عضوهـ في آلمـطبخ }.. >> لـقـآء كـل آسبوع <<..

[عيون العسل]

حبيت آطرح عليكم هذآ آلموضوع وآن شآء آلله تعجبكم آلفكره..

والفكره هي ان كل اسبوع نسوي لقاء مع طباخه يعني عضوه من عضوات المنتدى


واطرح عليها بعض الاسئله وهي تجاوب عليها بعدين انا راح اختار عضوه ثانيه

ان شاء الله تكون اتضحت الفكره وعجبتكم
واول لقاء
مع المذهله


وهاذي الاسئله اللي بتنطرح على كل عضوه




1_السلام عليكم ورحمة الله وبركاته ؟

2_عرفينا عن نفسك وخاصه في الطبخ ؟


3_تحبين الطبخ او لا؟

4_وجبتك المفضله؟


5_طبق تحبين تسوينه كثير؟


6_الطبخات اللي تسوينها معدودة ولا كثير وماتنعد؟


7_اول مرة دخلت المطبخ كم كان عمرك لو تذكرين ؟

8_اول طبخه طبختيها وش كان هي؟


9_طبخه طبختيها وفشلتي فيها وش كان شعورك وقتها والكل منتظر تخلصين؟


10-طبخه طبختيها والكل مدحك ؟



11_موقف طريف صار معاك في المطبخ ؟

12_يعتمد عليك في الطبخ او لا؟


13_قوليلنا وصفه لطبخه حلوه كثير تسوينها عشان نجربها ؟


14_سوي طبخه وصوريها لنا؟

15_نصحيه توجهينها لطباخات منتدى زوجي..؟ ^_^

[¨°•√♥ بنت الاصول ♥√•°¨]

موضوعك حلووووووو


تسلمين


وينك يالمذهلـــه :m315:

[ست الستات]

موضوع حلو يلا يا المذهلة الكل بانتظارك

[سعود]

حلوووووو
وين المذهلة ..
تشكري عيون العسل

[اسمهان]

شـكــ وبارك الله فيك ـــرا لك ... لك مني أجمل تحية .

[ساميو]

يعطيك العافية على هالموضوع
تقبلي مروري
لكـ احترامي

سامي

[المذهلة]

وعليكم السلام ورحمة الله وبركاته
تسلمي يا حبيبتي عيون العسل واشكرك على اختيارك لي

* عرفينا عن نفسك وخاصه في الطبخ ؟
جـــــــــــــــــــــــــــــــواهر :p من سلطنه عمـــــــان اعشق المطبخ والطبيخ بجميع الاصناف
ماعدا الحلويات

* تحبين الطبخ او لا؟ ما احبها بس اعشقها

* وجبتك المفضله؟
المشاوي بكل انواعها


* طبق تحبين تسوينه كثير؟
ما عندي طبق معين احب التنويع دائما


* الطبخات اللي تسوينها معدودة ولا كثير وماتنعد؟ كثيره


* اول مرة دخلت المطبخ كم كان عمرك لو تذكرين ؟ بحدود الست سنوات

* اول طبخه طبختيها وش كان هي؟ الرز الابيض


* طبخه طبختيها وفشلتي فيها وش كان شعورك وقتها والكل منتظر تخلصين؟
متضايقه بس اتعلمت انا الفشل هي طريق النجاح


* طبخه طبختيها والكل مدحك ؟ بصراحه اهلي بيمدحو كل طبيخي



* موقف طريف صار معاك في المطبخ ؟ كنت ايامها صغيره وكان عندنا ضيوف روحت المطبخ اساعد المرحومة الوالده روحت اسوي عيش ( الرز الابيض ) كانت الماما مسويه القيمات وحاطة الشيره في صوب وانا افتكرتها زيت وحطيتها في الرز تخيلو شلون صارت الرز ( بدون تعليق )

* يعتمد عليك في الطبخ او لا؟ اكيد يعتمد عليه وخصوصا ان اخواني ما ياكلو من ايد الطباخة مهمه كانت الظروف


* قوليلنا وصفه لطبخه حلوه كثير تسوينها عشان نجربها ؟
صنيه لحم بلخضار
المقادير :
كيلو لحم - نصف كيلو فطر - 2 بصل - 3 حبات بطاطس - فلفل رومي - جزر - كوسه - 2 طماطم
نعمل على قطع كل المقادير ما عدا الطماطم قطع صغيره ثم نقسمها الى ثلاثة اقسام القسم الاول ويكون اللحم ونعمل على تتبيلها بالملح والفلفل وقليل من البهارات والليمون والقسم الثاني الفطر والجزر وفلفل رومي والكوسه ونعمل على تتبيلها مثل اللحم والقسم الثالث البطاطس ونعمل على تتبيلها وبعدها نضعها في صينيه على شكل طبقات اول طبق نضع البطاطس والطبق الثاني الفطر مع فلفل رومي والجزر والكوسه والبصل والطبق الثالث الحم المقطع الى مربعات صغيره والطبقة الرابعة الفطر والخضار المتبقي ونعمل على قطع الطماطم الى دوائر ونغطي الطبق بشرايح الطماطم ونغطيها بورق القسدير ثم نضعها في الفرن لمده نصف ساعة وبلهناء عليكم



* سوي طبخه وصوريها لنا؟ اوعيدك حبيبتي بس مش الحين لاني حاليا عندي ضغط عمل كثير فعذريني يا قلبي

* نصحيه توجهينها لطباخات منتدى زوجي..؟ ^_^
انصح كل طبخات منتدى الزوجي واقولهم لا تزعلو اذا ما زبط معكم الطبخ اذا ما زبط
اليوم بتزبط بكره وحلوه الاكل دائما تكون في نفس الشخص في ناس ما شاء الله
يطبخو كل الاصنام بس الطعم تكون غير طبيعي وفي ناس بيطبخو اي حاجة وتسير
احلى اكلة وبخبركم سر من اسراري علشان تزبط الاكل عندكم وانتو في المطبخ
وانتو بتطبخوعليكم بتسبيح الى الله واعذروني على الاطاله تحياتي ( المذهلة )

[jn333]

يعطيك الف عافيه يالمذهله

[المذهلة]

الله يعافيكي حبيبتي jn333

[شمعة الامل]

شكرا مذهلة
ننتظر العضوة الثانية
عيون العسل موفقة بإذن الله ... لك مني أجمل تحية .

[بروفيسورة الوفا]

حبيت اشكرك موضوع حلو ومهضوم

[المذهلة]

وينك ياعيون العسل وينكم يا جماعه طيب أنا بختار ( jn333 )

[jn333]

هلابك المذهلة:p


وعليكم السلام ورحمة الله وبركاته
تسلم لنا عيون العسل عالموضوع
( جنـــــــى ) اسمي المستعار طبعاً من السعودية_ المنطقة الشرقية_ احب الطبخ لكن احيانا احيانا ما ودي ادخل المطبخ:p


تحبين الطبخ او لا؟
احب الطبخ والفن فيه لكن اذا كنت موجودةبصفة مستمرة :mad:

4_وجبتك المفضله؟
كلوب هاوس( احبها كثير )


5_طبق تحبين تسوينه كثير؟
احب انوع في الأطباق


6_الطبخات اللي تسوينها معدودة ولا كثير وماتنعد؟
ما شاءالله متنوعه


7_اول مرة دخلت المطبخ كم كان عمرك لو تذكرين ؟
تقريباً كنت وقتها بثاني ثانوي يعني 16سنه و 17سنه:o


8_اول طبخه طبختيها وش كان هي؟
كانت رز ابيض+ دجاج بالفرن


9_طبخه طبختيها وفشلتي فيها وش كان شعورك وقتها والكل منتظر تخلصين؟
ما احب تصير لي هالمواقف لكن حلوة كثير لأني استفيد منها
الحمد لله الطبخة ماكانت وجبه رئيسية
كان( بان كيك ) فشلت فيه اكثر من مرة لكن تحديت انا وهو الين انتصرت عليه والحمدلله وان شاءالله انزل لكم هالطبق في القريب العاجل

10-طبخه طبختيها والكل مدحك ؟
طبخة شعبيه..... ( العريكة)
لكن الحمد لله كثير من الطبخات يمدحوني فيها ( والله مو غرور )


11_موقف طريف صار معاك في المطبخ ؟
كثير المواقف الطريفه ما تحضرني حالياً لكن اخرها علبة الملح طاحت مني عالفرن وصار سطح الفرن كأنه مفروش بالثلج:D

12_يعتمد عليك في الطبخ او لا؟
الحمد لله داخل البيت وفي الخارج يعتمد علي

13_قوليلنا وصفه لطبخه حلوه كثير تسوينها عشان نجربها ؟
نزلت قبل فترة صينية البطاطس كثيييييير طيبة ولذيذة
وان شاءالله لما تصير فرص ثانية انزل باقي طبخاتي وان شاءالله الكل يستفيد

14_سوي طبخه وصوريها لنا؟
بإذن الله الجاي اكثر

15_نصحيه توجهينها لطباخات منتدى زوجي..؟ ^_^
اولا الأمانه من اساسيات الطبخ
ومو معنات الفشل في المرة الأولى في اي طبخة ان الوحدة ماتجربها مرة ثانية وثالثة
واتمنى من كل انثى انها تعرف لو الشي البسيط من الطبخ ومع الوقت بتصير من اكبر الفنانات
واتمنى التوفيق للجميع

اعتذر من الجميع عن الإجابات البسيطة والمتواضعه
واعتذر عن التأخير في الرد
لكم كل ودي وحبي يا أغلى منتدى عرفته

[شمعة الامل]

شكرا لك jn333
ننتظر العضوة الجديدة لان الموضوع عاجبني
وينك عيون العسل

[jn333]

هلابك شمعة
وننتظر صاحبة الموضوع والبقية

[المذهلة]

هلا بيكم حبايبي وشكر خاص لحبيبتي jn333 تسلمي يا لغاليه واقول وينك يا عيــــــــــــــــــون العسل عسى ماشــــــــــــــر وبختار شمعــــــــــــــــــــــه الامــــــــــــــــــــــــل

[شمعة الامل]

شكرا لك المذهلة على اختيارك لي
ووينك عيون العسل ننتظر طلتك علينا



السلام عليكم ورحمة الله وبركاته

عرفينا عن نفسك وخاصه في الطبخ ؟

انا شمعة الامل من المنطقة الشرقية احب المطبخ اذا صرت رايقة له:p


3_تحبين الطبخ او لا؟

احب الطبخ والتفنن فية

4_وجبتك المفضله؟

الكبسة

5_طبق تحبين تسوينه كثير؟

الكيك

6_الطبخات اللي تسوينها معدودة ولا كثير وماتنعد؟

لا كثيرة ماتنعد

7_اول مرة دخلت المطبخ كم كان عمرك لو تذكرين ؟

كان عمري 15 سنة تقريبا

8_اول طبخه طبختيها وش كان هي؟

الكبسة

9_طبخه طبختيها وفشلتي فيها وش كان شعورك وقتها والكل منتظر تخلصين؟

سمك وكان شعوري ماينوصف لكن انقذت الموقف الحمدالله

10-طبخه طبختيها والكل مدحك؟

طبخة شعبية (الجريش)
وطبخات كثير يمدحون فيها الحمدلله


11_موقف طريف صار معاك في المطبخ ؟

قبل يومين كنت عازمه جاراتي ومصلحه حلى ونوع من الحلى يقطع على شكل دوائر المهم جن جاراتي وانا ماقطعت هالنوع وبديت اقطع ومو راضي يزين التقطيع وراح نص الصينية وانااجرب المهم قطعتة مربعات وزان لكن مو مثل الشكل اللى براسي;)

12_يعتمد عليك في الطبخ او لا؟

الحمدلله كثيرمايعتمد علي

13_قوليلنا وصفه لطبخه حلوه كثير تسوينها عشان نجربها ؟

هي عباره عن حشوة للفطاير وهي تبشري بطاطس وكوسة وجزر بشر ناعم
وتقطعي بصل تقطيع ناعم وفلفل رومي وتحطية على النار مع شوية زيت وملح وبهاراتك الموجودة عندك وتحركيه لين يذبل البصل بعدها تحطي الخضار المبشورة وتخليها على النار لين تحسي انها انضجت وبعد ذالك تحطي الكزبرة فوقها وتخلطها مع بعض وتحشي الفطاير وبالهناء والعافية

14_سوي طبخه وصوريها لنا؟

بااذن الله

15_نصحيه توجهينها لطباخات منتدى زوجي..؟ ^_^
انصحهم بحسن التصرف بالمواقف المحرجه وانصحهم بحسن التقديم لان تزيين الاطباق لها دور في انفتاح النفس للاكل ولاييأسوء من اول تجربه في الطبخ
واتمنى ان اكون عضوة خفيفة عليكم
شكرا لكم والشكر موصول لعيون العسل وللمذهلة

[المذهلة]

السلام عليكم ورحمة الله وبركاته
تسلمي حبيبتي شمعه الامل والله يرجع لنا عيون العسل بســــلامة
بختار بروفيسورة الوفا

[jn333]

وعليكم السلام ورحمة الله وبركاته

عسى ما شر وش فيها عيون العسل؟؟؟؟
الله يعطيك العافيه ياشمعة ويوفقك للخير يارب
صرتي بنفس منطقتنا وانا مادري:m315:

يالله ننتظر بروفيسورة
تحياتي للجميع

[شمعة الامل]

شكرا لك المذهلة على تحريك الموضوع
واهلين jn333 يمكن جيران وحنا ماندري:zr287:
الله يجزاك خير على الدعوة الحلوة
وكمان ننتظر بروفيسورة الوفا

[الفيصل]

السلام عليكم ورحمة الله وبركاته
المذهلة
يسلمووووووووووووووووو:rolleyes:

[samsima]

شـكــ وبارك الله فيك ـــرا لك ... لك مني أجمل تحية .

موضوع كتير مميز تسلمي حنونه

[المذهلة]

وينك بروفيسورة الوفا

[jn333]

ننتظرها ان شاءالله ترجع بالسلامة

[المذهلة]

مرحبا حبايبي الظاهر ان بروفيسورة الوفا عندها ظروف وننتظرها ترجعلنا بسلامة هي وعيون العســـــــــــــــــــــــــل وأنا بختار ( بنت عمــــــــــــــــــــــــــــــان )

[jn333]

اليوم يومك يا بنت عمان
بالتوفيق ان شاءالله

[بنت عمان]

اشكركم على استضافتـــــــــــــــي :):):)

1_السلام عليكم ورحمة الله وبركاته ؟

وعليكم السلام ورحمة الله وبركاته

2_عرفينا عن نفسك وخاصه في الطبخ ؟
(بنت عمان) جيده بالطبخ


3_تحبين الطبخ او لا؟
نعم احب الطبخ


4_وجبتك المفضله؟

مشاوي


5_طبق تحبين تسوينه كثير؟
الكريم كرميل لان زوجي يعشق هذي الحلوه


6_الطبخات اللي تسوينها معدودة ولا كثير وماتنعد؟
لا تنــــعد


7_اول مرة دخلت المطبخ كم كان عمرك لو تذكرين ؟
بحدود 10 سنوات

8_اول طبخه طبختيها وش كان هي؟
رز ابيض ههههه


9_طبخه طبختيها وفشلتي فيها وش كان شعورك وقتها والكل منتظر تخلصين؟
عادي لان الي ما يخطئ ما راح يتعلم


10-طبخه طبختيها والكل مدحك ؟
كبسة لحـــــم



11_موقف طريف صار معاك في المطبخ ؟
غسلت شعري وربطته بشيلة طويله وحطيت حوالي 7 دبابيس علشان ما يتساقط شعري بالاكل وانا اقلب الاكل احترق شيلتي وما قدرت افسخ شيلتي من كثر الدبابيس الا بعد تدخل اهلي هههه

12_يعتمد عليك في الطبخ او لا؟
اكيد يعتمــــد

13_قوليلنا وصفه لطبخه حلوه كثير تسوينها عشان نجربها ؟

اقدم لكم طريقة الكريم كراميل لذيذة جدا

المقادير:
6_ بيضات
3_كاس حليب نيدو
1_كاس سكر
2_ كاس ماء
ملعقة صغيرة فنيليا



طريقة التحضير :
1-تخلط جميع المقادير في خلاط الكيك لمده5 الى 10 دقائق



ومن جهة تانيه نحضر الكراميل (السكر المحروق)
1_كاس سكر نضعه علي النار مع التحريك الى ان يصبح لونه بني

14_سوي طبخه وصوريها لنا؟

http://www.dm3t.com/up3/9410704efa.jpg (http://www.dm3t.com/)

15_نصحيه توجهينها لطباخات منتدى زوجي..؟ ^_^
يا بنات احلى منتدى تفننوا بالطبخ لان اهم ما في الزوج معدته فا اطبخي له احلى الاكلات لكي لا يضطر ان ياكل في المطاعم والواحد ما يأمن من اكلات المطاعم ونظافته.

[المذهلة]

شـكــ وبارك الله فيك ـــرا لك ... لك مني أجمل تحية .

اختار ( بنت الاصـــــــــــــــــــــــول )

[حـبـيـبـــ زوجي ـة]

ماشاءالله عليكم يابنات فن وابداع بكل المجالات الله يحفظكم ويوفقكم

موضوع مميز والى الامام دائما:)

وفي انتظار بنت الاصول ;)

[jn333]

اجمل تحية لك بنت عمان
ويعطيك ألف عافيه
وينك يا (( أم مشعل )):rolleyes:

[المذهلة]

تسلمي حبيبتي حبيبة زوجي والله يعطيكي الف عافيـــــــــــــــــــــــة

[المذهلة]

وينك يا بنت الاصــــــــــــــــــــــــــول

[شمعة الامل]

بنت الاصول وينك
اشوفك بالاقسام الثانية تعالي لقسم المطبخ
ننتـــــــــــــــظرك

[المذهلة]

وينكم يا جماعـــــــــــــــــــــــة

[jn333]

هلابك يالمذهلة
ركووووووووووووووود
لانعلم إلى متى؟؟؟؟؟؟؟؟؟؟؟؟؟؟؟؟؟؟؟؟؟؟
طيب اش رايك نختار نتولة
يمكن بنت الأصول عندها ظرف
الموضوع لازم يتحرك

[¨°•√♥ بنت الاصول ♥√•°¨]

اتذكر اني جاوبت وين طارت ؟؟؟؟!!!!!!!!

[¨°•√♥ بنت الاصول ♥√•°¨]

http://msa6el.jeeran.com/اسعد-الله-اوقاتكم.gif

اشكركم على استضافتـــــــــــــــي

1_السلام عليكم ورحمة الله وبركاته ؟

وعليكم السلام ورحمة الله وبركاته

2_عرفينا عن نفسك وخاصه في الطبخ ؟
اسمى بالمنتدى بنت الاصول وبرا المنتدى ام مشعل




3_تحبين الطبخ او لا؟
اكيد


4_وجبتك المفضله؟
صينية مكرونه بالجبن والباشميل



5_طبق تحبين تسوينه كثير؟
صينية المكرونه لازوجي يحبها



6_الطبخات اللي تسوينها معدودة ولا كثير وماتنعد؟
اطباق كثيره الحقيقه






7_اول مرة دخلت المطبخ كم كان عمرك لو تذكرين ؟
كنت اخش المطبخ وا بسن صغير مع امي




8_اول طبخه طبختيها وش كان هي؟
اذكر اني سويت لهلي الغداء



9_طبخه طبختيها وفشلتي فيها وش كان شعورك وقتها والكل منتظر تخلصين؟

صراحه ما اتذكر انه صار لي هالموقف


10-طبخه طبختيها والكل مدحك ؟
اكلات كثيره




11_موقف طريف صار معاك في المطبخ ؟
مو طريف صراحه مرعب ... مره كنت اسوي الغداء وكان بيجوني اخوي على الغدا سويت كذا تشكيله
بالاخير يو طالعت والا مافي رز وتدرون الرز مهم وفكرة اسوي مشخول اسرع شي وانا اسويه جاني اتصال ويوم رجعت
والا المطبخ مولع نار وجالسه اصرع واشيل واحط



12_يعتمد عليك في الطبخ او لا؟
اكيد



13_قوليلنا وصفه لطبخه حلوه كثير تسوينها عشان نجربها ؟
بقولكم طريقة صينية الدجاج سريعه وسهله تقدرين تسوينها بسرعه مع اطباق ثانيه
او طبق رسمي ينفع ..

المقادير ..

دجاج حسب الرغبه = خضار مشكله الموجوده عندك ويفضل بطاطا ، وكوسه باذنجان ،
بصل طماطم = م/ك بهارات = فلفل اسود = ملح = كركم

الطريقه ..
تقطع الدجاج قطع صغيره وتقطع جميع الخضار حلقات ترص الخضار وبعدها الدجاج
وتضاف إليها التوابل جميعها .
ثم توضع على النار لمدة نصف ســاعه وبعدها ترفع من على النار ويرش عليها
زيت وتدخل الفرن علشان تتحمر من فوق .

وبالعافيه على قلوبكمـ

14_سوي طبخه وصوريها لنا؟
ودي بس اللحين ما جهزتها



15_نصحيه توجهينها لطباخات منتدى زوجي..؟


اقولهم الطبخ فن ولمسات وزي ما يقولو الكبار نفس
حبي الطبخ تقدري تبدعي فيه ،، حاولي تشكلي بالاطباق الى تسوينها علشان زوجك
ما يمل ولا تنسى السلطات والمقبلات لها دورها بالسفره .

[jn333]

يعطيك الف عافيه يا ام مشعل

[شمعة الامل]

مشكورة بنت الاصول

[¨°•√♥ بنت الاصول ♥√•°¨]

تسلمين جنى



لاهنتِ

[¨°•√♥ بنت الاصول ♥√•°¨]

هلا وغلا شمعة الامل ..


تسلمين لي يالغلا



لاهنتِ

[المذهلة]

السلام عليكم ورحمة الله وبركاته
تسلمي اختي بنت الاصول والله يعطيكي العافية
أنا اختار الاخت راهية

[الراهيه]

السلام عليكم ورحمة الله وبركاته
مشكوره يالمذهله على اختيارج لي

عرفينا عن نفسك وخاصه في الطبخ ؟

انا الراهيه من البريمي والحمدالله طبخي حلو


3_تحبين الطبخ او لا؟

احب اطبخ وايد واحب اجدد وادور عن الطبخات الغريبه عني

4_وجبتك المفضله؟

صينية الدجاج بالخضار بالفرن طبعا اذا كنت انا مسويتها اذا الخدامه مااحبها

5_طبق تحبين تسوينه كثير؟

الحلويات بكافة انواعها

6_الطبخات اللي تسوينها معدودة ولا كثير وماتنعد؟

لا الحمدالله كثيره

7_اول مرة دخلت المطبخ كم كان عمرك لو تذكرين ؟

كنت صغيره ما اذكر لاني احب الطبخ

8_اول طبخه طبختيها وش كان هي؟

خبز رقاق (وياعيني عليه هههههه)

9_طبخه طبختيها وفشلتي فيها وش كان شعورك وقتها والكل منتظر تخلصين؟

كبسة دجاج كنت ماخذتها الوصفه من كتاب وقلتلهم اليوم الطبخه رح تكون جنان ولا تاكلون شي حتى لا تتريقون واول ماخلصت الطبخه وحطيتها (والله اكتب وانا ميته من الضحك لما اتذكر الموقف) الكل كان ياي ومشمر عن سواعده عشان ياكل هالطبخه واول لقمه كان الكل يطالعني انا بروحي ماعجبتني وقمت اضحك الكل قام ينسحب عن الغدا واحد واحد وقالولي ياسلااااااااااام كثيرلنا من هالطبخات..

10-طبخه طبختيها والكل مدحك؟

الحمدالله كل طبخاتي انمدح فيها خاصة زوجي


11_موقف طريف صار معاك في المطبخ ؟

ما اذكر موقف حاليا

12_يعتمد عليك في الطبخ او لا؟

اكيد يعتمد كثيرا

13_قوليلنا وصفه لطبخه حلوه كثير تسوينها عشان نجربها ؟

صينية الدجاج بالخضار ووحده من العضوات كتبت الطريقه

14_سوي طبخه وصوريها لنا؟

ان شاء الله لما اخلص الامتحانات

15_نصحيه توجهينها لطباخات منتدى زوجي..؟ ^_^

نصيحتي هي للي ماتعرف تتطبخ تتعلم ومب شرط تضبط عندها الطبخات من اول مره بس لازم الواحد يحاول ويحاول لين ينجح واللي مايغلط مارح يتعلم لازم الواحد يتعلم من اخطائه..
الف شكر لج ياالمذهله..

[المذهلة]

تسلمين حبيبتي الراهيه ذكرتيني بخبز رقاق يم يم يم لذيذ وبختار طفلة

[طفله]

_السلام عليكم ورحمة الله وبركاته ؟

وعليكم السلام ورحمه الله وبركاته

2_عرفينا عن نفسك وخاصه في الطبخ ؟

انا طفوله .. مو طباخه ماهره لكن اكلي حليوووووو


3_تحبين الطبخ او لا؟


اموووووووووووووت على المطبخ

4_وجبتك المفضله؟

مكبوس دجاج


5_طبق تحبين تسوينه كثير؟


معكرونه


6_الطبخات اللي تسوينها معدودة ولا كثير وماتنعد؟


كم طبخه


7_اول مرة دخلت المطبخ كم كان عمرك لو تذكرين ؟

13 - 12 اتوقع

8_اول طبخه طبختيها وش كان هي؟

معكرونه


9_طبخه طبختيها وفشلتي فيها وش كان شعورك وقتها والكل منتظر تخلصين؟


عااااااااااااااااااااااااادي لان الحياه تجارب :confused:
10-طبخه طبختيها والكل مدحك ؟

مكبوس سمك



11_موقف طريف صار معاك في المطبخ ؟

هههههههههههههههههههههههههههههههههههه
لا تذكريني كنت اسوي حلا الاولكر اذا تعرفونه ومطلوب مني اضيف له
حليب مكثف محلي وانا ما اعرفه بعدها رحت الجمعيه واخذت حليب ابو قوس مركز
وحطيته طلع الحلا كانه مالح خخخخخخخخخخخخ
12_يعتمد عليك في الطبخ او لا؟

نعم يعتمد على فديتني :cool:


13_قوليلنا وصفه لطبخه حلوه كثير تسوينها عشان نجربها ؟

http://up.arabseyes.com/upfiles/6TS21595.jpg

المقادير:

- بيضتان.
- 1 ½ كوب أو 210 غرام من الدقيق العادي.
- ملعقة صغيرة من البيكينغ باودر.
- ½ كوب أو 125 مل من الزيت النباتي.
-3 ملاعق كبيرة من مسحوق الكاكاو.
- علبة واحدة أو 397 غرام من حليب نستله المكثف المحلى.
- 1 ½ ملعقة صغيرة من خلاصة الفانيلا.
- كوب واحد أو 150 غرام من الشوكولاتة المرة المذوّبة.
- علبة واحدة أو 170 غرام من قشطة نستله.
- 4 ملاعق كبيرة من الماء.
- كوب واحد أو 150 غرام من الشوكولاتة المرة والمبشورة للتزيين.






طريقة التحضير:

1- يُمزج البيض مع البيكينغ باودر، الزيت، مسحوق الكاكاو، حليب نستله المكثف المحلى، والفانيلا داخل وعاءٍ للمزج وتُخلط المكونات بواسطة خلاّطٍ كهربائيٍّ على سرعةٍ خفيفةٍ لمدة دقيقتين، ثم على سرعةٍ متوسطةٍ لمدة دقيقتين إضافيتين أو إلى أن يصبح المزيج ناعماً.
2- يُسكب المزيج في قالبٍ مستطيل للخبز قياس 11 سم x 30 سم ومدهون بالزيت أو الزبدة ثم يُخبز في فرنٍ محمى على حرارة 170 درجة مئوية لمدة 45 إلى 50 دقيقة أو إلى أن يتم إدخال سيخ في الداخل وإخراجه نظيفاً، يوضع القالب جانباً كي يبرد على حرارة معتدلة.
3- تُفتت الكعكة المبرّدة وتوضع في الخلاط الكهربائي مع الشوكولاتة المذوّبة وقشطة نستله والماء، تُخفق المكونات جيداً إلى أن تتشكل عجينة طرية (يُضاف المزيد من الماء بحسب الحاجة).
يُقرّص المزيج على شكل كرات صغيرة ثم تُغمس الكرات بالشوكولاتة المبشورة وتُقدّم.
نصيحة: يوضع المزيج في البراد لبضع دقائق كي يشتد ويصبح سهل التقريص على شكل كرات صغيرة.

حبوبات تري منقول والله ما فيني اكتب اي خلطه حطيت هاذي من منتدي
ثاني لانها اعجبتني وانا بجربها وانتم جربوها اوكيه هههه << كسلانه




14_سوي طبخه وصوريها لنا؟

بصراحه ما اعرف انزل صور من الموبايل

15_نصحيه توجهينها لطباخات منتدى زوجي..؟ ^_^


نصيحتي هي ..: اطفااااااااااااء الغاز بعد الطبخ لان مشاكله وايد
وعليكم بالاكل الزين <<<< انصحي نفسج اول هههههه


مشكورات حبيباتي على الاستظافه الروعـــــــــــــــــــــــــــــــــــــــــه

[jn333]

الراهيه
طفله

يعطيكم الف عافيه حبيباتي

[جولي]

موضوع رائع جدا
والشكر لصاحبة الموضوع
والمذهلة

تقبلو مروري

[شمعة الامل]

يسلمووو الراهية
ويسلمووو طفلة
والله يعطيكم العافية

[المذهلة]

السلام عليكم ورحمة الله وبركاته
رايحة اختار تفاحة

[ღ♥ღ تفاحة ღ♥ღ]

اولا " شكرا على استضافتي

وان شاء الله اكون شيفة خفيفة على القلب

يلا ابدا



1_السلام عليكم ورحمة الله وبركاته ؟

وعليكم السلام ورحمة الله وبركاته

2_عرفينا عن نفسك وخاصه في الطبخ ؟

اسمي ربى احب الطبخ والحمد لله على صغري اتعلمت من ست الحبايب الاساسيات وبعدها بدات اجرب

3_تحبين الطبخ او لا؟

احب اطبخ وازيد حب فيه لما اكووون رايقة اسوي بلاوي هههههه

4_وجبتك المفضله؟

فطيرة التفاح بشيرة تخبلني هههههههههه

5_طبق تحبين تسوينه كثير؟

احب اسوي الكابلي وازبطوا الحمد لله


6_الطبخات اللي تسوينها معدودة ولا كثير وماتنعد؟

في طبخات اسويها ما تتاكل والله اذا كانت اول مرة اول نقلتها من كتاب

7_اول مرة دخلت المطبخ كم كان عمرك لو تذكرين ؟

كنت خامس ابتدائي

8_اول طبخه طبختيها وش كان هي؟

كيكة البرتقال اتعلمتها في الابتدائي ودوالي تنفيذ --

9_طبخه طبختيها وفشلتي فيها وش كان شعورك وقتها والكل منتظر تخلصين؟

لا والله مو طبخة طبخة بس مرة عمتي كانت جيعانة على الاخر وقالت اسلقي بيض وكنت ما اعرف متى يقعد البيض المسوق من الوقت وبعدها انحرق وصار مو ابيض اسود ههههههه والقدر دخاخين وعمتي الوجهه لا يوصف --


10-طبخه طبختيها والكل مدحك ؟

الدونات بسكر والشكلاتته هادي حطمت الكل --

11_موقف طريف صار معاك في المطبخ ؟

دائما احب ابارز اخويا في ادوات المطبخ امسك ملعقة كبيرة وهوا كمانة مرة حرب القدور في الطبخ وجدتي جات جري وشويا جيت ارمي اخويا بلكوسة جات براس جدتي خخخخخخ لكن الحمد لله قامت بخير بس قعدت مصدومة مني كم يوم --

12_يعتمد عليك في الطبخ او لا؟

احب احد يعتمد عليا مو فقط في المطبخ بكل شيء احس حقت مسؤولية الحمد لله --

13_قوليلنا وصفه لطبخه حلوه كثير تسوينها عشان نجربها ؟

احب اسوي طريقة بسبوسة جديدة جدا طعمها خرافي :

المقادير

2 كباية سميد

2 كباية نارجين

نص كباية زيت

2 علبة قشطة

5 ملاعق حليب

نص كباية سكر

1 ملعقة بكن بودر

الطريقة

يخلط الزيت والسكر والبكين بودر والحليب والقشطة مع بعض زي الناس ثم نضع النارجين والسميد ونقلب بعدين نحط في الصنية زيت ونصب الخليط في الصنية وزينيها بلوز وبعدها بلفرن لين تحمر وسوي الشيرة وحطيها وقديميها بس 0000 اتمنى تجربها ترى خبال 000


14_سوي طبخه وصوريها لنا؟

حاليا ماعندي صورة ما اصور طبخاتي ابدا بس فكرة حلوة ---

15_نصحيه توجهينها لطباخات منتدى زوجي..؟ ^_^

اهم شيء نظافة المطبخ والترتيب قبل الطبخ والطبخة الي ما تزبط لا تترمي نوديها لي سلة على جنب واتمنى من كل البنات والحريم تجديد الطبخات وعدم الاعتماد على الطبخات التقلدية

بس


اتمنى اكوووووووون خفيفة على القلب وكلامي وشكراااا للجميع من اضافني في دا القسم الحلوو


سلامي للجميع

[المذهلة]

شـكــ وبارك الله فيك ـــرا لك ... لك مني أجمل تحية .

بختار جولي

[ღ♥ღ تفاحة ღ♥ღ]

فين جولي


يلا


؟؟

[جولي]

1_السلام عليكم ورحمة الله وبركاته ؟
وعليكم السلام ورحمة الله وبركاته

2_عرفينا عن نفسك وخاصه في الطبخ ؟
أم إسراء اعشق المطبخ من صغري بس بديت امل منووووووو هههههه

3_تحبين الطبخ او لا؟
أكيد ولا ماكلن اتعلمت من صغري ههههههههههههه

4_وجبتك المفضله؟
المكرونه بانواعها اموووووووووووت فيها ههههههههه

5 _طبق تحبين تسوينه كثير؟
أرز بالخضار

6_الطبخات اللي تسوينها معدودة ولا كثير وماتنعد؟
كثيره الحمد لله وعلى حسب المزاج

7_اول مرة دخلت المطبخ كم كان عمرك لو تذكرين ؟
تقريبا 13 سنه

8_اول طبخه طبختيها وش كان هي؟
كيكة توفي

9_طبخه طبختيها وفشلتي فيها وش كان شعورك وقتها والكل منتظر تخلصين؟
الحمد لله ماافتكر صار موقف كذا

10-طبخه طبختيها والكل مدحك ؟
كريمه بالبيض ( كريم كرميل )

11_موقف طريف صار معاك في المطبخ ؟
انا وبنت خالتي سوينا كيكة التوفي وخلينا المطبخ ياسلام هههههههههههههه
وتهزانا

12_ يعتمد عليك في الطبخ او لا؟
الحمدلله يعتمد عليه

13_قوليلنا وصفه لطبخه حلوه كثير تسوينها عشان نجربها ؟
والله مافي اي وصفه في بالي اعذروني


14_سوي طبخه وصوريها لنا؟
ان شاء الله بس دايم انسي افتكر بعد ماارفع السفره هههههههههههه

15 _نصحيه توجهينها لطباخات منتدى زوجي..؟ ^_^
النظافه والترتيب اهم شي وتجديد في تنظيم المطبخ عشان تنفتح نفسها للطبيخ
ههههههههههههه

وسلامتكم

وتسلمي على اختياري
واسفه على التاخير

[المذهلة]

شـكــ وبارك الله فيك ـــرا لك ... لك مني أجمل تحية .
تحياتي لكي يا حبيبتي جولي
بختار حجازية

[jn333]

يعطيكم الف عافيه

[حجازية]

السلام عليكم ورحمة الله وبركاته ؟
وعليكم السلام ورحمة الله وبركاته

2_عرفينا عن نفسك وخاصه في الطبخ ؟
طبعا معروفه حجازية ادخل للمطبخ مو كثير بس يكثر تواجدي برمضان والمناسبات

3_تحبين الطبخ او لا؟
يعني مو كثير

4_وجبتك المفضله؟
المكرونه بانواعها

5 _طبق تحبين تسوينه كثير؟
المعجنات

6_الطبخات اللي تسوينها معدودة ولا كثير وماتنعد؟
يعني مو كثير واغلبها نقل من الكتب او بمساعده من الماما او صديقاتي

7_اول مرة دخلت المطبخ كم كان عمرك لو تذكرين ؟
اممممممممم بسنه اولى ثانوي

8_اول طبخه طبختيها وش كان هي؟
كرواسون

9_طبخه طبختيها وفشلتي فيها وش كان شعورك وقتها والكل منتظر تخلصين؟
انا ماادخل كثير بس اول مرة اعمل فيها مكرونة لصقت ومدري ايش سار فيها انا مقدرت اذوقها شكلها مو شي هههههههههه

10-طبخه طبختيها والكل مدحك ؟
سينا بون

11_موقف طريف صار معاك في المطبخ ؟
ابد بس انا من النوع اللي احوس المطبخ اذا سويت شي كل شي بمقدار وكاسه وملعقه وشغله يعني اكركب كثير فما يحبون ادخل المطبخ بس هذا قبل دحين خفيت شوي

12_ يعتمد عليك في الطبخ او لا؟
حسب المزاج

13_قوليلنا وصفه لطبخه حلوه كثير تسوينها عشان نجربها ؟
مافي ببالي


14_سوي طبخه وصوريها لنا؟
اذا سويت ان شاء الله

15 _نصحيه توجهينها لطباخات منتدى زوجي..؟ ^_^
اهم شي الترتيب اوقات المظهر يحكم على الشي



وتسلمي على اختياري
واسفه على التاخير[/QUOTE]

[المذهلة]

السلام عليكم ورحمة الله وبركاته
تسلمين حبيبتي والله يعطيكي الف عافيه وبختار حبيبه زوجي

[حـبـيـبـــ زوجي ـة]

_السلام عليكم ورحمة الله وبركاته ؟

وعليكم السلام ورحمة الله وبركاته
2_عرفينا عن نفسك وخاصه في الطبخ ؟
حبيبه حاصله على شهادة امتياز بدوره تعليميه في فن الطبخ بس على قول زوجي شهاده خرطي هههههه

3_تحبين الطبخ او لا؟
احبه جدااا

4_وجبتك المفضله؟
المكرونه

5_طبق تحبين تسوينه كثير؟
مكرونه الباشميل وجميع انواعها و الحلويات بكل انواعها والمصقعه

6_الطبخات اللي تسوينها معدودة ولا كثير وماتنعد؟
لا بصراحه معدوده بحكم انشغالي ما ادخل كثير للمطبخ

7_اول مرة دخلت المطبخ كم كان عمرك لو تذكرين ؟

مممممم تقريبا 9 سنوات

8_اول طبخه طبختيها وش كان هي؟

رز ابيض بس طلع ناقص ملح كانت مشكلتي معرفة مقدار الملح9_

طبخه طبختيها وفشلتي فيها وش كان شعورك وقتها والكل منتظر تخلصين؟
عادي اكلوها بس تريقه طول اليوم

10-طبخه طبختيها والكل مدحك ؟
دجاج سويسرول وماسويتها بعد كذا خفت تخرب وتتغير نظرتهم لي هههههه

11_موقف طريف صار معاك في المطبخ ؟
اكيد اغلب المواقف عندي لما احط شي بمكان غلط :m315:
12_يعتمد عليك في الطبخ او لا؟
مممممم احيانا هههه
13_قوليلنا وصفه لطبخه حلوه كثير تسوينها عشان نجربها ؟
انا احب الحلويات واحب اسويها بنفس
واسم الحلى العجيب
ظرفان دريم ويب وحبتان جنه كيري
وعلبه قشطه
وثلاث ملاعق جلى الفراوله
ونحطها بلخلاط حتى تصبح مثل العجينه الثقيله

نقطع كيك سويسرول ونرصه بصينيه وعلى جوانبن الصينيه كمان ونضع الخليط ونغطيه كمان من اعلى بكيك سويسرول ونرش عليها من ماء الجلي حتى تعطينا اللون وتلين لنا الكيكه ثم نرش عليها جوز الهند ومكسرات نرشها على سطح الحلى ونحطها بلثلاجه مممممممممم لذيذه


14_سوي طبخه وصوريها لنا؟
باذن لله

15_نصحيه توجهينها لطباخات منتدى زوجي..؟ ^_^
قدمو لنا اكلات سهله حتى اسويها هههههه:D

الله يوفقكم جميا

اختكم
حبيبه

[المذهلة]

تسلمين حبيبتي ( حبيبه زوجي ) بختار الاخت لؤلؤه البنات

[حـبـيـبـــ زوجي ـة]

العفوووو يلغلا

وحنا بنتظار لؤلؤة البنات :)

[الفيصل]

السلام عليكم ورحمة الله وبركاته

بنات نبغى صور و عزومة لنا

[المذهلة]

وعليكم السلام ورحمة الله وبركاته
ولا يهمك يا خوي انت ماضيف وياهلافيك

[المذهلة]

هلا والله بحبايبي بختار الاخت ( نبض الامان )

[نبض الأمان]

مشكورررره اختي المذهله على استضافتك لي
ربي يسعدك يالغلاااااااا0000

1 السلام عليكم ورحمته الله وبركاته

وعليكم السلام ورحمته الله وبركاته

2 عرفينا عن نفسك وخاصه في الطبخ ؟

الاسم المستعار 00 نبض الامان00 من ينبع 0 احب الطبخ بعض الاحيان

3 تحبين الطبخ او لا ؟

يعني بس احب اتفنن فيه

4 وجبتك المفضله ؟

البتزااااااااااا بكل انواعها والسلاطات بكل انواعهاااااا

5 طبق تحبين تسوينه كثير؟

حلى باسكن

6 الطبخات التي تسوينها معدوده ولا كثيره وماتنعد ؟

والله يعني مو مره كثيره

7 اول مره دخلتي المطبخ كم كان عمرك لو تذكرين ؟

كان عمري تقريبا 15

8 اول طبخه طبختيها وش كان هي ؟

كبسه

9 طبخه طبختيها وفشلتي فيها وش كان شعورك والكل منتضر تخلصين ؟

بسبوسه عاااااااااادي كانت روحي رياضيه خخخخخخ

10 طبخه طبختيها والكل مدحك ؟
صينيه سمك محشي

11 موقف طريف صار معاك في المطبخ ?

مره جانا ضيوف وقالتلي مامتي سوي الشاي رحت انا حطيت السكر والشاي
ونسيت المويه المهم ولعت عليهم ورحت اتفرج على التلفزيون وشويه الى البيت كله دخان
واروح المطبخ والقى البراد اسود والمطبخ كله دخان بس مره تفشلت لان الدخان وصل عند الحريم هههههههههه

12 يعتمد عليك في الطبخ او لا ؟

حاليا ايه يعتمد علي

13 قوليلنا وصفه لطبخه حلوه كثير تسوينها عشان نجربها ؟

صينيه الشورما مررررررررررره لذيذه ومررره سهله
المقادير دجاج بدون عضم 00 بطاطس0 مخلل الخيار 00 قشطه 00 وماينيز
الطريقه 0000
نقطع الدجاج مربعات صغار ونحط قدر فيه بصل وزيت نحمر البصل
بعدين نحط عليه الدجاج ونحط ملح وبهارت ونقلبه الين يستوي
نقطع البطاطس مكعبات صغار ثم نقليها 00 ونقطع مخلل الخيار مربعات
ناخذ صينيه باريكس نحط اول الدجاج بعدين نحط فوقه البطاطس والمخلل
نخلط حبه قشطه مع ثلاث ملاعق ماينيز بعدين نصبها فوقهم وندخلها الفرن
ونولع عليها من فوق الين تتحمر 000 وبالصحه والعاااافيه

14 سوي طبخه وصوريها لنا ؟

ان شاء الله

15 نصيحه توجهينها لطباخات منتدى زوجي ؟

التركيز على النضاااااااافه في الطبخ لانها من الاساسيات


وشكرا لكم والشكر موصول لصاحبه الموضوع والمذهله 0000



9

[المذهلة]

شـكــ وبارك الله فيك ـــرا لك ... لك مني أجمل تحية .
وتسلمي حبيبتي نبض الامان وبختار حبيبه المنتدى ( خجــــــــــولة )

[خجوله]

1_السلام عليكم ورحمة الله وبركاته ؟
وعليكم السلام يالغلا......^ــ^

2_عرفينا عن نفسك وخاصه في الطبخ ؟
زي ماتعرفو انا خجولتكم ..http://www.up4arab.com/out.php/i145905_wub.gif
والحمدلله ممتازه في الطبخ

3_تحبين الطبخ او لا؟
ايييييييه احبه واحب اصلح كل طبخه جديده ..^ــ^

4_وجبتك المفضله؟
المكرونه

5_طبق تحبين تسوينه كثير؟
اللزانيــا

6_الطبخات اللي تسوينها معدودة ولا كثير وماتنعد؟
كثيره

7_اول مرة دخلت المطبخ كم كان عمرك لو تذكرين ؟
بالمتوسط "كنت اجلس مع امي اطالع اشلون تطبخ خخخخخ
وتعلمت شغلات كثيره منها "الله يحفظها"

8_اول طبخه طبختيها وش كان هي؟
خخخخخ (ساندويش بيض مسلوق وخس وطماطم ..http://www.up4arab.com/out.php/i145904_shiny01.gif
بس لايفوتكم جلست ساعه اكشخ الصحن خخخخخخخخ

9_طبخه طبختيها وفشلتي فيها وش كان شعورك وقتها والكل منتظر تخلصين؟
اااااااااه من البسبوسه "ماتزبط معي ابدا
اخر مره صلحتها كان الوالد منتظرها وجلست البسبوسه ف الفرن ساعه ونص ...الحمدلله على النعمه بس طعمها كان يلوع الكبد خخخخخخخخخخخخخخخخ

10-طبخه طبختيها والكل مدحك ؟
اول مره صلحت الكابلي عجب الكل "الحمدلله"


11_موقف طريف صار معاك في المطبخ ؟
في رمضان كنت انا وبنت خالي نلف السمبوسه
خلصت اللحمه وسوينا اخر سمبوسه بدون حشوه خخخخ بس حطينا بقايا العجينه جواها وقلنا نشوف ف الفطور من نصيب مين
وطلعت من نصيب جدي خخخخخخخخخ

12_يعتمد عليك في الطبخ او لا؟
اكيد انا اللي كل يوم اطبخ

13_قوليلنا وصفه لطبخه حلوه كثير تسوينها عشان نجربها ؟
احب اسوي ساندويشات التوست
"شريحتين توست ادهنها بزبده من الجهتين واحطها ف مقلاه على نار خفيفه حتى تتحمر من الجهتين واحط علي التوست شريحة جبنه وشريحة خس وشريحة طماطم وشوية مايونيز واغطيها بالتوست الثاني واقطعها مثلثات

اللي تسوي رجيم لا تفكر تجربها .....^ــ^


14_سوي طبخه وصوريها لنا؟
والله ياليت بس بجد ماعندي وقت

15_نصحيه توجهينها لطباخات منتدى زوجي..؟
لاتستعجلو ف الطبخ ولا تكركبو المطبخ "........^ــ^

[المذهلة]

تسلمي يا احلى خجولة وبختار الحبيبه ( رااايقه )

[رااايقة]

اولا: وعليكم السلام ورحمة الله وبركاته
تسلمين ياعمري على الاختيار
ثانيا:نبدا نجااااااااااوب
2-عرفينا عن نفسك وخاصه في الطبخ ؟
انا رااايقه مع اني بسرعه اعصب
في المطبخ وسط يعني الطبخ عندي له اوقات لمااكون رايقه اطبخ طبخ مافيه مثله الحمدلله.
3-تحبين الطبخ او لا؟
مودائمااحب اطبخ (دلوعه ههههههههه)بس احب اكل.
4-وجبتك المفضله؟
مكرونا الحمراء مع التونه امووووووووووت فيها واعشق البيتزا
5-طبق تحبين تسوينه كثير؟
مكرونا بالباشميل
6-الطبخات اللي تسوينها معدودة ولا كثير وماتنعد؟
والله وسط لاني مااطبخ دائما.
7-اول مرة دخلت المطبخ كم كان عمرك لو تذكرين ؟
كان عمري 11كنت ادخل اسولف على راس ماما (ثرثاره)واساعدها في الاشياء البسيطه.
8-اول طبخه طبختيها وش كان هي؟
مكرونا الحمراء مع تونه:d واذكر وقتها كنت فرحانه اني اعرف اطبخ لدرجه انا غسلت الصحون من الوناسه هههههههههههههههههههه وطبعا ماتم احد من اهلي ماخليته يذوقها غصب وقبلها هددتهم الي راح يقول موحلوه ياويله ماراح ادخل المطبخ مره ثانيه والحمدلله ربي ستر,لدرجه عزمت بنات خالتي اليوم الثاني وعشيتهم مكرونا هههههههههههه.
9-طبخه طبختيها وفشلتي فيها وش كان شعورك وقتها والكل منتظر تخلصين؟
هههههههههههه الكبسة كان طعمها حلو بس كانت زي العجينه (لينه مررررره)وطبعا اهلي كلو منها علشان التهديد الي قبل الطبخ كنت متضايقه بقوه خصوصا انا سعوديه والكبسه مهمه عندنا .
10-طبخه طبختيها والكل مدحك ؟
هم طبختين ا-خضار بالباشميل 2-فوتشيني
11-موقف طريف صار معاك في المطبخ ؟
مرره كنت متحمسه ابي اسوي ورق عنب اولا سويت الحشوه كثيييييره لدرجه سويت معاها ملفوف وحشيت كوسا وفلفل اخضر و نسيت وماحطيت في الحشوه رز مصري ولاملح هههههههههه.
12-يعتمد عليك في الطبخ او لا؟
نعم لانو انا من طبعي متردده بس حطيني في وسط الموقف امشي فيه.
13-قوليلنا وصفه لطبخه حلوه كثير تسوينها عشان نجربها ؟
صنية المكرونا بالدجاج
اولا:نسلق صدور الدجاج ويكون معاه فلفل اسود واشوي ملح وكركم عشان تروح ريحه الدجاج الشينه.
ثانيا:نسلق المكرونا مع اشويت ملح وبعدين احط المكرونا في الصينية.
ثالث:اجيب صحن واخلط فيه جبن سائل ومايونيز واشوي قشطه واخذ نصف الكميه واخلطها مع المكرونا في الصينيه وارتبها في الصينيه(اخليها في مستوي واحد يعني اخليها الطبقه الاولى) تقريبا الجبن يكون ضعف الماينيز والقشطه يعني ملعقةمايونيزوملعقتين قشطه.
رابعا:اجيب صدور الدجاج واقطعه صغييييير واقطع بصل وابشر جزر واطبخهم مع بعض (اسوي لهم حمسه مع البهارات والفلفل الاسود والماجي وقليل كركم).
خامسا:احط الدجاج فوق المكرونا وتكون هي الطبقه الثانيه.
سادسا:احط باقي الخليط (الجبن والمايونيز والقشطه)عليهم يعني الطبقه الثالثه.
سابعا:ادخلها الفرن مده10 دقايق
ثامنا:اشغل الفرن من فوق علشان احمرها شوي
وبالعافيه عليكم.
14-سوي طبخه وصوريها لنا؟
ياعمري هذا السؤال اسفه ماراح اقدر اجاوب عليه لاني والله مشغوله وماارجع من العمل الاالساعه8 مساء اعذريني.
15-نصحيه توجهينها لطباخات منتدى زوجي..؟
لما تخلصون من الطبخ نظفو المطبخ وحاولو على قد ماتقدرون تزينون الاطباق عند التقديم لان الزينة تفتح النفس.

واسفه على الاطاله.

[المذهلة]

تسلمين حبيبتي وبختار الحبيبه (تائبه )

[المذهلة]

السلام عليكم ورحمة الله وبركاته
بختار الاخت ( نسمه هواء )

[نسمة هواء]

من عيوني بس انا اليوم مشغولة كتير
واوعدك بكرا اني اكون حاضرة معاك ومعي الطبخة


تحياتي

نسمة هواء

[نسمة هواء]

السلام عليكم ورحمة الله وبركاته

صباح الورد والياسمين علي احلي نواعم في المطبخ
احب اقدم لكم الدولمة



المكونــات

1_ لحم مفروم خشن.ويفضل ان يكون دهين ....+ قطع لحم غنم متوسطة الحجم ( حسب الرغبة )
2_ بصل
3_ ورق سلق او ورق عنب حسب الرغبة .
4_ طماطة .. ( وكمان في باذنجان + بطاطا + شجر ( كوسة ) + خيار ...كل انواع الخضار
بس انا اليوم اعملها بالمواد الي احبها
وهي البصل والسلق او ورق العنب اكثر اثنين احبهم في الدولمة

5_ كرفس + معدنوس ( بقدونس ) + شبنت .

6_ بهارات ( فلفل اسود + كمون + ليمون دوزي + شراب رمان + ملح ) حسب الرغبة والذوق وكل ماتكون حامضة وحادة اطيب ...

7_ 3 ملعقة اكل معجون طماطة
8_ 3 فصوص ثوم

9 _ واهم شي الرز ..3 اكواب من الرز ( مغسول ومنقوع )
10_ 1/2 كوب زيت
.................


الطريقة

اولا الحشوة
وهي ان تخلط جميع المكونات اعلاه
بصل مثروم ناعم + لحم المثروم + طماطة مثرومة ناعم + خضروات ( كرفس والمعدنوس والشبنت )
+ الرز
وتضاف اليها البهارات جميعها ومعجون الطماطة والثوم

بحيث تكون خلطة كاملة الطعم والرائحة الذوق ..........http://www.dm3t.com/up3/a298d96784.jpg (http://www.dm3t.com/)

ثم الى البصل .بحيث نفصله عن بعض فيخرج لنا رقائق خفيفة
ومن يحب ان يضع البطاطا والخيار والكوسة والباذنجان
يتم حفر المواد لتكون جاهزة للحشو


بعدها نضع الزيت في قعر القدر ..ونضع اسفله اعواد السلق
ثم نضع قطع اللحم

وبعدها ..نقوم بحشو البصل والسلق ونضعه بطريقة مرتبة في القدر الى ان ينتهي http://www.dm3t.com/up3/2927e9678a.jpg (http://www.dm3t.com/)

ثم نضعه على النار بالضغط على اعلى المواد

ونضيف عليه الماء بمقدار 2 كوب ماء حسب كمية الرز

ونتركه على نار هادئة حتى ينضج
وهذه هي النتيجة

http://www.dm3t.com/up3/0fd0770b6e.jpg (http://www.dm3t.com/)


وبالهنا والشفا

والف عافية


بس ان شاء الله تعجبكم

[الفيصل]

السلام عليكم ورحمة الله وبركاته
http://www.geocities.com/atlal_10/roos.gif
يسلمووونسمة
http://www.geocities.com/atlal_10/roos.gif

[المذهلة]

شـكــ وبارك الله فيك ـــرا لك ... لك مني أجمل تحية .

[المذهلة]

السلام عليكم ورحمة الله وبركاته
ممكن اختار الاخت شمشوح

[شمشوخ]

سووري اختي ما كنت ادري ان شاء الله يايبه لكم اكله بتعيبكم والسموووحه

[شمشوخ]

عاد انا بسوي لكم الحلو خخخخخخخخخ

طريقة عمل حلاوة باتشي


المقادير:


كوب حليب بودر

كوب جوزالهند

كوب شوفان كويكر

علبه كبيره حليب مركز محلى

شكولاته بيضاء وبنية


طريقة التحضير

نحمص على النار الحليب البودره وجوز الهند والشوفان ،:،:،

حتى نحصل على اللون البني الفاتح ،:،:،

نضيف الحليب المركز ونعجن المزيج حتى نحصل على،:،:،

عجينة متماسكة ،:،:،

نعمل نصف الكمية دوائر ونصفها مربعات ،:،:،

نسيح الشكولاته البيضاءفي حمام مائي ونغمس فيها ،:،:،

قطع الشكولاته ،:،:،

نزينها بخطوط بالشكولاته البنية السايحة ,وكذلك النصف الاخربالعكس ،:،:،
وبصحة وعاااااافية

[المذهلة]

شـكــ وبارك الله فيك ـــرا لك ... لك مني أجمل تحية .

[المذهلة]

السلام عليكم ورحمة الله وبركاته
بختار الاخت ( خطيبي حبيبي )