زوجي ينام بروحه ابي حل الله يخليكم

[مشتاقه لشوفتك]

السلام عليكم ورحمة الله وبركاته كيف حالكم إن شاء الله دائما بخير ؟ انا عضوه جديده بالمنتدى وبصراحه اعجبني تفاعلكم وردودكم مع الاعضاء وابي من الله ثم منكم الحل في مشكلتي اللي منكده علي حياتي الزوجيه وهي ان زوجي ينام بروحه يقول انه مايرتاح ولا يعرف ينام الاعلى صوت التلفزيون ومايكون جنبه احد ناقشته كثيروهذا دايم رده و اذا حاول ينام بغرفة النوم يتعب ويطير النوم من عيونه مدري وشفيه صار لنا متزوجين سنتين اول سنه كان يجامل وينام عندي بس بعض الايام ينام بروحه ويرجع ينام اذا قلتله اني اخاف انام وحدي بس عذر عشان ينام عندي ولكن بعد ماولدت رجع ينام بروحه وعذره ان اللبيبي يزعجه وهو وراه دوام ادري طولت عليكم بس تكفون اللي عنده حل يرد علي ولا يبخل علي

[‏&جوجو&]

الله يعينك
اذا عذره البيبي حطيه بغرفه ثانيه وحطي له جهاز بسمعينه لو صاح
حطي تلفزيون بغرفتك وتعلمي تنامين على صوت التلفزيون علشان مايصير له حجه

[صمت و كلام]

أنا شخصياً لا أعتقد أنه لا يستطيع النوم بدون صوت التلفاز لأن الموضوع فيه تناقض , كيف يقدر ينام تحت ضجة التلفاز و لا يقدر ينام تحت بكاء الطفل المحدود بدقائق على الأكثر ....

أنا أعتقد أن زوجك لديه مشكلة أخرى و يبرر ذلك بالتفاز و الطفل , و بالأرجح أن تكون المشكلة أثناء نومك معه ... و هنا عندي استفسارات بسيطة جاوبي عليها بينك و بين نفسك , و قد تقودك لمعرفة السبب ...

1) هل رائحة فمك كريهة ؟؟؟؟؟
2) اذا نام زوجك عندك هل تجعلين أنفك أمام أنفه أو قريب منه ؟؟؟؟؟؟
3) هل تستخدمين يده كوسادة دائماً ؟؟؟؟؟؟؟
4) كيف حركتك أثناء النوم ؟؟؟؟؟؟؟

مع العلم أنه يتضح لي أن زوجك يراعي شعورك قدر المستطاع ...

تقبلي مروري

أخوكم
صمت و كلام

[مشتاقه لشوفتك]

اشكرك يااخت جوجو والبيبي لسى صغير مااقدر اخليه بغرفه لحالو مع انه مو دايم مزعج والشكر لخيو صمت وكلام اما بالنسبه للاستفسار الاول مو صحيح والثاني ايضا والثالث بطلب منه هو بس طبعا منام بالمره وارابع ما ادري بصراحه كيف حركتي بس هو فعلا ينام على صوت التلفزيون لصبح وانا الي اطفيه له وهو نايم والله يوفقكم ويسعدكم انشاءالله دنيا واخره

[الفيصل]

السلام عليكم ورحمة الله وبركاته
ممكن تسالينه ةعن السبب

[jn333]

حبيبتي لازم تجلسين معاه
وتسألينه عن الأسباب المقنعه
بإسلوب لبق ولطيف
هيئي له الجو المناسب قبل ما تبدئين بالنقاش
ولاتدخلين معاه بالموضوع مباشرة
وانتبهي من العصبيه والمشادّة الكلامية

الله يوفقك حبيبتي ويسعدك في حياتك

[&&مهاوي&&]

والله صراحه أمر زوجك غريب ومؤكد لديه مشكله أما من قبل الزواج أوبعد الزواج إذا كان قبل الزواج أسالي أهله كيف ينام هل ينام على صوت التلفاز او لا ؟إذا كان الجواب لا إذان السبب منك!!!! لازم ان تنقذي حياتك الزوجية قبل فوات الأوان لو اضطر الأمر ونمتي في المكان الذي ينام فيه هذي حياة ليست يوم او يومين كيف تعيشي مع رجال ينفر منك ؟؟؟؟؟؟؟ وبالنسبه البيبي خليه في غرفه ثانية وكل ساعتين قومي واعطية رضعته والله ترتاحي والبيبي مايبكي الا إذا كان جوعان خصوصا" بهالفتره جربي ياعمري اسبوع وراح تشوفي الراحه بإذن الله وإذا عندك وقت وهو في الدوام قومي صلي ركعتين وقرأي سورة البقره او شغليها في البيت تطردالشياطين والله يسعدك
آسفه عالأطاله
تقبلي مروري

[مشتاقه لشوفتك]

الله يوفقكم اختيin333ومهاوي بس انا جلست معه كثير والاجابه وحده مايغيرها وهي انه يبي ينام على صوت tv وهو قبل الزواج كان ينام على صوته بس طبعا مو دايم البارح اجبرته ينام عندي وبعد ماجاء حاول ينام وطار النوم من عيونه ولا نام غير الساعه 5 الصباح وبالاخر نام عند النت ابي حل اف زهقت من هالحال

[العاقـــل]

شي عادي وطبيعي تدرين ليه


لأن زوجك يحمل مشكله ذاتيه

والمشكله الذاتيه هي ترغم ذاتها على ايجابها


واعذري زوجك ولاتقومين تتشرهين عليه قدري ظروفه

[حبيب بدور]

اسال الله ان يعينك ويبدل حالك مع زوجك بحلا حال

الغاليه ليش انتي ما تنامين معه حيث ينام لين يزهق من هذا الوضع وترجعون غرفتكم

بسلامه

تقبلي صادق ودي

[مشتاقه لشوفتك]

اشكرك ياحبيب بدور ويااخي العاقل بس وش تقصد بكلامك مافهمت عليك ارجو التوضيح وماهي المشكله الذاتيه اللي تتوقعها والا متى وانااقدر هي ماهي قصة يوم ولا يومين الدعوه شهور

[باب الحاره]

السلام عليكم ورحمة الله وبركاته

لا يكون زوجك مسحور ومعمول له شي علشان كذا يتضايق من النوم

في الغرفه اللي انتي فيها افضل طريقه ان تنامي معه في نفس الغرفه

بعد ذلك سوف تعرفين السبب وتتضح لك امور كثيره

عندي سؤال بسيط هل هو يرفض ان تنامي معه بالغرفه التي ينام

ملاحظه :-

يجب ان تقومي بتفتيش غرفة نومك يمكن احد واضع لكم عمل فيها
موفقه بإذن الله ... لك مني أجمل تحية .

[مشتاقه لشوفتك]

وعليكم السلام باب الحاره اشكرك كل الشكر نبهتني لموضوع انا غافله عنه بالمره وهو السحر اما بالنسبه لسؤالك لا ماعنده اي مشكله اذا نمت معه في اي مكان ثاني وحتى اذا صرنا مسافرين ينام معي عادي بس في بيتا لا ابروح افتش غرفتي يمكن احصل شئ

[حبيب بدور]

اختي الغاليه
ما ادري وش اللي ما فهمتيه من كلامي بردي الاول

انا قلت نامي معه حيث ينام

لين يتعود عليك ويعود ما يصبر عنك وترجعون غرفتكم بسلام

الله اسال ان يتم نعمته عليك

امين

[1234567]

ما أشوف أختي إن هذي مشكله أمر عادي ليش تكبرين الموضوع هو ينام على صوت
التلفاز أنتي تعودي ونامي مثله على صوت التلفاز ونامي معه وين ما يكون تغيير روتين

[دلوعة زوجي ناجي]

معليش حبيبتي تحملي هالوضع واكيد راح تقدرين تحلين مشكلتك
حاولي تهتمين فيه لين ماينام وتحسسينه بحلاوة نومته قربك وماتتركينه لحاله عشان مايفكر يقوم ينام لحاله وكمان هيئي له الاجواء الحلوه وزي ماقالولك حطي تلفزيون بغرفة النوم وشوفي وش يصير والله يعينك

[مشتاقه لشوفتك]

مشكورين لكل اللي ردو علي والله يوفقكم ويسعدكم دنيا واخره واخي حبيب بدور انا موقصدي انت بالسؤال انا اقصد اخي العاقل مافهمت عالكلام اللي قاله :confused::confused::confused: