سؤال موجه الى كل مقلع عن التدخين والى كل مدخن

[ام حاتم 909]

السلام عليكم ورحمة الله وبركاته
ابي اسأل يالمدخنين وبالله ما تبخلون على بمساعدتكم
انا اكتشفت ان خطيبي (زوجي)مدخن وانا عامله نفسي اني ما ادري
بس الحين انا احاول اني اجيب طاري التدخين معاه علشان اعطيه فكره اني اكره التدخين واكره المدخنين بس هو ما يجيب طاريه ولا اعرف شلون ابتدي معاه بالسالفه
وما ادري هل اقدر اني اساعده على الاقلاع عن التدخين من ايام الملكه؟؟؟؟؟؟؟؟
او بعد الزواج؟؟؟؟
والي يقول حاولي من ايام الملكه شلون اجيب السالفه مستحيل اتصل عليه واقوله لا تدخن وانا مسويه نفسي ما اعرف شي
بالله عليكم يالمقلعين علموني شلون تركتوا هالدخان
والمشكله ان زوجي واضح انه من زمان وهو يدخن ومستحيا يترك هالبلوه وشكلي لو قلت له يتركه بيذبحني



ما ادري شسسسسسسسسسسسسوي :confused:

[سعود]

نصيحتي لك
تتركينه يدخن وتتكتمي ع الموضوع
ليه ؟؟
مستحيل المدخن يترك التدخين بغير قناعة منه
ولوتسألينه عن اضراره يعرفها ومخاطره
لكن لايوجد لديه الرغبة للإقلاع عنه ...
ولو لزم الأمر واجهيه بكل شجاعة
لكن انت وحدك من يتحمل العواقب ...

[صمت و كلام]

أخوي سعود معه حق

[شمعة الامل]

فتاة الجبال للاسف هذا حال شبابنا اليوم
ولايمكن يغير حاله الااذا هداه الله
اوعن قناعة منه او الى ان يصاب بمرض بسببه00
00الله المستعان 00
ولكن عليك بالدعا له وان الله يمن علية بالهداية
اعرف لك وحده زوجها مدخن منذ عشرين سنةقبل ان يتزوجها
وبعد زواجها منه تنصحه ويقولها ادعي اللة انة يهديني
وبعد مرور سنة من زواجها وانجبت منه طفلة وذهبوا يتمشو ويعتمرو
وتقول وانا في العمرة واطوف حول الكعبة وادعي اللة ان يهدية ويقلع عن التدخين
ويكون داعية الى اللة
ويوسوس لي الشيطان ويقول داعية مرة وحدة خلييه يترك التدخين هالحين ويصير خير
تقول واتعوذ من الشيطان وادعي اللهم اهدة واجعلة داعية00
المهم تقول بعد اسبوعين من العمرة بدا يترك التدخين من غير ماقولة وبدا يخليي لحيتة
وهالحين ماشاء الله رجل مستقيم ويدرس العلم ليكون داعية

ويا اختي لاتيأسي من الدعا ولاتجعلي الشيطان يوسوس لك
وماقلت هذة القصة الالتحفزك
موفقة بإذن الله ... لك مني أجمل تحية .

[عاصمة الحب]

رأيئ من رأيئ سعود
ولن يترك التدخين إل بأرادته وعزيمته

[ورد الغلا1]

ماشفتي اخبار mbcالبارح
اكتشاف سعودي
حبوب ياخذها المدخن تخلصه من مادة النيكوتين الله يكرمكم عن طر يق البول
والحبوب مكوناتها من الاعشاب وغير مضره وخلال اسبوع يقلع عن التدخين وطلعوا واحد صار له 15 سنه يدخن يقول قدرت اتخلص من التدخين بفضل الله ثم بفضل هالدوا...

[ام حاتم 909]

تسلم اخوي سعود على النصيحه بس يارب اقدر اساعده وتسلمون على النصايح اخواني

وانتي كمان يا شمعة الامل الف شكر على هالقصه وانا كأني سمعت بهالقصه والله مدري متى
وعلى فكره خطيبي مسميني في جواله (امل الحياة) وهذا الي محفزني على اني اكون له عون بحياته وانشالله اكون امل حياته واقدر اساعده في انه يبعد من هالبلوه ويارب يعيني على اني اكون له امل بكل شي بحياته

ورد الغلا وش هالحبوب وش اسمها خليني اهديها له بشهر العسل خخخخخخخخخ:o
تكفين ورد الغلا عطيني اسمها ولو المنتدى يعتبرها دعايه عن الحبوب ارسليها على الخاص


وشكر ا الف شكر اخواني على نصيحتكم

[ورد الغلا1]

والله مدري وش اسمها انا شفتها باخبار mbc
ادخلي على موقع mbc وراسليهم