والله لادعي له اللي يحل مشكلتي

[مرت خالد]

مسااااااااء الخيراااااات لاحلى الاعضاء
عندي مشكله صغيره املي اني القى الحل عندكم
زوجي مدخن ولكن المشكله ليست في التدخين المشكله انو لما يبغى يدخن لازم نطلع انا وصغيري من الغرفه ونروح غرفه ثانيه لانو طبعا يخاف على صحتي وصحة الولد
وبالنهايه هو يدخن على فترات متقاربه واحنا طول وقتنا بغرفه النوم انا وطفلي ابو 6شهور بصراحه انا اتعب واحتاج لزوجي اني اجلس واسولف معه مع العلم انه ما يطلع من البيت ابدا ابدا يعني بيتوتي لكنه طول وقته جالس بغرفة التلفزيون لحاله
مع اني وربي مارضيت انه يدخن وحاولت بكل الطرق لكن مافي فايده ارجوكم قولولي وش اسوي والله تعبت معه

[لبيه يا منادي]

مرت خالد
سلالالالالالالالالالالالام
فيه عيادات متخصصه لمكافحة التدخين اتصلي عليهم وانشاء الله بيجدون لك طريقه تساعدك على ان زوجك يبطل عادة التدخين .......
كل ما عليك هو الاتصال على 905 والطلب منهم رقم العياده وهم وبطريفتهم انشاء الله بيجدون لك حل مناسب وانشاء الله يقدرون يساعدونك .


ولك تحياتي .....

[سعود]

اولا / إدعي له بالهداية
تانيا/ والله لو جبت له كل العيادات وماعنده نية يترك التدخين
ماراح يتركه!!!!
تالتآ / خيريه بين التدخين أو إنت وولدك
رابعآ / إعرضي عليه إقتراح أخونا لبيه
خامسآ / خوفيه على صحتك كحي ومثلي إن صدرك تعبان
خليه يقلق عليك وعلى طفلك
واسأل الله لك التوفيق
والهداية لزوجك
واخيرا مرحبا بك معنا
وسعداء بوجودك
(( أكثري من الدعاااااء))

[كويتية الهوى]

هلا فيج مرت خالد ..
حياج ويانا يالغالية
والاخوة ماشالله عليهم قالوا كل شي كفوا ووفوا ..
ومشكلة التدخين مشكلة
ولكن عليج بالهداية والكلام الزين اتحاولين تتقربين منه
وتقولينه انك بحاجة انك تقعدين معاه وانك تبني قربه وتحبينه ولا اتودي البعد عنه دقيقة !
حاولي بكلامج المعسول اتكلميه .. وان التدخين مضر بصحته وانه مع الايام رح
ايبن هالشي عليه وانه بعده شباب وانك انت وولدج بحاجته .. الله ايخليه لكم ..
دوم حاولي غاليتي وان لقيتيه استجوب منك اي استمع لج .. فاهني الامل ان شاء الله
لا تيأسي ابد ..
خيط واحد يعطي الامل لجدام ..
وعندي شغلة بقولها ..
ليمن تطلعين من غرفته وقت تدخينه حاولي اتحسسينه ان عند انتهاء السيجارة مثلا
انه ايناديج عشان تجلسين يمه واتكلميه .. وبجذي مرة على مرة رح ايمل وايقلل من
التدخين عشان سوالفج الحلوة معاه ولبسج ودلعج ووووووووووو
عاد انتي فاهمة عليي :)

الله ايهديه لج غاليتي
وان شاء الله يترك التدخين ..
سلمتي ولك تحياتي ..

[شمريه]

بصرااااااحــه ..... مابقى لـي شيء أقوله ...
الإعضاء ماقصروا .....
والله يهــديــه إن شاء الله .

[نصف القمر]

شوفي مرت خالد انا كنت اعاني من نفس المشكلة هادي وحاولت بشتى الطرق اني احل المشكلة دون جدوى حتى انو احد اولادي اصيب بالربو وحتى هدا ما فاد
تعرفي كيف تركو
اتحدى مع واحد من اصحابو على من يقدر يتركو قبل الثاني وبالفعل تركو بكل بساطة
الله يهدي لي ولك
وتحياتي

[غيرالبشر]

السلام عليكم ورحمة الله وبركاته
بصرااااااحــه ..... مابقى لـي شيء أقوله ...
الإعضاء ماقصروا .....
مرت خالد ..اختي الغالية
ذكرية بالله اعطية كتب وموضيع اناالتد خين حرام ولا يشم ريحت الجنة
خلية لم يبي يدخن يكثر من الااستغفار وامن يذكر الدخان يقوم يصلي
حاولي معه لا تياسي ناس كثيرين جربو هذي الطريقة ونجحو
ننتظر الفرج منك و حبريني اذا حصلتي علي افادة
http://www.dm3t.com/uploads/114d5ce7c0.gif (http://www.dm3t.com)
اختكم غير البشر

[مرت خالد]

ياهلا فيك اخوي (لبيه يامنادي) تسلم على مرورك راح اجرب فكرتك انشالله باقرب وقت
ولك خالص دعواتي

[مرت خالد]

اهلين اخوي (سعود) وانا بعد سعيده باهتمامكم ووجودكم جنبي وراح ادعي لك من كل قلبي

[مرت خالد]

اهلين حبيبتي كويتية الهوى طبعا فاهمه عليك وانشالله راح احاول
مشكوره على طلتك الحلوه الله يوفقك ولك دعواتي الصادقه

[مرت خالد]

شمريه، نصف القمر،غير البشر.....
ياهلا فيكم كلكم مشكورين على مروركم الغالي وراح ادعيلكم من كل قلبي انشالله
وتحياتي

[هدوء]

جربي قولي له ابدخن مثلك...كذا او كذا انت تدخن وكااني ادخن وشوفي انفعاله قولي ماترضاها لي وترضاها لك حتى انا ماارضى وابدي تكلمي معاه بااقناع

[مرت خالد]

هلا فيك ياالغاليه رماح الصمت تسلمين حبيبتي على المرور يعطيك العافيه

[الزوج الحنون]

الحل بسيط يامرت خالد
مدام إنك تقولين إن زوجك مايرضى يدخن وأنتي وطفله موجودين
خلاص سوي نفسك إنك تأثرتي بريحة دخانه وإنك موقادرة تستحملين ريحة فمه!!!!
وياحبذا إنك تمثلين عليه دور المريضه وحاولي تسعلين بصوت عالي وحركات زي ذي ماتخفى عليكم إن كيدكن عظيم
جربي منتي خسرانه شي
أخيراً أكثري من الإستغفار والدعاء لزوجك

[ملك البسمه]

هلا اختى والله انا كنت ادخل وتركت الدخاااااااان بسبب شخص احبه وانتى وبنك اكيد زوجك يحبكم وبمعدين زوجك مايطلع من البيت وهاذاى ميزه حلوه وانتى تحاولين انك تفهمين زوجك فى مضار التدخين لك ولابنك ونفس الشى له هوو وحاولى انه يترك الدخاان وخاصه برمضان لان الواحد يجلس فتره كبيره مايدخن وزجن قليل يجلس برااااا يعنى مايشوف مدخنين ....والله يقدرك وتوقفى بجنب زوجك ويترك التدخين....ز وتقبلى مرورى

[Lost]

يا سيدتي العزيزة ان يترك الدخان لا بس انتي حكيتي اشي جوهري بموضوعك الا و هو انه بطلب منكم ترحوا غرفة النوم عشان يدخن ! اذا هو مرتاح ومش متغلب وانتو اللي متغلبين بدخانه ! اعكسي العمليه يعني اذا هو بدو يدخن خليه يروح مكان ثاني لانك بدك تشوفي التلفزيون ! يعني انه كل ما بدو يدخن خليه يروح مكان تاني يدخن وبهيك بصير يفكر انه كل سيجارة رح يتغلب ويقلق راحته عشان يروح يدخن ! وهيك رح يخف تدخين تدريجيا! وبعد فترة احكيله ان جارتك او قاريبك لما فاتو الدار سالو عن ريحة غريبة ومؤذيه بالبيت مثل ريحة دخان زمان زمان بالبيت وريحة الاثاث دخاو هيك بيستحي وبصير يخفف اكثر وكل ما يدخن سيجارة رشي ملطف جو وافتحي الشبايبك عشان الرائحة وحسسية انه هالسيجارة اللي دخنها غلبتك وغلبته و احكيلي النتائج بعد فترة بليز !

[حبيب بدور]

مرت خالد

معليش الاخوه ما قصرو

بس عشان تدعين لي

جيت اقول لك ادعي له دعوه صادقه من اللقلب وفي الثلث الاخير ان الله يعينه على نفسه والشيطان

وان يترك التدخين

لعل الله سبحانه يستجيب دعواتك ويخلصه من هذا السم

الله اسال ان يوفقك وتجاب دعوتك ويترك التدخين

وتدخلين الجنه من اوسع ابوابها

انا وانتي ووالدينا والمسلمين والمسلمات الاحياء منهم والاموات

امين

[الجريح123]

اختي العزيزه التدخين عاده وهي تعتبر ادمان ليس بالسهوله تركها ولكن تستطيعين مساعدته فقط بالتقليل حتي هو يتركه انقلي التلفاز اولا في مكان غير غرفة النوم وخليه ما يدخن في الغرفه فقط قولي دخن في غرفة التلفاز واذا دخلتي عليه ومعه سيقاره قولي ممكن تطفيها واعطيك احلى هديه طبعا حيرحب واذا اطفاها بوسيه بوسه من الاعماق على فكره الرجل زي الطفل يحب من يدلعه والتدخين من العادات النفسيه حاولي ما يفكر كثير فهذا يزيد من شهوة التدخين وابدليها بشهوه احلى وانتي قدها خاصه انك لسه شابه وما عندك الا طفل هذا ما عندي ولو فيه كلام كثير ممكن يساعد بس اعطي اخواني الاعضاء فرصه للمساعد وفي النهايه ستجدين الحل بأذن الله