ياعروستنا تعالي نبيك بسالفه

[شيخة البنات]

اوكي هذا الموضوع شفته في منتدى ثاني وعجبتني الفكره مره

قلت خلنا نستفيد ونفيد
اتمنى انه تعجبكم

الموضوع باين من عنوانه

هو جدول لكل عروس.. حيث ان كل عروس تعتبر هالموضوع موضوعهاا .. تدخل وتسجل فيه الآتي

وهي امور اختياريه وليست اجباريه

يعني اذا في نقطه ماحبيتي تذكرينهاا عاادي طوفيهااا

بسم الله نبدي

%%% الجــزء الأول %%%

((( بطاقة تعريفيه بالاخت العروس المشاركه )))

1- ذكر النك نيم
2- الدوله
3- العمر
4- تاريخ الخطبه او العرس
5-أمنيه تتمنينها في عرسج ان شاء الله============================================== ==

مثل ماشفتوا خواتي اول شي وأول مشاركه لكم تكون بطاقه تعريفيه للعرايس المشاركات

وبعد جذي يكوون النقطه المهمه او الهدف الرئيسي من الموضوع

كل عضوه تبدي تشرح لناا شنو اشترت وشنو زهبت وشنو الشي اللي باقيليهاا عن طريق الأجابة عن الأسئلة التاليه ........ ملاحظه ممكن تطوفون سؤال او تضيفون من عندكم ... الموضوع موضوعكم حبيباتي

====================

%%% الجــزء الثاني %%%
1- كم المهر
2- هل ضفتي من عندج بعد ولا المهر كان كافي
3- شنو اول شي شريتيه
4- ماهو لون فستان الفرح
5-تحدثي عن قمصان النوم والملابس الداخليه .. كم قطعه شريتي ومن أين ؟
6- تحدثي عن الملابس الاستقبال , ومن أين
7- تحدثي عن العطور والبخور .. شكثر شريتواا. ومن وين .. وياليت ذكر اسماء العطور والبخور
8-تحدثي عن العبايات والملافع.. من وين وشكثر جبتواا؟؟
9-تحدثي عن المكياج
10- تحدثي عن برنامج العروس بالصالون .. شنو الجدول مالكم .. حمام مغربي جلسات بيض , تقشير .. إلخ .. نبي نعرف
=============================

%%% الـــجزء الثالث %%%
1- منو كنتي تحرصين يروح معاج وانتي تزهبين لأغراض العرس
2- هل التجهيز متعب ولاا لأ ؟؟

==========================================



وأتمنى خواتي تشاركون وان نستفيد من الموضوع لأن بمثابة جدول تذكر العروس الامور اللي زهبتهاا وخلصت وتذكر ايضاا شنو راح تجيب وتجهز .. ويكون موضوع مشترك من كل الدول
لان أي عروس تكون ناسيه شي اكيد راح تتذكرة لمن تذكرونه بموضوعكم
ويمكن في شي مانتبهت عليه العروس .. راح تعرفه من مشاركاتكم

[كويتية الهوى]

راااااااااائعة شيخة وربي
نقل موفق ومميز غناتي
تسلم يمناج لجمال الفكرة ..

يثبت ويميز :)

[شيخة البنات]

واااااااااااااااااااااااااااااااااااااو
مشكوره يالغلا
كل ذوق
ونشالله اكون عند حسن ضنك
وتكون مواضيعي لصالح المنتدى عشان يصير فوق
بارك الله فيك كويتيه
دايم تفرحيني
ربي يسعدك

[عيون]

ربنا يخليكى موضوعك حلو جدا
وانا مبسوطه جدا بيه

[شيخة البنات]

هلا فيك عيون
طيب انتي متزوجه
ولا لحد اللحين بنوته مثلي

[شمريه]

فكره رائـعـه ....
بس انا تـزوجـت خـلاااااااص ..

[شيخة البنات]

طيب عدي
احنا نبي متزوجات شمريه
يلا الموضوع من جد يحمس

[كويتية الهوى]

هلا والله بشيخة الكل
حبيت اشارك دام محد يبي ايشارك بالموضوع لا من متزوجات ولا بنوتات
وانا بتكون اجاباتي محايدة غير موضحة باني متزوجة او بنوتة هههههههههههههه
جذي انا شيخة شخصيتي ماحب اوضح وبجاوب على الاسئلة ان صرت عروس
او كنت وصرت عروس <<< اشفيها غامضة ههههههههههههههههههههه

يالله نبدي اوكي ..


%%% الجــزء الأول %%%

((( بطاقة تعريفيه بالاخت العروس المشاركه )))

1- ذكر النك نيم

- كويتية الهوى

2- الدوله

- الكويت طبعا

3- العمر

- يبتدي من ذي اللحظة اللي اشعر فيها ;)


4- تاريخ الخطبه او العرس

- لا عاد هذي صعبة مادري بتكون او ان كانت ماذكر


5-أمنيه تتمنينها في عرسج ان شاء الله

- ان الاهل كلهم مجتمعين ماحد ناقص ان شالله







%%% الجــزء الثاني %%%


1- كم المهر

- طبعا المهر بالنسبة لنا فوق ال 4 الاف كويتي اللي اتحطه لنا الحكومة ..
وطبعا عايلتنا ما تاخذ فلوس الحكومة من نفس العايلة ناخذ .. وهذا الشي
يرجع للعريس ولكن اكيد بيكون ذو مستوى ومنصب غناتي ولن يحتاج
فلوس الحكومة والحمدلله الخير موجود .. ( المهر بيكون كبير شوية ) !

2- هل ضفتي من عندج بعد ولا المهر كان كافي

- لا طبعا لن اضيف شي من عندي لانه يدري منو ماخذ او منو بياخذ ;)


3- شنو اول شي شريتيه

- اول شي بشتريه اكيد بتكون دبلة الخطوبة وهي دبلة الماس ..


4- ماهو لون فستان الفرح

- بيكون لونه اوف وايت ان شاء الله .. مع استراص وشغلات
ناعمة عليه :o


5- تحدثي عن قمصان النوم والملابس الداخليه .. كم قطعه شريتي ومن أين ؟

- طبعا اشتري لانجري اشياء وايدة قطع كاملة او قطعتين مايوهات
مع شغلات كثيرة مثيرة ومغرية من محلاات الماركات واكثر شي بتكون
ميد ان ايطالي <<< اتشجعه بقوة هههههههههههه :)

6- تحدثي عن الملابس الاستقبال , ومن أين

- ملابس الاتسقبال شغلات وايدة واكثرها من المجمعات المعروفة
ومن ماركات معروفة بعد غناتي .. ماعرف افسرها اشلون اتكون ..

7- تحدثي عن العطور والبخور .. شكثر شريتواا. ومن وين ..
وياليت ذكر اسماء العطور والبخور

- احب البرفانات الفرنسية اكثر شي ومشكلتي ماني من محبذين البخور
والعطور العربية لاني مب وايد الاهل ايحطونها الا بالمناسبات الرسمية
عشان جذي ربيت على عدم تخبيذها وادوخ منها جسمي ما يتحملها غناتي
قوية عليي ههههههههه صغنونة بعد شسوي ههههههههههههههههههه
عشان جذي احبذ البرفانات فقط والماركات المعروفة ..

8-تحدثي عن العبايات والملافع.. من وين وشكثر جبتواا؟؟

- لا تعليق .. العذر ما عندي جواب على هذا السؤال .. !

9-تحدثي عن المكياج

- الميك اب حدث ولا حرج ههههههههههههههههه شي شي طبعا ;)


10- تحدثي عن برنامج العروس بالصالون .. شنو الجدول مالكم ..
حمام مغربي جلسات بيض , تقشير .. إلخ .. نبي نعرف

- كل شي يخطر ببالج اسويه هههههههههههههههههههه
دون ذكر الشغلات هههههههههههههههههههه



%%% الـــجزء الثالث %%%
1- منو كنتي تحرصين يروح معاج وانتي تزهبين لأغراض العرس

- اكيد امي بتكون وياي بكل شي وانا بروحي معتمدة على نفسي اكثر شي
لاني دوم بمحلات الماركات واعرف احدث الموضات والستايلات الحديثة
وووووو ودوم توصلنا للبيت يالغلا هالشغلات هذي ..


2- هل التجهيز متعب ولاا لأ ؟؟

- عادي بالعكس فيه وناسة ههههههههههه
اساسا احب الشوبنج دوم وهالشي بيونسني دامه بيكون للحبيب :o
بيكون تعبه غير شكل :o ;)


واي اسئلة اخرى هههههههههههههههههه
يسعدج يا احلة مشرفة
دوم متالقة شيخة غناتي
تقبلي حبي وتحياتي
وعساج عالقوة ..

[شيخة البنات]

والله انك من جد غاااااااااااااااااااااامضه

طيب ليه الغموض بس

ومشكووووووووووووووووووره كويتيه علا التشجيع الحلو منك

وصراحه ماقصرتي بالغلا

[كويتية الهوى]

:)

تسلمين غاليتي
ما هو غموض ولكن قناعة نفسية يالغالية
تسلمين للطلة والترحااب
يالله نبي انعرف عنج بعد شنو بتسوين لو اصبحتي عروس او رح تخطبين
او ما شابه يعني كتبي عن شخصيتيج شنو رح اتسوين ووووو :)
ننتظرج عشان الجميع يبتدي مثلنا :)


تحياتي يالغالية ..

[شيخة البنات]

اوكي افكر
واقولك
وماضن صفحتين بتكفي ابي شغلات كثيره

ولي رده هنا

[كويتية الهوى]

ليش صفحتين يا شيخة هههههههههههههههههههههههه
مو منج من شعرج اللي سوى سواته فيج هههههههههههههههههههههه
يالله بانتظارج يالغالية :)

[شيخة البنات]

هههههههههههههههههههههههههه
طيب انتي بتشوفين ليه

[إماراتيه وأفتخر]

احم احم ..

انا عروس يدي توني مالجة بعدني ما عرست

قلت اوه ينادوني خلني اشوف شو عندهم ^^


%%% الجــزء الأول %%%

((( بطاقة تعريفيه بالاخت العروس المشاركه )))

1- ذكر النك نيم

اماراتية وافتخر

2- الدوله

اماراتي الحبيبة طبعا ^^

3- العمر

بعدني كتكوته عمري 21


4- تاريخ الخطبه او العرس

ملجتي كانت 17 -8 -2007
وعرسي بيكون 24 - 7 - 2008

تقريبا سنة ملجة ^^ تعذيب صح لوول

5-أمنيه تتمنينها في عرسج ان شاء الله

اتمنى ان الكل يحظر واتمنى اني اقدر اسعده دوم ^_^







%%% الجــزء الثاني %%%


1- كم المهر

مهري 20 ألف ..
وزهبتي 30 ألف ..
وللحين ما بديت في الزهاب باقي وايد لين العرس ^_^

الباااااقي كله ما بديت فيه ،، من أبدأ بخبركم ..

احترامي لكم

[زوجة القمر]

مرحبا ياحلوين
كيف الحال معاكم عروس جديدة




%%% الجــزء الأول %%%

((( بطاقة تعريفيه بالاخت العروس المشاركه )))

1- ذكر النك نيم
زوجة القمر
2- الدوله
السعودية
3- العمر
20 العمر كله
4- تاريخ الخطبه او العرس
الخطبة 26-6-2006
الزواج بعد 8 شهور إن شاء الله
5-أمنيه تتمنينها في عرسج ان شاء الله
اتمنى ان الله يبارك لي في زواجي ويهنينا







%%% الجــزء الثاني %%%
1- كم المهر
فوق 25 ألف ريال
2- هل ضفتي من عندج بعد ولا المهر كان كافي
لسه اجهز والحمد لله المهر مكفيني
3- شنو اول شي شريتيه
ملابس البيت
4- ماهو لون فستان الفرح
إن شاء الله سكري
5-تحدثي عن قمصان النوم والملابس الداخليه .. كم قطعه شريتي ومن أين ؟
شريت قطع واااااااااايد ومن محلات متنوعة (إيتام - نعومي - لاسنزا - لافين روز ----)
6- تحدثي عن الملابس الاستقبال , ومن أين
لسه ما أخذتهم
7- تحدثي عن العطور والبخور .. شكثر شريتواا. ومن وين .. وياليت ذكر اسماء العطور والبخور
لسه ما أخذتهم
8-تحدثي عن العبايات والملافع.. من وين وشكثر جبتواا؟؟
لسه ما أخذتهم
9-تحدثي عن المكياج
لسه ما أخذتهم
10- تحدثي عن برنامج العروس بالصالون .. شنو الجدول مالكم .. حمام مغربي جلسات بيض , تقشير .. إلخ .. نبي نعرف
إن شاء الله برنامجي فيه حمام مغربي وحمام فرنسي يوم الزواج







%%% الـــجزء الثالث %%%
1- منو كنتي تحرصين يروح معاج وانتي تزهبين لأغراض العرس
خطيبي طبعآ وما اروح اجهز بدونه
2- هل التجهيز متعب ولاا لأ ؟؟
لحد الأن التجهيز ممتع للأخر

[meeemo]

أول شيء الموضوع وااااااااااااااايد حلو
وثاني شيء بكون عرسي شهر 1 وماشريت شيء
في أشياء حلو في الفجير علشان أزهب؟؟؟؟

[شيخة البنات]

حلو ياعروستنا
وين الباقي

[عروسةزوجها]

حلو يجنن الموضوع بس انا متزوجة

[احلي من الحلا]

مشكوره علي الموضوع بصراحة عجيبة الفكره
يعطيج الف عافية

[شيخة البنات]

طيب
وين باقي العروسات
حتى المتزوجات نكسب خبره
يلا ننتظركم

[اشواق يتيمه]

يعطيك الف عااااااااااااافيه الموضوع جدا رائع

[شيخة البنات]

ياهلا فيكم

[حبيبة رائد]

مـــــــــرحبا

مساء الورد ياحلوين

انا عضو جديد بالمنتدى ....وكمان عروس جديده

اتمنى اني استفيد منكم لاني بالفعل بالي مشغول ومابعرف من وين ابدأ تجهيز

1-ذكر النك نيم
حبيبة رائد

2-الدوله
السعوديه بـــــــــس فلسطينيه

3-العمر
24 سنه

4-تاريخ الخطبه
23-1-2008

5-امنيه تتمنيها في عرسج ان شاء الله

يكون الكل بخير وانبسط واكون راضيه عن كل شي بأذن الله

%%% الجــزء الثاني %%%

1-كم المهر
30 الف ريال :(مابعرف كيف راح يكفوني

2-اول شي اشتريته الدبلة الالماس والشبكه (طقم دهب من مجموعة اليسا)


والبـــــــــــــــــــــــاقي لهلأ مابلشت

اشكركم ع الموضوع الحلو واتمنى تفيدوني بأراكم واقتراحاتكم وبكل شي بخص التجهيز او الاعتناء بالمظهر

[شيخة البنات]

هلا فيك ياحبيبة رائد
لا يالغلا راح يكفون
بس انتي جهزي اغراضك بدفتر

[حبيبة رائد]

:) تسلمي يارب وان شاء الله راح اعمل بنصحيتك

[شيخة البنات]

الله يسعدك يالغلا
ونشالله تكونينين سعيده بحياتك الجديده

[دانه بعين بحاره]

واااو تسلمين يا الغااليه

ولي عووده

[غرور أنثى]

%%% الجــزء الأول %%%

1- ذكر النك نيم
الــبــنــدري
===============
2- الدوله
جــــــــــــــــده
============
3- العمر
19 ^_^
=================
4- تاريخ الخطبه او العرس
8 فبراير 2008
==================
5-أمنيه تتمنينها في عرسج ان شاء الله؟؟؟
أتمنى إن شالله يكون زواج العمر وإن ربي يتمم لنا بخير وعافيه
وتكون من لحظه زواجنا لنهاية عمرنا وإحنابسعاده وهنا يارب ..
===================

%%% الجــزء الثاني %%%

1- كم المهر
100 ألف .
==============
2- هل ضفتي من عندج بعد ولا المهر كان كافي.؟؟
إيه أكيد مايكفي ذي الأيام كل شي غالي :(
=============
3- شنو اول شي شريتيه؟؟؟
مدري والله ودي أشتري المحل كله خخخخخخخخ :zr287:
أول شي أشتريه ان شالله شنط كبار وسط صغير على حسب (للملابس الداخليه والقمصان وشنط للعطور والميك أب وشنطه لأغراض الحمام أقصد بعد الترويش للجسم

=================

4- ماهو لون فستان الفرح
سكري ان شالله
=====================
5-تحدثي عن قمصان النوم والملابس الداخليه .. كم قطعه شريتي ومن أين ؟؟
لحد الآن ماشريت ولاشي :(
================
6- تحدثي عن الملابس الاستقبال , ومن أين؟؟
ذي أهم شي لازم تتفنين فيها لمن حد يجيك من أهله ولى أقاربهم
لازم تطلعين كشخه موتهتمين بالملابس وبس خذي إكسسوار
وجزمه وانتم بكرامه وخليك أحلى منمهم ..
من وين مدري موب لازم ماركه أهم شي شكلها حلو وتفتح النفس وناعمه ..
=============================
7- تحدثي عن العطور والبخور .. شكثر شريتواا. ومن وين .. وياليت ذكر اسماء العطور والبخور؟؟
مدري حنا نحط بخور مخلط يعني نشتري كذا بخور ونخلطه مع بعض
وطبعاً مخلوط بعوده *_*
===================
8-تحدثي عن العبايات والملافع.. من وين وشكثر جبتواا؟؟
عبايه أكيد تفصيل ..
================
9-تحدثي عن المكياج ؟؟
المكياج أنصحكم بنينا ريتشي رووووووووووعه
مسكره mf حلوه ضد الماء يعني تثبت
وأيلاينر عشان تحددين العين كمان حلو يخلي العيون كبار
طبعاً إنتي ترسمين عينك ;)
وأهم شي مناديل مزيل مكياج او عصار وقطن ..
والباقي تعرفونه
===================
10- تحدثي عن برنامج العروس بالصالون .. شنو الجدول مالكم .. حمام مغربي جلسات بيض , تقشير .. إلخ .. نبي نعرف؟؟
ما أيد ذا الشي خرابيط=============================

%%% الـــجزء الثالث %%%
1- منو كنتي تحرصين يروح معاج وانتي تزهبين لأغراض العرس؟؟
أكيد أمي وخالتي وأختي ..
=========================
2- هل التجهيز متعب ولاا لأ ؟؟
إي والله متعب :m315:

وسلامتكم ,,,

[شيخة البنات]

باقلبي ياغرور
واووووووووووووو
مبروك اول شي
والله يعينك عالتعب ثاني شي
ولا تصرين كذا تصرفين وبس
مهرك ماشالله يكفي
بس انتي رتبي افكارك ونشالله يكفي
مع ان كلامك صحيح كل شي غلا هالايام
يلا ياقلبي مبرووووووووووووووووووووك:)

[عروس ناصر]

%%% الجــزء الأول %%%

((( بطاقة تعريفيه بالاخت العروس المشاركه )))

1- ذكر النك نيم ------ميرانـ .,,
2- الدوله---- الامارات
3- العمر-----20
4- تاريخ الخطبه او العرس ----الخطبه 9-9-2006 العرس --- 2008 راح يكون بس بعدنا ما حددنا ..,,
5-أمنيه تتمنينها في عرسج ان شاءالله --- كل شئ يكون اوكيه والكل حاضر بدون نقص واكون فرحانه والله يوفقنا ويجمعنا بالخير ================================================



%%% الجــزء الثاني %%%
1- كم المهر ------ 135,000 درهمـ .,,
2- هل ضفتي من عندج بعد ولا المهر كان كافي---- للحين ما شريت شئ @@ ولا صكيت الفلوسـ .,, :m315:
3- شنو اول شي شريتيه --- ان شاء الله بيكون الذهب
4- ماهو لون فستان الفرح ------ مادري الاحلى باخذة
5-تحدثي عن قمصان النوم والملابس الداخليه .. كم قطعه شريتي ومن أين ؟ ما خذيت شئ ما حددنا العرس
6- تحدثي عن الملابس الاستقبال , ومن أين ----ما خذيت شئ ما حددنا العرس
7- تحدثي عن العطور والبخور .. شكثر شريتواا. ومن وين .. وياليت ذكر اسماء العطور والبخور ---- ما خذيت شئ ما حددنا العرس
8-تحدثي عن العبايات والملافع.. من وين وشكثر جبتواا؟؟ ----ما خذيت شئ ما حددنا العرس
9-تحدثي عن المكياج -------ما خذيت شئ ما حددنا العرس
10- تحدثي عن برنامج العروس بالصالون .. شنو الجدول مالكم .. حمام مغربي جلسات بيض , تقشير .. إلخ .. نبي نعرف --- ولا شئ ولا اظن انيه بسوي:zr287:
=============================

%%% الـــجزء الثالث %%%
1- منو كنتي تحرصين يروح معاج وانتي تزهبين لأغراض العرس------- اكيييد اميه وخواتي
2- هل التجهيز متعب ولاا لأ ؟؟ اللي اعرفه هيه وانا من النوع اللي ما يحب السوق واايد :confused:


دعواتكمـ .,,

[شيخة البنات]

عروس ناصر مبروك
بس مو ناويه تسوين شي
مبين عروس كسوله
يلا انشالله يتمم علا خير
ونشوف تجهيزاتك اوكي:)

[عروس ناصر]

عروس ناصر مبروك
بس مو ناويه تسوين شي
مبين عروس كسوله
يلا انشالله يتمم علا خير
ونشوف تجهيزاتك اوكي:)

هههههههههه شفتي كيف كسوله ع الاخير بس يحددون انا بتجهز ،، لانه سبحان الله الظروف احيانا تحكمـ ،،

امييين :)ان شاء الله بنزل كل شئ دعواتكم

[بنت عمان]

1- ذكر النك نيم: الزعـــــــــــلانه

2- الدوله: سلطنة عمـــان

3- العمر: مواليد 1981

4- تاريخ الخطبه او العرس: 15/11/2007

5-أمنيه تتمنينها في عرسج ان شاء الله:
تزوجت بس امنيتي بعد الزواج ان الحب الي بيني انا وزوجي يزيد يوم وراء يوم.

================================================


%%% الجــزء الثاني %%%

1- كم المهر: 3000 ريال عماني

2- هل ضفتي من عندج بعد ولا المهر كان كافي:
زيدت 3000 زيادة من عندي

3- شنو اول شي شريتيه:
ملابس

4- ماهو لون فستان الفرح:
ابـــيض
5-تحدثي عن قمصان النوم والملابس الداخليه .. كم قطعه شريتي ومن أين ؟
كثييـــــر ومن محلات خاصة بالنساء

6- تحدثي عن الملابس الاستقبال , ومن أين:
اغلب الملابس تفصيل.

7- تحدثي عن العطور والبخور .. شكثر شريتواا. ومن وين .. وياليت ذكر اسماء العطور والبخور:
كثير ومن المحلات التاليه (افون- عبدالصمد القريشي- سيد جنيز- اجمل- الرصاص- بيت العود والعنبر والبخور)

8-تحدثي عن العبايات والملافع.. من وين وشكثر جبتواا؟؟
كثير وبمحلات مختلفه

9-تحدثي عن المكياج :
(اغلب مكياجي من افون وديور)

10- تحدثي عن برنامج العروس بالصالون .. شنو الجدول مالكم .. حمام مغربي جلسات بيض , تقشير .. إلخ .. نبي نعرف[/
ما اتذكر لان هيك الايام كانت متعبه كثيرCOLOR]
=============================

%%% الـــجزء الثالث %%%
1- منو كنتي تحرصين يروح معاج وانتي تزهبين لأغراض العرس:
شقيقتي الكبرى

2- هل التجهيز متعب ولاا لأ ؟؟ متعب كثيييييير

==========================================

[شيخة البنات]

الزعلانه
انشالله تضلون مستانسين طول العمر
وتحبون بعض انشالله دايم

:)

[سارة]

يعطيك العافية ياكويتية الهوى