ماهوردك عندما يتقدم للزواج منك صديق من المنتدى ((للبنوتات))

[سعود]

..
..
ماذا يكون رد فعلك إذا تقدم للزواج منك صديق فى المنتدى , و كل علاقتك به عن طريق المواضيع و الردود فى المنتدى فقط ؟
مع ملاحظة أن سلوكه فى المنتدى و ردوده توحي بأنه إنسان ممتاز جدا .
السؤال هنا :
هل تقبلين أن يتقدم لك بهذة الطريقة ؟ هو يقول إنه لا يهمه شكلك و لكنه معجب بروحك و ثقافتك و أدبك و تدينك و ...و...
...
و هل تعطينة تفاصيل عن حياتك ؟ عنوانك مثلا !
و كيف تضمنين إن نواياه صادقة ؟
و ما هي الضوابط التي تطلبيها لكي تحمي نفسك إذا لم يكن صادقا ؟
..
..
..
ماذا تفعل انت إذا تقدم شخص لإختك أو لإبنتك بهذه الطريقة ؟ و لاحظ إنه يريد الزواج مباشرة .
و إذا رفضت ما هي الأسباب التي تجعلك ترفضين ؟
(هذا النقاش دار في احد المواقع واحببت ان انقله هنا لنتشارك الرد فيه )
..
..
..
..
أنتظر تفاعلكم ...

[كويتية الهوى]

يميز ويثبت لمدة معينة ..
لياخذ حقه الوافي بالرودود ..

اشكرك غاليي المميز سعود
يعطيك العافية للموضوع الرائع ..
تحياتي ..

[شمريه]

ما أوفـق على الموضوع من البدايه .... ومستحيل أقبل إنه يتقدم لإهلي حتى لو إنه صادق وجـاد ...
والإسباب كثيره .... و مو شرط إنه مايصلح ..... ممكن أكون أنا ماأصلح له ..
وأشكرك ياسعووود ..

[كويتية الهوى]

متابعة :)

؟

[سعود]

هلا شمرية
ممكن أعرف الأسباب
الموضوع للمناقشة

[شمريه]

ســعووود ،،
المنتدى مثل الخطابه و زاوية رأسين بالحلال و قنوات الزواج .....إلخ
95% من العرسان فيهم لايكونون جادين .. ممكن يتسلى .. وممكن يتزوج لكن مايستمر .. لإنه لايستطيع تحمل مسئوليه أو الزوجـه ماتتحمله لوجود نقص فيه أو في عائلته أو مجتمعه ..
لإن البنات العفيفات المثقفات الواعيات الجميلات كـــثــيــر ...
ومستحيل مايكون في بـنــت من قرايبه أو أهل زملائه أو معارفه .... فيها الصفات الجميله .
وصدقني أخوووي سعود إن النت مثل التليفون في نظر كثير من الرجال ..
يعني ماراح تكون في ثقه بينهم ... وتصير مشاكل بسبب وبدون سبب .

[كويتية الهوى]

متابعة وبقووووة
لجمال النقاش والحوار :)
اؤييدج شمرية مية بالمية :)
يسعدج ربي ..

مازلت متابعة ..

[سعود]

هلا وغلا بنت شمر
اشكر استجابتك
والله يعينك علي
هههههههه
شوفي ياسيدتي الكريمة
مو شرط الجمال لإنك قلتي أكيد في قرايبه جميلات وووو الخ
ممكن يكوون صادق وهذا نادر الوجود
وقالوا الأذن تعشق قبل العين
وانت مو خسرانة شىء تقدري تعرفي مدى
مصداقيته تقدري تختبريه بأول شىء
ترسلين له رقم جوال والدك أو أخوك كي يتحدث رجل لرجل
وبذي الحركة فقط تعرفي مدى حبه لك.

[سعود]

هلا مشرفتنا
أكيد بتأيدينها
جنس ناعم
بس إنشاء الله يجي الأقوى منكم
ويوقف وياي
ههههههههههههه
بهزر ياقماعة

[شيخة البنات]

اوووووووووووووووو انا بصراحه اذا كان فيه سوالف وردود بين هالشخص لوقت طويل يمكن نسبة 60بالميه اوافق مو علا الزواج علا الفكره بشكل عام مومعقوله بعد مايقولها ابي اتزوجك يتزوجون اليوم الثاني
فكذا الوضع بينهم يتغير
يعني انا راح احاول اعرف عنه شغلات قدر الأمكان عنه ومنه هو بس مو اعطيه عنواني يمكن ايميلي وراح يكون التواصل اكثر ومعرفة الشغلات اوضح غير كذا اراح اعطيه كل التفصيل عني شغلات بديهيه فقط لاغير
وع الوقت نشوف اذا ربي اراد او لأ
بنسبه لمسألة الشك هو اللي اختار مح ضربه علا يده وغصبه علي
موضوع الأهل بالنسبه لي اكيد ماراح اقولهم من وي رفته لأنهم ماراح يفهمون هذا اذا صار بينا توافق راح احاول اجيبها باطريقه ثانيه

بس ياسعود الموضوع يطول شرحه واتنمى اني قدرت احصره بكلامي
يعطيك العافيه سعود

[كويتية الهوى]

يا عيني عليج يا قوية هههههههههههههههههههه
شيخة ولا كل الشيخات
اي جذي عليهم يالغالية هههههههههههههههههههه
ماحد على قولتك ضربه على يده وقاله يتعرف عليج ويبي يتزوجك !
احسنتي يالغالية ..
ولكن همن يالغالية .. زواج النت وتعرفك عليه حتى لو بالايميل الشخصي
ماهي معرفة بتكون صحيحة كاملة بمعرفته لك والعكس صحيح !!
لان النت شاشة مرئية ودوم كل شخص بيقول عن نفسه الشي الزين
اي تصرف او تغيرات فيسولوجية بملامح الوجه او التصرفات تبقى مخفية عنج
وعنه ؟؟؟؟
فاشلون بيكون الزواج مبني على اسس صح بينكم دام هناك حلقة خفية او حلقات خفيةعن بعضكم !؟



ابقى متابعة باصغااااء !!؟

[شمريه]

رجـعــت .......
شوووف ياسعود الجمال نوعين داخلي وخارجي ..
في رجال يهمه الداخلي
وفي رجال يهمه الخارجي
لكن انا كنت اقصد بالجمال (( الداخلي والخارجي ))
ادري في كثير رجال مايهمهم الشكل ..
ومن ناحية مصداقيته ،،
ممكن يكون صادق .. ويتصل بأهلي ويخطبني ....... ووووو.... ويتزوجني ..
لكن بعد الزواج تبدأ المشاكل .. ويبدأ الـشـك وووو الغـيره الزايـده ..
واغلب مميزات الإنسان وعيوبه ... توضح بالعــشـره ..
يعني لا المنتدى ولا الماسنجر ولا حتى الخطوبه توضــح كل شيء
وانا اعتبر الزواج هذا فاشل بنسبة 99%
لان علاقة النت مثل علاقة التليفون بعد الزواج .... شــك ووووو مشاكل ...
وانا مو مـع { شيخة البنات } في موضوع الشـك ..
لان بعد الزواج ماينفع .... احد ضربه على ايده والا ... لا
لانه لو استمريت معه ... ماارضى انه يشك فيني
ولو صار طلااااق ... انا متضرره بعد من الطلاق .
لذلك البعد عن هالنوع من الزواجات ... أســلــم واحفظ للكرامــه .
وعــذراً للإطاله ......

[شمريه]

كوووووووووووويـــتــــيــه ،،،
مشكوووووووووره على التشجيع ...
تحمســـت كثيررررررررر ..

[كويتية الهوى]

رد مميز شمرية :)


متابعة باصغاء
يعجبني اسلوب المحاورة الراقية والفذة :)
مميزين وربي ..

[سعود]

هلا شيخة الموضوع للنقاش
طولي وخذي راحتك

[سعود]

مرحبا بك شمرية
على أي أساس تبدأ المشاكل بعد الزواج ؟؟
المفروض تبتعدوا عن مسببات المشاكل
ومافيه بيت خالي من المشاكل واسألي
مشرفتنا؟؟ عدل كلامي شمعة؟؟
وصدقيني لو شك فيك
تقدري تبعدي الشك
كيف ؟؟
تخففي من جلوسك على النت
كل شىء يصير على مرأى منه
(( اشغليه بحتت عيل))
هههههههههههه
والشك مايصدر من أي
إنسان
وبعدين بقلك شغلة
إحنا في مجتمعنا كسعوديين
(( اعذروني في كلامي بس هي الحقيقة))
ليه عندنا في القبائل غيرة وشك و...
ومانحصلها عند المتحضرين(( وانت فاهمة اش قصدي بالمتحضرين)) ماأبي أخدش الحياء
الشاهد في كلامي ممكن الشخص اللي يطلبك للزواج
هو أحد المتحضرين ومن جد ينطبق عليك (( أمك داعة لك)) زوج ماتحلمي
فيه طول حياتك

[كويتية الهوى]

هههههههههههههههههههه
وتستمر المناقشة ...

ونحن من الجمهور المتابعيييين باصغاء كامل ;)
تحياتي للحوارييين المميزين ..

[سعود]

أشكرك مشرفتنا
على هالتشجيع
غااااالية
الله يخلك لنا

[شيخة البنات]

والله ياكويتيه صح كلامك يالأيميل صعب الواحد يشوف حقيقة الثاني بس انا اقولك مع الوقت كل شي يبان مومعقوله يمثل كل هالوقت والعشره تطلع المخفي واقدر اسوي كم اختبار عشان اعرف مصداقيته غير كذا ماضن الواحد لما يبي يلعب بقعد يضيع وقته علا وحده بالمنتدى لا شافها ولا سمع صوتها والمجمعات والأسواق مليانه بنات هذاي شغلتهم اذا يبي يلعب قصدي
المنتدى غير يبي له وقت طويل وتدرين الرجال ماعندهم صبر واذا تحمل اكيد عنده نوع من الجديه بالموضوع
وعن موضوع الشك والمشاكل زي ماقلت هذا اختياره محد غصبه علي
وبالنسبه لي انا ابي حياه عائليه سعيده ومترابطه ولا ابي المشاكل فاكيد ماراح اسوي شغله تثير شكوكه لأن الشك يصير من سبب مو بدون سبب بس كذا

مادري شنو اقول زياده بس اشوف ردودكم واقرر ولي رجعه لكم

[سعود]

شوفي شيخة
مع مرور الأيام يبين كل شىء
اهم شىء
الفتاة تنتبه من المقابلة أو إرسال صورة
ولو طلب وحدة من الثنتين تأكدي ماعنده
سالفة ..
يمكن حبك من اسلوبك من مواضيعك
حس فيك فتاة الأحلام
عايدي خذي واعطي معاه
وشوفي نهايتها
والأهم لا تتعلقي فيه (( تحبينه))
لو حبيتيه وراح كارثة تعرفوا
عواقبها

[فيصل]

متابع معكم

وبصراحة مستمتع بالحوار

وعيني عليكم باردة , وعي نضج فكري ومناقشة كبار

[شيخة البنات]

اكيد سعود زي ماقلت الأيام تثبت كل شي
وغبيه اللي تعطيه صوره اوشغله يمسكها عليها غير كذا ماراح يكون في حب من اول شي
اول شي اعجاب بعدين يجي الحب ومدامه هواللي طلبني كيف انا بحبهاول هوراح يحبني اول لأنه هو اختارني
واذا ابي اتاكد انه يبيني في امكانيه اني اطلبه رقم اخته الكبيره اتكلم وياها وماعندي اي نوع من الأحراج هذا زواج ويحقلي واذا مارضى اعرف انه من جد ماعنده سالفه


فيصل طيب ياخوي شاركنا قول راييك ولا مافي امل تاخذ بنت من المنتدى ياعزيزي

[منــــــــار]

أنا بصراحه إذا طلبني للزواج اقوله يعطيني وقت افكر
هذا اولاَ ثانياً اشوف مواضيعه القديييييييييمه
هل هو متدين واخلاقه عاليه واشوف اسلوبه في كتاباته
ومدى حب الأعضاء له
وإذا كان يمتلك كل هذه الصفات وأهمها التدين
اعطيه رقم بابا وطبعاً إذا كان صادق بيكلم بابا
وبعد موافقة بابا انا اوافق

موضوع مميز وأنا من المتابعين
للموضوع

[سعود]

هلا منااار
أش حتقولي حق أبوك ؟؟
تستطيعي مواجهته بالحقيقة؟؟؟

[سعود]

انت يا شيخة ماينخاف عليك
شخصية قوية
وبعدين رقم أخته مو كفاية
ممكن يرسل لك رقم صديقته
ههههههههههههههه
(( سكرتها في وجهك))
ممكن ولا لا؟؟
وبعدين الاحظ عليك شيخة
إنك متهووووورة

[منــــــــار]

للأسف ماقدر أواجه بابا
في هالأمووور هو يبيني للزواج
يتصرف يقول قريب جارنا إنشالله
أما أنا اطلع من الموضوع
ولا يجيب سيرتي إنويعرفني من المنتدى

[سعود]

اشكر صراحتك
ومتابعتك
وخليك على الخط
هههههههههههه

[كويتية الهوى]

ما زلت متابعة :)

ونبي الحوار والنقاش اكثر بهالموضوع لانه بالفعل هااام جدا !


غاليي سعود ..
<<<<<بتشعللهاااااااااااااااااااا ههههههههههههههه

اقلب السؤال صوبكم غاليي ..
هل تتزوج بنت عن طريق الانترنت وبصراحة .. ان كان الاجابة بنعم .. لماذا ؟
وان كان لا .. همن لماذا ؟؟
ااتمنى الصراحة بدون مجاملة ..


متابعة من الجمهور :)

[منــــــــار]

جاء دوركم أيها الشباب
ننتظر ردودكم وبكل صرااااااااااحه

مازلت متابعه

[شيخة البنات]

سعود لاتخليني انتف حواجبك

مو توني ولوده اكيد بعرف اذا صديقتها وتعال مدام عنده صديقه شيبي فيني

اما سالفة التهور من اي ناحيه ابي اشوف اذا جاد ولا لأ شسوي يعني
اذا داخل مزاجي مابرفض بس اذو واحد ماعنده سالفه اكيد بقول لأ
يعني مو اي شخص بالمنتدى بسوي معاه كذا

[سعود]

وقتي الآن لا يسمح
والله مسافر
أرجع وابشروا

[شيخة البنات]

هلا والله سعود وين بتسافر
وتخلي مواضيعك
تروح وترجع بالسلامه

[كويتية الهوى]

يوم او اثنين غاليتي بيسافر
خليه احسن حتى يستجمع قوااااه للرد على اسئلتنا ههههههههههههههههه
تدرين بعد حنا قوة يالبنااات هههههههههههههههههههه
ولاااا قوة ارهابية عليهم للشباب هههههههههههههههههههههه
سلم قلبج


وما زلنا متابعين وباااصغاااء :)
ننتظر الشباب للجواب ايضا
نبي تفاعلهم بالموضوع ؟

[شيخة البنات]

ههههههههههههههههههههههه
مسكين اخترع من ردود البنات
الله يرجعه بالسلامه


اي والله الشباب مالهم حس اشوف

[شمريه]

سعود ،،
الزواج مو لعبه .. انا مااقدر اخلي مستقبلي في يـد واحد .. ممكن يهيني في يوم بسبب النت والمنتديات ..
يعني مو شرط ادخل النت .. يمكن يذكرني بالنت .. وانه ماينلام اذا شك فيني !!!!

وبعدين شوف الغيره والشك عند القبيلي والحضري ... لكن زياده شويتين عند القبيلي ..
لان كل رجال يغار ... لكن الغيره تختلف من شخص لآخـر حسب العادات والتربيه والمجتمع .
وننتــظـر رأيــك ياسعووووووووووود !!!!!

[فيصل]

انا مؤمن بالنصيب

والله اعلم وين نصيبي من منتدى ولا من غيره

فيه ناس تزوجوا من بنات شافوهم في أطهر بقاع الأرض وللأسف مانجح زواجهم
وفيه ناس تزوجوا من بنات غزل وتسرمح بالأسواق وسبحان الله بيوتهم مليانه عيال وحبهم لبعضهم كبير جداً

فأنا اقول لن أرفض نصيبي ولن يأتيني غيرة

وسلامتكم

[كويتية الهوى]

واو
الله الله وربي يا فارس الشعر انك مية مية :)
اعجبني ردك وصراحتك
وكنت داشة بقولك ليش ما تكتب رايك غاليي بالموضوع ..
وزين لقيت ردك المميز يالغلا ..
صحيح كلامك ماحد ايعرف وين نصيبه !؟
تحياتي فارسنا


ومازلت متابعة وباصغاااء :)
نبي المزيد المزيد من الشباب :)

[كويتية الهوى]

ما زلنا نرتقب الجميع :)
اين البنات والشباب
نبي تفاعل وحوار صريح وبنااء :)


مررت للمتابعة ..

[SHADE]

أنا بقول ردي بصراحة بس محد يزعل مني بالذات البنات ...مب عنصرية بس واقع تجارب من أيام عز التشات من التسعينات أيام الدراسة ...
أنا رفيجي تزوج عن طريج النت هاي شي ... وهاي طبعاً نادراً ماتصير والحمدالله توفق وإلى اليوم سعيد بزواجه لأنهم أثنينهم كانوا لايقين على بعض ويحبه يحب أقول يشهق بحبها واهي نفس الشي .هاي شي ...
الشي الثاني رفيجي الثاني هم بعد تزوج عن طريج النت بس كانوا في نفس الديرة اللي يدرسون فيها بس المشكله أنه؟؟؟؟؟؟ فهموها انتو ليلة الدخله كانت اخر ليلة بينهم ....
عشان جذيه انا من المثال الثاني أبي اقلب السؤال ...مب هل ممكن يحدث زواج بين اثنين ....إلى ..... هل يمكن أن يحدث لقــاء بين الأثنين ...
وهاي اهي المصيبة أن الريال يبادر غالباً بطلب ايميل أو وات ايفر منها الين يقدر يتكلم وياها وطبعاً مثل كل الردود الرسمية والدبلوماسية السابقة مع احترامي لها بأن الريال راح يعطي الشي الزين عنه لانه تشات ....طيب هالشي يدري فيه الصبي والبنية بعد ....انزين في الاصل ليش اسمحوا لنفسهم انها تتطور العلاقة ..البنت اللي تقول أنا دشيت بس اتسلى وماهو في بالي هالشي أني اتكلم أو أتعلق بأي أحد في التشات ..هاي نوع من التخدير للذات الللي مانفوق منه إلا بعد فوات اوان ... بس لو واجهنا أنفسنا وصرنا على قدر من المسؤولية تجاه أنفسنا وصادقين ...مافيه بنت دشت النت (التشات) إلا على شان تتكلم مع شباب وتميل في الأخير إلى واحد وبعظهم إلى أكثر على قولتها يعجبني من كل واحد شي .... والشباب نفس الشي ... بس البنت إذا تعلقت بواحد في النت هاجس الزواج يكون عندها أكثر من الرجل ... عادة الرجل غير مبالي إلى ماندر بسبب مجتمعنا الذكوري ...يعني معنى كلامي كله خلينا نستمتع في النت ولين كل وحده وواحد يا أو يات نصيبها تطبق الخبرة اللي اكتسبتها من النت على ريلها والريال نفس الشي بس المشكلة بعد فترات تبدا تظهر عوارض هالشي ومجتمعنا تشبع بالحالات اللي نتجت وكان سببها النت .... أنا مدري شنو قلت بس لأني مستعيل السموحة إذا في أغلاط فوق أو نسيت حروف وكلامات معروف عني اكل الحجي والضاطر يفهم تحياتي

[سعود]

شيخووووه
اش هالحكي
أنا أخترع من ردودكم
هههههههههههههههه
ماشاء الله جالسين تحشون فيني
بدل متسألوا عني
بس مردوووودة
شيخوه اليوم فرحانة
أخليها تستانس ولكل
حادث حديث
أراويكم

[سعود]

هلا شادي
ممكن أعرف رفيقك أو صديقك
وين ساكن فيه ؟؟
كلامك عين العقل
لكن تختلف من مجتمع لأخر ومن
دولة لأخرى
وممكن في الشرقية ينجح مثل هذا
الزواج وعلى النقيض تمامأ في الغربية (( والجنوبية))
ليه؟؟؟؟؟؟؟؟؟؟؟؟
عادات تحكم المجتمعات
فالعادات لها دور في إنجاح الزواج
واشكر تفاعلك
وأهلا بك معنا

[سعود]

هلا فيصل
أشكر حضورك
وانا ضدك
ليه ؟؟
روح تزوج فتاة عاهرة وقول نصيب (( مع إحترامي لكن للتشبيه))
ياأخي ماأنت مجبور على هذه الفتاة
كلامك ينطبق على الفتيات
لأنهن لا حول لهم ولا قوة
صح ولا أنا غلطــااااان؟؟

[سعود]

هلا بنت شمر
ماأنت ناوية تجيبينها لبر
هههههههههههههه
ياعزيزتي أنا مع كل كلمة قلتيها
لكن في فترة التعارف
يفترض منك إنك عرفت شخصيته
الإيجابية منها والسلبية
أنا ماقلت لك اليوم تعرفي عليه
وغدآ تزوجيه
ممكن الأسابيع الأولى يظهر
أجمل مالديه من أخلاق وأسلوب
وشخصية و.... لكن يجب عليك
إختباره ليتبين معدنه
وكذلك السؤال عنه
من قبل أقاربك
ولا تنسي صلاة الإستخارة
والف الف مبروك مقدمآ
والله يتمم لكم بخير
هههههههههه
(( حرب نفسية))

[شمريه]

لاتـــبـــارك للحـــيـــن مـــحـــد تـــقــــــدم هههههههههههه
ولا عيـــنـــي تـــشـــوف واحـــد يتميـــلح هههههههههههه

وخلاص راح أخلي مجال لباقي الاعضاء ....

[سعود]

يعني منسحبة ؟؟؟؟؟؟؟

[شيخة البنات]

ههههههههههههههههههههههههه
لا سعود انا شفت الرد يوم تقول بسافر
قلت وين رايح بس مارديت علي
وردت كويتيه قالت انك بترد بعد يومين
وبس
قلت اكيد تخرع من رد البنات
امزح بالعربي يادب هههههههههههههههههههه

[شيخة البنات]

والله ياشادي مافهمت شي يعني شنو ليلة الدخله افترقوا شصار يعني وشنو قصدك نفس الديره


سعود اضن فيصل قصده مو ياخذ اي وحده اضنه يقصد انه مايعرف وين نصيبه بالضبط هذا اللي انا فهمته
واعذر لقافتي

[شمريه]

لا يا سعوووووود .....
انا مـو منسحبـه .. لكن من الذووووق اترك المجال لغيري يناقـشك .. وانا اتابع ..
ولا تستبعد اني ادخل بالنقاش (( اذا لـزم الامـر )):d

[فيصل]

الأخ سعود

تعليقي كان لسؤال كويتية عندما قالت

اقلب السؤال صوبكم غاليي ..
هل تتزوج بنت عن طريق الانترنت وبصراحة .. ان كان الاجابة بنعم .. لماذا ؟
وان كان لا .. همن لماذا ؟؟
ااتمنى الصراحة بدون مجاملة ..


اما بالنسبة لتعليقك التالي
هلا فيصل
أشكر حضورك
وانا ضدك
ليه ؟؟
روح تزوج فتاة عاهرة وقول نصيب (( مع إحترامي لكن للتشبيه))
ياأخي ماأنت مجبور على هذه الفتاة
كلامك ينطبق على الفتيات
لأنهن لا حول لهم ولا قوة
صح ولا أنا غلطــااااان؟؟

عندي لك سؤال واحد وأرجوا اجابته :
- هل ستأخذ غير نصيبك ؟

[كويتية الهوى]

هلا بفارسنا فيصل
انا محايدة دوم
ولكن كلام فيصل اعجبني لان الانسان ما ياخذ غير نصيبه
ونصيبه مخفي ما يندرى وين بيكون !!؟؟
راائع كما عرفتك غاليي فيصل

ومازلت متابعة للحوار الفذ :)

[سعود]

لا أخفيكم سرآ صار معي الموضوع
والحمدلله لم يعارض أحد علي
سوى الوالدة كان لديها بعض
الخوف خصوصآ إنها ليست من
مجتمعنا وعاداتها تختلف عني
فهي من مجتمع متفتح
وواجهتني إنتقادات لكن حبي
لتلك الفتاة جعلني لا أفكر إلا
بكيفية الإرتباط بها فأنا وجدت فيها
كل ماأتمناه ولكن مع مرور الوقت
بدأت تظهر شخصية حقيقتها
واننا لا نتفق كزوجين بعد عشرة
استمرت ثلاث سنوات
وبدأت أفكر بعقلي لا بعواطفي
واتضح لي لاتناسب لبعض
وهذا هو حال زيجات النت والتليفون
وأنا اؤيد كلامكم إنها خطأ ليه؟؟
لأن الشيطان يدخل بينكم بعد الزواج
ويشكك الرجل في المرأة وكيف تعرف عليها
فكل مايرى الزوج زوجته تكلم في التليفون يجي
في باله إنها تكلم رجل والعكس صحيح .
أنا كما قلت أعترف بخطأ هذا الشىء
لكن أحببت نتجادل وكل منا يعبر بوجهة نظـــره
أشكر الجميع على إستجابتكم وسعة صدوركم.
سعـــــــــــــــــــــــــود

[شيخة البنات]

شنو سعود خلاص سكرت الموضوع
ماباقي شي تقوله
غير كذا 3سنين بعدين اكتشفت انها ماتصلح لك ولا ضيعت عمرك واحاسيسك ياولد
بس ارجع واقول الجواب مو لأ او ايه
الجواب يكون بعد استخاره وبعد مناوشات وبعد كلام طويل عريض

[سعود]

هذا اللي صار
بس حبيت اختصر الموضوع
وكمان جبت القصة كدليل
إنه خطأ هذا الزواج
والمجادلة كانت
لأبداء وجهة النظر ليس إلا
وأنا مقتنع من الأساس إنه خطأ
فهمتي شيخة

[شيخة البنات]

هذا رايك وانت حر فيه بس لاتخلي تجربتك تحكم عليك
وانشالله تلقى حب جديد وحب يملي قلبك

[شمريه]

سعووووووود .. النقاش كان راااااااائع ..
وفعلاً حلووووووه الاراء مع اختلافها ..
وأنتــظر نقاش آخــر مـنــك .

[فيصل]

سعود

ماجاوبت على سؤالي ؟

[SHADE]

أنا حبيت أرد أعلق على شغلة معينة الجميع يستخدمها اللي هي المجتمع المتفتح ومادري شنو انت بتتزوجها والا المجتمع بيتزوجها .... وهذي مغالطه نطيح فيها ...طبعا متى تكون صح ؟؟؟
إذا احنا رحنا وقلنا إن زوجتي تعرفت عليها عن طريج النت والا التليفون وهالسوالف أكيد مجتمعنا راح يرفض هاي الفكرة ...المشكلة في الشخص بس هل إنه بعد الزواج مثل ماقال أخونا سعود راح يشك بأي تصرف ....الخ.
صراحة وارده وتدرون الشك اسهل طريج للطلاق وصعب اذا بدا الشك بداخله انه ينساه بالعكس كل تصرف خاطئ يكبر...
يعني الحل اللي اتشوفه من وجهة نظري أهو في الشخص نفسه ومدى تقبله للفكره والاشخاص اللي تزوجوا بهاي الطريقة صدقوني والله العظيم حاولو يبعدون عن كل شي ذكرهم ببداية تعرفهم على بعض يعني بالعربي اثنينهم مايدخلون تشات واشنينهم يعترفون حق بعض بانه خطاء واثنيهم مقتنعين ان فكرة الزواج من النت اصلا خطا مادري اهم ردوها للنصيب اللي جمعهم ...وفعلا أغلب الزواجات الناجحة اللي عن طريج النت دوم تكون ويا الناس اللي هم مب متمرسين في التشات يعني دشو لفترة بسيطة أما عتاولة:) النت صعب جدا تنجح العلاقة وتوصل الى زواج بسبة كثرة المعارف وجود الشك اصلا قبل يفكرون في أي موضوع يلزم الطرفين في الزواج يعني هاي من واقع تجربة فعلية مع عدد من الأزواج اللي كانو ويانا يدرسون وللحين مستمرة زواجتهم أكثر من تسع سنوات
ملاحظة :
أنا شيد Shade بليز يعني الظل بالعربي هاي اسم هندسي المهم مب شادي جني سوري مع احترامي الكبير لأخواني السوريين ...أنا قلت جذية لأن الكل يصيح علي بشادي :)

[كويتية الهوى]

ماشالله عليكم غلاتي
اراء مختلفة ونقاااشات حلوووة ومميزة..



مازلت متابعة
وللنقاش بقية :)

[كويتية الهوى]

هلا فيك غاليي شيد ..
نورت الموضوع بنقاشك

وننتظر راي كاتب الموضوع

ومازال النقاش مفتوح
ومتابعين باصغاء ؟ :)

[SHADE]

تبون الواقعية في الرد مع احترامي لخواتي البنات ....
البنت في التشات وأنا مادري ماراح أعمم لأنه بتشوف الرد اللي متعودينه من البنات لاتعمم مب كلهم جذية ...أدري ..بس حتى اللي يقولون جذيه لازم تعرفوا على جم من واحد عن طريج النت وتتفاوت المعرفة من التشات غلى التليفون الى المقابلة ...
اللي تقولي صار لها في النت سنة أو أقل وتوها ماتعرفتعلى أحد أو ماحاجت أحد أكيد فيه علامات استفهام على كلامها ....لان الموضوع انتو حطيتوه بشكل جدي ولازم نعترف ان الزمن اللي عايشين فيه الحين غير أول ...تصدقون بقولكم شي زمان كان اذا انتشر بين الشباب أو البنات انه او انها تكلم واحد عييييييييييييب وبالخش تتحجى (طبعا مب اللي قاعدات في بيوتهم انا اتكلم عن اللي يدرسون برا والحمدالله اللي برا الحين اكثر من اللي في الوطن ...المهم هاي الحجي بداية دراستي أما مع بداية نهاية دراستي والله العظيم أن البنت كلمتها رفيجتها في السكن وينج اتقول انا ويا فلان ويمكن ماراح ايي وتشوف لها صرفه صغيرة تقول للميس انها بتنام عن رفيجتها في سكن ثاني وتكون متفقة وياها والمشكلة أن اخر أخباري ان الوضع زاد سوء حتى وصل مجتمعاتنا الخليجية وانتم ادرى بهالشي والسبة شنو النت صح ؟؟؟؟
انا اقول العوامل كلها تساعد مجتمعاتنا مب مثل أول اسهل شي الحين البنت تتعرف على واحد والثاني لين تلقى الحب الصجي على رأيها وفي الأخير تطلع براي أنا ابي اتزوج اللي يتقدم من برا النت أحسن والشاب نفس الشي ....يعني الاسباب فينا احنا مب في العلاقات العابرة...والزواج غير...

[SHADE]

سعود ...
رفيجي في السعودي من الرياض والبنية هم من الرياض ...زواحجهم مستمر والحمدالله من تسع سنوات ...

شيخة البنات .....
افترقوا من ليلة الدخلة بسبب ان البنية كانت على علاقة بشخص قبله من النت بعد بس ماقدرت تقول لريلها قالت يمكن مايدري والفت اسباب غريبة انه بنفسها يعني سوالف طويلة الله يستر على عبيدة ...فكانت القصتين اللي طرحتهم انا على علاقة ناجحة والثانية فاشلة بسبة البنت والا كانت راح تستمر بالنجاح بس الصبي من النوع اللي يقدر يغلب الحب على الاشياء الثانية.
تحياتي..

[سعود]

هلا فيصل
أكيد لا
بس الشخص له دور في عملية النصيب

[سعود]

أضم صوتي لصوت صديقنا شيد
إفهموا هذا الزواج خطأ
ممكن ينجح عند المجتمعات
المتفتحة بس عندن كسعوديين لا
والناجح منها لا ينطبق عليه نجاح 100%
لكن هو تضحية من أحدهما لكي يتجنب الطلاق
وأغلب الزيجات يكون إعجاب في شىء معين
كأن تكون موظفة والشاب عاطل وتوعده بالوظيفة
وتمنيه بالسعددة وهذا ماحصل معي في قصة الأمس
والآن أذكر لكم قصة أحد أصدقائي
صديقي هذا تعرف على فتاه تكبره ببضع سنوات
ولوسامته حبته تلك الفتاة وأغرته بالمال وأهدته سيارة
ووظفته بعد كذه عرض الموضوع على أسرته بالرغم إنه كان ((خاطب))
ولم تتقبل أسرته الفكرة وفاجأ الجميع بموعد زواجه ورضى الجميع
بالأمر الواقع وتزوج الفتاة والسكن كان في إحدى شقق والد الفتاة
بعد يومين من الزواج إلا وإحدى أهم الشركات تتصل عليه لأنه
كان مقدم وظيفة عندهم لأكثر من 4سنوات وترك وظيفته الأولى
وذهب لهذه الشركة . المهم والده يملك فيلا في المنطقة التي
يعيش فيها صديقي مع زوجته وغير له الأثاث وسلمه المفتاح
(( ركزوا في القادم))
انجب منها بنتآ والبنت أتت وأتت معها المشاكل
ليه ؟؟
إنقطع عن أهله بسبب زوجته
_ _ _ أصدقائه _ _ _
حتى العيد والله مايجي يسلم على هله
والدليل على عدم راحته إنه يغازل ويكلم وسهرات بنات
طبعآ هي شاريته بمالها والمسكين إنخدع لأنها صرفت عليه
ووظفته في مستشفى لأبيها
الحين ورطان وخطيبته أصيبت بحالة نفسية
إختصارا لكلامي
إبتعدوا عن هذه الزيجاااااات