشوفي ليش امك مصره عليه اذا كان ابوك مايبغاه علشان السمنه فهو غلطان واذا كان فيه اسباب اخرى ماقلتيها فهاذا شي ثاني
وانتي استخيري

واذا تبين تشوفين خطيبك شوفيه مع النافذه او او فتحت الباب او حطي كميرت فديو بلمجلس خفيه
او اذا كان واحد من اخوانك قريبه له انتي قولي له يصوره لك عادي تراه هذا من حقك

تراه والله حرام تضيعينوه وهو دين وخلوق
ومبروك مقدمن وبكراء تجين تقولين عطون افكار علشان اسعد زوجي :)

والله يهنيك ويسعدك ويكتبلك الي فيه الخير لك

اختك مالي اسم

[حياة الدنيا]

كلامكم بعين الاعتبار والوالد مايبغاه عشانه سمين واحنا شرطنا عليهم انه ينحف وقالو راح ينحف يعني انا لم اضلمه بشي احنا هاذا شرطنا ولاكن للاسف ماشفنا شي ذا الحين من زمان خاطبيني ولا نحف واحنا شارطين عليه وامه قايله لامي راح ينحف شررط وللاسف للحين مانحف

يعني لما ارجعهم ماضلمت احد لانهم هم واعدونا انه ينحف وانا يوم شفتهم واعدونا وافقت على انهم مواعدين انه راح ينحف بس للاسف للحين مانحف ولا شي

مالحل انااا قمت افكر كثير كيف راح يقوم بواجبه كزوووووج
ساعدووني

[حياة الدنيا]

للعلم تمت الموافقه عليه بعد ماقالو انه راح ينحف!!!!!!!!!!!!!!!!!!!!!

[شمعة الامل]

حبيبتي يعني كم وزنة هذا !!!
تبين عاد العلم اللى يريحك استخيري واذا حسيتي براحة له ماعليك من احد وتزوجيةواذا حسيتي بعدم الراحة افسخي الخطبة
وشكلك انتي مو مقتنعة فيه كلش اذا انتي مو قد التحمل ليتك تفسخين الخطبة لانك ماراح ترتاحين معاه وراح تظلمين الرجال معاكي مدام خطبة بس ماعليك ان شاء الله
وذا على راي امك وابوك فية0 مين اللى بعيش معاه انتي اوهم0 يابنت الناس دامك مو مرتاحة منة( الرجال بدالة رجال) وحلوة الحياة مع راحة الضمير00
اتمنى اني افدتك واهم شيء لاتنسي الاستخارة لان فيها فايدة عظيمة لك وله
موفق بإذن الله ... لك مني أجمل تحية .

[مــ الروح ــــلاك]

حبيتي حياة الدنيا

السمنه مو عيب اختي متزوجه واحد متين

وماشاء الله عيشين في سبات ونبات

وخلفوا صبيان وبنات

وألف مبروك مقدماً

وانشاء الله تتهني..

[ليلي طويل]

من جدك هذا شرط ....
اهم شي دينه وخلقه
اعتقد لو رفضتوه اهون من انكم تقولون له انحف
الفتاة ... من القديم والرشاقة مطلوبة عندها واذا كانت مليانة في اشياء تغطي
لكن الرجل ... صعب ... بشرط الزواج بعد

كثير رجال نحفوا بعد الزواج بمساعدت زوجاتهم ...
والطريقة هذي احب واسهل على قلبه


ترى الرجل المليان عنده صفات ماهي عند النحيف

فكري زين

واستخيري


وحطي × على اللي يسخرون

مستقبلك مافيه الحين الا انتي وهالرجل ... تعمقي بالموضوع وشوفي الجوانب الاخرى
وقيسيها


الله يوفقك

[هدوء]

ماتدرين يمكن هو يسوي الان دايت ويخفف من وزنه بعدين حبيبتي هذا مو مرض مزمن يعني اكبر دليل شوفي وليد(الرابح الاكبر))وشوفي ديانا كرزون وغيررررهم واجد.... ولاتنسين الكاتب السعودي المعروف تركي الدخيل شوفي شو كان وشو صار...

وربي وربي لو كان جسمه رياضي واخلاقه بالقاع وربي الناس ماراح تدري عنك انتي بجنه او نار

ولو كان متين قد الجدار ومعيشك بدلع ودلال ورب يوربي انك ماتشوفين التفاهه هذي بعدين يا قلبي تراه شحم ويذوب يعني مو تشوهه او اعاقه حتى الاعاقه ماهي عذر ربي خلقه ك1ا ماتقدرين تعترضين على قضاء ربي...

يابعدي انتي ياسكر كبري عقلك ولاااحد يقرب لحياتك وذا تكلموا بالموضوع هذا اصرخي بوجيهم او اتركي المكان وقومي..وروحي لاامك وقولي لها مو انتي تبيني اخذه سكتي الناس عني....لاني بجد بديت اكرهه..

وصدقيني امك ماراح تسكت

[المأذون السريع]

[ اقتباس

مالحل انااا قمت افكر كثير كيف راح يقوم بواجبه كزوووووج
ساعدووني[/quote]

==================

ليس هناك علاقه بين قيام الزوج بواجباته الشرعيه الخاصه ..... ومدى سمنته ّّ!!!

او نحفه فالمتعه الخاصه الحلال حاصله ان شاء الله مهما كان نوعية الجسم .......

ولا انصحك بفسخ الخطوبه واسمعى كلام امك ... :)

[المذهلة]

هلا حبيبتي كوني واثقه من نفسك ولا يهزك كلام الناس وربك يوفقك

[الثائر]

فهمت ان مشكلتك مشكلتين
اولا العريس دبببببببببببببب وشكله يحرجك مع الناس
ثانيا كيف يقوم بواجباته الزوجيه واظن قصدك في واجبات بعد العشاء :)

الموضوع بسيط اذا كان اخلاقه طيبه فاغلب السمان يتمتعون بخفة ظل يعني خفييييييييف دم وهذا مما يسر الشريك في شريكه
واعجبني احد الردود ان كلام الناس ربما يكون حاسدينك عليه
وطبعا فتحتي على نفسك باب بالتاثر بالتعليقات ولو مشيتيها عادي لاصبح الوضع مختلف عندك وعند من حولك ولازالت الفرصه بيدك
اما الواجبات الزوجيه فان كنتي نحيفه فلا خوف فوضعية الشنقله او المقص تحل الموضوع وسوف يقوم بواجبه كاااااااااملا كما تحبين
هذا واتمنى لك زواجا موفقا ودرية صالحه

[فتـ الاحلام ـاة]

السلام عليكم ورحمة الله وبركاته

هلا اختي ..أولا حبيت اقوولج شي ..

صحيح اني كل فتاة تتمنى ان فارس احلامها يجيها بسرعه وتكون كل الصفات الحلوة فيه من اخلاق ووسامه وطيبه..ولكن يا اختي ليس كل وسيم ورشيق يقدر يسعد شريكة حياته

صدقيني والله فيه واايد متان بس قلبهم ابيض واخلاقهم حلوة ومرحين وحبووبين وروومنسين وحنونين ..شو تين اكثر عن هذا .. والله مب مهم الشكل

بس يا اختي ..اذا انتي يهمج الشكل العام ..فأنا اقوولج لا تظلمي الريال معاج ..وارفضيه بسرعه
لانه أكيد الله بيوفقه وبيخطب غيرج وانشالله بينحف على ايدها

لأن وراء كل رجل عظيم إمرأة .. فليش ما انتي تكونين هذه المرأة ^_*


تحياتي لج// اختج فتـ الاحلام ـاة

[إغتراب]

بالعكس المتين يكون دمة خفيف.....ما عليك من احد تممي موضوعك وفعلا يمكن يكونوا حاسدين زي ما قالك الفيصل ...وانت لما تضايقتي اعطيتهم مادة حلوة يتسلوا عليها فحكمي عقلك واحكمي علية من زاوية ثانية غير الزاوية الي انت تنظرين منها الآن .....
الله يوفقك لما فيه الخير والصلاح ولاتنسي الاستخارة يا اختي الغالية