عطوني حل ياهل الخير انا تعبانه

[بنت المستقبل]

السلام عليكم ورحمة الله وبركاته

شخباركم ......سامحوني انا دايما ادخل بمشاكلي بس صدقوني احس حياتي كلها مشاكل
.....ساعات اكون مرتاحه وياه وساعات تصير المشاكل بينيي وبينه

زوجي انسان ما يصلي وما يصوم .......واحيانا يسكر بس على الخفيف.........من يومين لاحظت عليه لما نام عندي مش متفاعل وياي وهو يجامعني يتكلم عن الحياه اليوميه صراحه عصبت منه وقلته انته بارد وياي وضايق مني وطلع من البيت وحتى اهله عرفوا بلمشكله........وقالي انه ما راح يرجع البيت الا لما اطلع وقالي انا ما اريدج روحي بيت اهلج وخبرت امه وضايقت وقالت ما تروحين ورجع حضرته البيت وهو زعلانه مني وقال خلاص ما بيني وبينج شي

صراحه تعببت من تصرفاته عطوني حل الله يخليكم
...........لاتقولولي طلقي صراحه هذا مش حل

[ليلي طويل]

وعليكم السلام ورحمة الله وبركاته
هلا اختي
موضوع الصلاة والصوم والشرب .... هذا يبغله شدة حيل منك بالدعاء
عسى الله يهديه
قد تكون اخلاقه طيبة لولا الشرب ... وتقصيره بالعبادات
خلي املك بربك كبير وادعي الله سراً
وتذكري اللي هدى عمر بن الخطاب رضي الله عنه بعد بطشه وجعله من المبشرين بالجنة قادر على هداية زوجك
اسمعيني
لا تشدين وهو يشد كذا ماينفع .... اذا شد ارخي واذا هو ارخى انتي شدي

وابدائي اول شي بالصلاة وانسي موضوع الصيام والشرب ... (ركزي بالصلاة )
خلي سجادته دايم مفروشة وطيبيها بعودة عشان تجذبه .... ومرة من المرات قوليله تعال صلي فيني ياشيخي ومثل هالحركات...
لكن من الحين بنصحك اذا وصلت الامور بينكم للعنف ومد اليد
هنا بقولك لا تسكتين ولا تهون عليك نفسك ... وتقولين ما اقدر اخليه
الله لا يجيب هاليوم
الله يوفقك ويسعدك ويهدي زوجك ويسخره لك يارب

[سعود]

الله يحييك
وقلوبنا لك
مسألة انو مايصلي
هذا حرام مايجوز انك تعيشي معه
لكن حاولي يمكن الله يهديه
وثقي تمامآ هذه المشاكل والبلاوي
من هجره للصلاة .
(( ومن اعرض عن ذكري فإن له معيشة ضنكآ))
حاولي معه باللين والقول الحسن
يمكن تكتب له الهداية ع يدك
ولا تنسي الدعاء وخصوصآ هذه الأيام الفضيلة
ولو يئستي منه بيت ابوك اولى لك
مع احترامي لك

[بنت المستقبل]

مشكورين والله وماقصرتوا والله انا دوم ادعيله وما اقصر ........وعسا الله يهديه

انا خلاص عفته حتى ما ودي ينام معاي احسه ما يحبني كلام حلو ما يقولي وما احسه يتفاعل معاي

[هيمانه فيك]

الصلاه اهم شيئ ...من تركها فقد كفر ..كيف تعيشين معه !!


اختي البعيد عن الصلاه سوف يصبح هكذا ..


وانا اشير عليك بسؤال احد المشايخ في حكم استمرار زواجكم ؟؟

والله يوفقك ..

[بقاياحي]

اختي ..

ذكريه ان اركان الاسلام خمسه يجب ان نتقيد فيها لنكون مسلمين ونموت على الاسلام

وانك تخافي عليه من عقاب الله في الدنيا والآخره

وهو قد ترك ركنين من اركان الاسلام وبذلك قد يكون غير مسلم

بل احدها هو عمود الدين (الصلاة) وكما قال رسول الله صلى الله عليه وسلم بمعنى الحديث: عمود الدين الصلاة فمن تركها متعمدا فقد كفر.

ذكريه بفوائد الصلاة في الدنيا والآخره .. ذكرية بالموت ..

حاولي تقنعيه بالمحافظه على اركان الاسلام اولاٌ وتحببيه بذلك

ثم اذا بدأ يحافظ عليها واستمر في ذلك ابدئي بموضوع الشرب

الله يفرج همك ويهدي زوجك

[بروفيسورة الوفا]

هلا بك اختي
ولو حنا لك وبخجمتك باي وقت

ربي يكون بعونك اختي ويفرج لك
لكن مهما كان انتي ذكرتي انه مايصلي ولايصوم
يعني كاافر والكافر يحرم العيش معه
وشي طبيعي اللي قاعد يصير
لانه بعيد عن الله ....كيف راح يجي الاستقرار والهنا بالعيش
لابد تذكريه بالله على الدوااام مهما لقيتي منه من عدم
تقبل وحتى لو جرح بالكلام
عادي اهم شي النتيجه
لانه مهم اكان اختي الحياة لايمكن انها تصلح بينكم
والاساس مو سوي ....

اسمحي لي
لابد تذكريه وتدعين له بالهدايه
وتجيه باللين والمعامله الحسنه
ولاتقولين مليت لابد
تواصلين وربي يكتب هدايته على ايدك

واذا الحال دام مهما كان اختي
مايجوز انك تعيشي معاه
ربي يكتب الخير لك ويعينك على ماابتلاك


بالتوفيق

[الراهيه]

هلا حبيبتي
ابصراحه الله يعينك
ويهدي لك زوجك
لو كان يصلي ويخاف من ربه
كانت احوله بتكون غير عن كذا
ادعيله
وعسى الله يهديه ويتغير وترتاحين معاه

[بنفسج الكويت]

اختي ،، إلا الصلاة ،،،
مشكلتك هذه تجدين حلها عند العلماء الربانيين ،، وليس أي شيخ .
لأن مسألة جلوسك عنده وهو مايصلي مشكلة ،، لأنه قد يكفر بتركه الصلاة ،، إلأ الصلاة

[الفيصل]

الله يحييك
وقلوبنا لك
مسألة انو مايصلي
هذا حرام مايجوز انك تعيشي معه
لكن حاولي يمكن الله يهديه
وثقي تمامآ هذه المشاكل والبلاوي
من هجره للصلاة .
(( ومن اعرض عن ذكري فإن له معيشة ضنكآ))
حاولي معه باللين والقول الحسن
يمكن تكتب له الهداية ع يدك
ولا تنسي الدعاء وخصوصآ هذه الأيام الفضيلة
ولو يئستي منه بيت ابوك اولى لك
مع احترامي لك
السلام عليكم ورحمة الله وبركاته
كلامك صحيح:rolleyes:

[xxasxx]

لاتقولين له انت متصلي او تشتكيه عند اهلك اواهله بطريقة يزيد
ولكن حاولي بطريق غير مباشر بوضع شريط في سياره او كلمي امام المسجد ولايعرف انك انتي ارسلتيه وتاكدي اذ تحبيه مابتملين ابد واذ متحبيه هنا المشكله
اسال الله يفرج همك ياختي

[شوق اللقاء]

اقولج شي

غيري اسلوبج بيتغير

لين شاف اهتمامج بالصلاه بيصلي وبيستحي على عمره

اقري ادعيه وهدي بالج

ترى مشاعرج السلبيه تنتقل له ويشعر فيها حتى لو ما تكلمتي

الريال ذكي ويفهمها على الطاير

شلون تعاملين الطفل اذا سوا شي غلط؟ بالصراخ لو بالتحنن والترغيب

اذا سويت هالشي بعطيك شي كافئيه تدلعي عليه شوي

قال كلمه حزة غضبه سكتي ولا تراددين

من نفسه بيحس انج غير :)

توني امس اطالع دكتوره فوزيه

تقول انتو مشكلتكم يالخليجيات ما تتعلمون من اللبنانيات شي

تدلعو قال عااد غيري شكلج يفشل او ريحتج بصل او اي شي بكل بساطه لا تحرقين بالج

ردي عليه بأسلوب مسكت.. أوكي حبيي انت وش تآمر اغير قصة شعري البس هالشي انت آمر تدلل

صدقيني بينفع ويااه

على الصلاه والشرب :) اتمنى تكلمين احد من قرايبج اللي ملتزمين شوي ولهم اسلوب

يكلمونه بس بطريقة غير مباشره خل يسايرونه ويحاولون يكسبون تفكيره

وبعدين ينصحونه عشان يتقبل وانتي بعد كله كبريه في نظرج وقولي ابي ولادي يطلعون عليك

وانت بتكون قدوه لهم لما تسوي هالشي (مثلاً الصلاه في المسجد) خلج قريبه منه

واتحملي حزة الجماع تتلفظي بكلمات جارحه .. شنو بارد؟

تقدرين تسوينه أقوى واحد في العالم بكلماتج وياه تخيري كلماتج ترى الريال ما يغفر

واذا زعل من حقه حتى لو كان مقصر وي ربه ذنبه على جنبه واحتسبي عند الله

عليج بالنصيحه والاسلوب وشوي شوي على روحج بتتعبين اذا واصلتي على هالمنوال

[شمعة الامل]

بنت المستقبل انا قرات كل مشاكلك
والان عرفت السبب الرئيسي لهذه المشاكل
وهي كون زوجك مايصلي ولايصوم ويسكر
كيف تعيشين مع انسان كافر وحرام عليك معاشرة الكافر
ولاتنتظري من واحد لايؤدي حقوق الله ان يؤدي حقوقك
موفق بإذن الله ... لك مني أجمل تحية .

[غربة الأحزان]

الله يكون بعووووووونك الصلاه هى عمود الدين اذا الانسان يصلي اكيد بيخاف ربي فيك وبيعطيك كل حقوووووقك ولكن ايش تنتظرين من واااحد مااعطى خالقه حقووووقه الله يهديه وبس...

[ون ون]

بصراحة واحد مايصلي ويسكر ايش تتوقعين منه!!!؟ يبوسك على راسك

ابدأي خطوة بخطوه حاولي تحلين معاه المشكلات الاساسية مثل الصلاه وشرب السكار

وبعدين باقي المواضيع لها حل.

تقبلي ودي

أخوك/ ون ون

[طيب القلب]

اولا اهتمي بموضوع الصلاة والصوم
وجيبي له اشرطه او كتب و محاضرات موثرة
راح يتعدل باذن الله
كان الله في عونك’..........

[عمر123]

الى الاخت العزيزة السلام عليكم
كل منا لديه مشاكل ةانا اقول مشاكل وليست مشكلة وكل واحد منا لديه طاقة وتحمل
فنطري يأختي مامقدار تحملك او مامدى تحملك هل هي سنة اوسنتين او ... وعلى هذا ضعي خطة للاصلاح
1- اصلاح نفسك وتفكيرك وصنع ارادة جديدة عن طريق القراءة ودخول دورات عن ادارة الذات واكمال تعليمك
2- الاهتمام بالصلاة الفرض والنوافل مع قراءة جزاء من القران يوميا
3-تقوية علاقة بالمجتمع والعمال الخيرية الخ

4-الاهتمام الزوج من كل النواحي النفسية الذي يعانية والاجتماعية الذي يفقد فيها كثير من الانجازات والعاطفية التي فقدها في الماضي والحاضر ( هذه يحتاج الى وقت طويل للشرح)
5-الدعاء له في الوقت المستجابة

لمحي لزوجك بعد مدى من الزمن اذا لم ينصلح الحال سوف يكون هناك فراق ( انت تخافين على صحتك وعلى دينك) فإمساك بمعروف او تسريح باحسان وهذا الكلام للمرأة والرجل
وحتى لاأطيل اكتفي بهذا

[دليل قلبي]

السلام عليكم ورحمة الله وبركاته ما دام انو ما يصلي العشرة معاه حرام اختك الحنونة