مسلسل أسوار هل شوهـ سمعة بنات السعودية ؟؟

[سعود]

السلام عليكم ورحمة الله وبركاته



أكيد اغلبكم تابع مسلسل اسوار الي من انتاج الممثل حسن عسيري انا الصراحة شفته لكن ما شفت برنامج مستضيفين حسن عسيري ويتكلمون عنه ومن معه ومن ضده









:
" مسلسل اسوار "


مسلسل "سعودي " من تأليف


مواطن ((سعودي)) وهو حسن عسيري ..
عرض على شـاشة الـ mbc ..


هالمسلسل أثار ضجه في المجتمع السعودي ..


ناس تمدح ناس تنتقد ..؟


بقولكمـ قصة المسلسل /


يتكلم عن عائله غنيه وعندهم بنتين وأخو شرير فكان دايما يمنعهم من انهم يطلعون و " كابت حريتهم " ..


وابوهم متزوج مغربيه وفالها معها



المهم البنت الصغيره في الجامعه جاهم سواق جديد و اختنا بالخير تغمزله وتبتسم له وتطلعله من الشبااك .. انا والله ارتعت وقلت اكيد هو سعودي بس هو متنكر <<-- وش رائيكم فيني وأنا مسوي فاهم..


الا وبعد كم يوم هي تتلزق له وهو مو معطيها وجه ..



المهم بعد الجامعه راحو البحر الا والاخت تفك شعرها وتفجر الاغاني وتقعد جنبه ووتغزل فيه انا قلت ايــوهـ بيطلع هاذا خويها تعرفه من زمان ..!


وهي تتكلم شوي قالت (سيسيليا يالله انا فيه تأخر روح في بيت )..


انا والله انصدمت تفاجأت مافيه تعبير يوصف شعوري لا والاخ اللي هو السواق صار مع الايام يمون عليها ..


لدرجه انه يقولها تعالي لغرفتي ويقعد ينتظرها لين تجيه للغرفه وتجيه هي .... والى هنا أوقف خوفـأ مـن مقص الرقيب





السـؤال هـــو /


( المسلسل هل الهدف منه التشويه لبنات السعوديه ) ؟؟





يوم إنهم يقولون الحقيقه عن البنات وواقع نشوفه حنـّا
صار تشويه .. !!



وش هـ المنطق ؟


دايم نشوف مسلسلات سوريه & خليجيه ، تعرض قضاياهم وبالعكس يكون الوضع طبيعي عندهم لأنه واقعي .. و بالنسبة لموضوع السواق .. كـان هدفه هو ( ليه نخلي البنات مع رجال غريب يروحون و يجون معه و في النهاية ممكن تصير مثل هالعلاقات الشاذه مثل ماذكرت هذا في موضوع سابق ..... ليه ما نخليهم يسوقون ؟! )هذا اللي يبي يوصله ..حتى أذكر مسلسل لـ الكاتبه الكبيرهـ ( فجر السعيد ) اللي تتكلم عن بنات الكويت " البويه " وصار الوضع طبيعي ومشى سوق المسلسل
نفس الشيئ برضو حتى بالافلام المصريه أو الاجنبيه كلها عرض للمشاكل اللي عندهم !!


الكاتب فيه اشياء ما جابها من الخيال .. جابها من الواقـع ,,


ليه الناس كبرو السالفة على شي بسيط .. المسلسل جابب فكرة لاول مرة احد يتكلم عنها وباسلوب جريء شوي ....


و ما اتوقع وصل تفكير الناس انهم يحكمون على مجتمع من خلال مسلسل ..!


و كل مجتمع في الدنيا في الزين و فيه الشين ..!


و في هالمسلسل جاب الشين و وضحه..


و انا عن نفسي ومن وجهة نظري ما اشوف شي في هالمسلسل عشان نعارضه او نوقف ضده كل اللي سواه انه جاب قضية جديدة و جريئة و ناقشها بالاسلوب الوحيد اللي يقدر الواحد يناقشها فيه ... اللي هو "الجرأة " ,,


و الى متى نقعد نعيد و نزيد في افكار مستهلكة و نهمل الاشياء اللي قاعدة تصير في مجتمعنا !!!


و ترا المسلسل تكلم عن افكار ثانية و جريئة بعد يعني موبس هذي ..!!





مشكلة الشعب السعودي إنه اي شيء يشوفونه واقعي وسلبي مايبون إنه


يعرض .. ؟! ويصحح اخطاء المجتمع .. !؟


ادري انه رايي مخالف لآراءكم .... بس هذي وجهة نظري ...!


::






خـاتـمـه /




أبي أرائكم وانتقاداتكم بـ المسلسل عامه

[حـبـيـبـــ زوجي ـة]

بصراحه انا ماشفته عشان كذا ما اقدر ادلو بدلوي فيه

بس حسب ماقرات منك انه يصور الفتاه السعوديه بصور الرذيله والعياذبلله

الله لايوفقهم والغيره من عفت البنت الخليجيه عامتا تجعل منهم يسوون كذا

الله يوفقك سعود

[كويتية الهوى]

للاسف ما شفت المسلسل ولا عرض عندنا بالكويت !
ولا اقدر اقول رايي بشي ماعرفه ..
ولكن كوجهة نظر من اللي فهمته من مضمون موضوعك ..
اقول رايي الشخصي ..
يا جماعة حنا بلد مثلنا مثل غيرنا ..
وحنا مجتمع عربي مثلنا مثل غيرنا
اي ان ..
بكل ديره لها فجوتها وثغرتها ولها سلبياتها وايجابيتها ..
يعني ان عرض مثل جذي مسلسل .. ما فيها شي كي يصبح في نضج ووعى
فكري وعقلي لما تغفل عنه نفوس وايدة من شغلات بعيدة عن اذهانهم ...!
يمكن هالقصة هذي اتفهم عوائل ومناطق بعيدة كانت تلك القصص
واتكون بعيدة كل البعد عن مخيلتهم .. ولا يتوقعون ما يحدث من خلفهم من
امور وافعال وطرق وفاعيل البنات ووووو الخ من اللي ادرجت بالمسلسل
من احداث اجتماعية فيها عيوب غافلة عن البعض !!!!!!!!!

ومثل ما قلت غاليي سعود ..
هناك مسلسلات سورية ومصرية وماعرف ايش يكبتون عن نفسهم ومشاكلهم
واوضاعهم وما ايصير لا ضجة ولا ما يحزنون .. لانهم شعب مع احترامي لبلادنا..
شعب منفتح وكبير وواعي ..
وهذي الامور اللي اتصير عندهم من مشاكل واحداث ايعرفون عنها وربما
تحدث لاي عائلة عندهم ووووو الخ
ويبون ايعرفون حل لتك القصص ان حصلت وصارت سبحان الله بمنازلهم
كيف ستحل .. وما هي نهاية تلك الاحداث !!!!
فما فيها شي ان عرض مثل جذي مسلسلات غاليي ..
وكما قلت ضج ضجة كبيرة وماعرف ايش ووووو ابصراحة مادري شقول ولكن الامر عادي ..
بكل ديرة وشعب فيه السلبيات والايجابيات
ونحن نتعلم من اخطاءنا ونتعلم من اخطاء الاخرين ايضا .. كي نقي الحذر !!
فارجوا ان ياخذ الموضوع بعقلانية وتفهم ونضج اكثر .. :)


العذر للاطالة :)
ولك تحياتي غاليي سعود
دوما لك جديدك الرائع ..
تقبل احترامي ..

[نوف الدلوعة]

المسلسل بصراحة عرض واقع مرير وصريح عندنا
كلنا بنكابر ونقول ماعندنا وما عندنا
لكن صدقوني عندنا اشياء اكثر واقوى من الي عرضها المسلسل
ولو تدرون بحكم وظيفتي وش عندنا من بلاوي كان تقولون المسلسل ماعرض شيء
على بلاطه وبصراحة
المسلسل كأنه عايش في بيت واحد من بيوت السعودية المتفتحه فتخيل البيوت الأخرى
ولا نظلم المجتمع او البيوت كلها
بالعكس فيه ناس محافظة وكثير جداً وفيهم خير
هذي صراحه اخوي سعود وارجو ما احد يزعل منها

[شمريه]

أنا شفت المسلسل ،،
وكان يطرح أشياء موجوده عندنا
وبالعكس أعجبني حييييييل
لانه يبعث رساله للاسر حتى يخففوا من الدلع والحريه الزايده للبناات .

[اسير الحب]

لم اشاهد المسلسل

ولقد قراات ردود الاخوات نوف وسندس

وهن شاهدوة

واكيد يحكي واقعااااا

ممكن يكون حصل قليل من المبالغة

اشكراااااااااا لك اخ سعود

[سعود]

هلا حبيبة
فاتك نص عمرك
شوفيه

[سعود]

معاك حق شمعة
وحاولي تشوفي المسلسل

[سعود]

والله إنك صادقة
أشكرك نوف

[سعود]

هلا سندس
أشكر حضورك

[سعود]

أشكر حضورك
أشير الحب

[ام العنود]

بصراااااااااااحه انا ما شفته سمعت عنه
ومما اتوقع من الكلام اللي انت كتبته انهم يبون يدخلون
فكرته قيادة السياره بالسعودية بطريقة غير مباشرة
وكذالك الحرية المطلقة والدلع الزائد
والكثير من المسلسلات تبالغ كثيرا في الحرية والدلع و ...........
للاسف ما فيه من ياتي بالواقع على وجهة الحقيقي

يعيط العافية
على الطرح الرائع

[ام فهد]

اولا سلامي لك يامبدع المنتدى لانك تسبقني في كثير من المواضيع اللي تكون على بالي وللاسف انشغالي مع فهد يمنعني من المشاركات المستمرة واحب اعطي راي الشخصي بالمسلسل





صراحة استفزني ف كثير من اللقطات والتصرفات لانه للاسف اسااااااااااء للمجتمع السعودي عموما وليس فقط لبنت السعودية صحيح هناك الكثير من الواقع المرير الذي نعيشةولكن للاسف تم عررررررررضها على الملا دون التطرق او التلميح لتصحيحها وكاننا ننشر غسيل مبلل دون تنظيفة ؟؟؟؟؟وللاسف كان المسلسل ملئ بالاغلاط ولا اقصد الفنية وانما التصويرية للمجتمع .........



اولا الكبت لدى اي انسان وليس اي بنت يولد رغبة لدية بالتنفيه عنها ولوكان على حساب اي شي وليس فقط البنت السعودية .(لا اقصد التبرير وانما هي حقيقة علمية)مما اظطر الفتاة اللجوء للسايق الذي كان بالنسبة لها السهل الممتنع.......
ثانيا اساءة اخرى للمشاهد وليس المجتمع في طريقة عرض علاقة البنت بالسايق وللاسف .
ثالثا اساءة تحسب ضد المسلسل ...اسلوب الاخ الاكبر ف العقاب والاسوا ردة فعل الاهل من عقاب الاخ ...........بشكل عام المسلسل رغم اغلاطة الكبيرة الا انه وضع يده على جرح الواقع الذي نعيشة ف العالم العربي المحافظ .......وللللللاسف الشديد كانت الضحية الفتاة السعودية
لم يكن هناك اي تلميح لطلب قيادة المراة لانه كالذي يقول ماخلصنا مع سوااق وتفردشعرها وترجع متاخر وما تروح للجامعه اصلا ايش حال لمن تصير بيدها سياااااااااارة ( اظن تتكس من التحرر وقتها)


مع شديد اعتذاري للاطالة ولا تسعني احرف الكيبورد لكي اعبر عن ما يعتصر بدواخلي من استفزاز مسلسل اسوار لشخصي ........... وسلامي

[سعود]

هــلا أم العنوود
نورتي

[سعود]

هــلا أم فهـــد
أشكر حضورك المميز
سيدتي الفاضلة