يا جماعة وش الرأي ؟؟ [الأرشيف]

أهـــــــــم1

06-30-2007, 12:36 AM

بسم الله الرحمن الرحيم

السلام عليكم و رحمة الله و بركاته

بدخل في الموضوع على طول بدون مقدمات ...

بصراحة عندي مشكلة مقلقتني ..:confused:

أنا متزوج من زمان و عندي عيال و الحمد لله ... مشكلتي غريبة ...!! :(

أكبر عيالي 15 سنه و أصغرهم 5 سنوات
حملت زوجتي قبل شهر و من يوم حصل الحمل تغيرت حياتها صارت ما تطيق شئ
و دوم معصبه .. أحاول أهاديها ما تقبل ,,,صار البيت متوتر .. صرت أكره تواجدي بالبيت و السبب زوجتي .. مع أني في السابق كنت بيتوتي ما أطلع الا نادر
الحين دوم هاج من البيت الى أخر الليل ...!! :confused:

المشكلة الأهم و اللى هي صلب الموضوع زوجتي مانعتني و مانعه نفسها من الجنس تقول ما تطيق خلاص و تقولي أصبر الين تولد ....!!! :eek:
يعني 10شهور تبيني أصبر ... الظاهر توحمت علي ...و قعدت بها ...!!
خلال هالشهر حصل جماع مرتين و الله من غير نفس و لا متعة تذكر ....!!!

لا أحد يقول لي تزوج عليها ...!! :mad: الحمد لله مقتدر مادياً بس نفسياً ما عندي إستطاعة
و بعدين أنا أحبها :D و هي كذلك تحبني بس هالحمل هو اللى جاب العيد .. :(

وش رأيكم :confused:

بنتظر ردودكم

كويتية الهوى

06-30-2007, 12:54 AM

عجبنتي وربي غاليييييييييييييييييييييي اهم واحد ..:)
انا ماني من انصار ابد الزواج الثاني ومستحيل اقولك تزوج طبعا عليها نو وي .. :)
عالعموم غاليي اود قبل اي شي احييك وارحب فيك ويانا
واشكرك لعرض مشكلتك لنا ..
غالي وايدين حريم يتسنوون بريايليهم !
يعني طبيعي ان زوجتك تتوحم فيك وتكرهك مثلا لاسمح الله !
او تتضايق من اي شي ..
نفسيا هرموناتها تغيرت الحين حتى لو كان هذا الحمل غير القبليين
لان كل حمل يختلف من وقت وسن وزمن للزوجة !
فامر طبيعي يصدر منها هالتصرفات ووووو
وان ابتعدت عنها جنسيا تحمل غاليي .. هي ظروف ووقت معين
واذا انت ما تحملتها وقت ضيقتها وصعوبتها .. عيل منو بيكون
اقرب لها منك انت !
انت لو صار عليك ظرف او شي لا سمح الله اكيد زوجتك بتتحملك وتصبر عليك
لين تطلع من ازمتك او ضيقتك او ما شابه ..
معلش غاليي ان كانت اشهر معينة تتحملها فهذا تقديرا لك لها وهي
رح اتقدر هالشي عندها ولا رح تنساه لك ابد :)

وايدين حريم تنسو في ريايلهم وراحوا بيت اهلهم مدة الحمل كلها !!
فانت اشوى اشوية زوجتك ما زالت عندك ههههههههه يعني يالغالي
شي احسن من شي ..
ربي يسعدك وايخليها لك
والعذر لردي والاطالة ..

تقبل تحياتي واحترامي
وان سنح لي وقت لرد ثاني بمر وبكتب بعد :d

أهـــــــــم1

06-30-2007, 01:06 AM

هلا و غلا أختي كويتية الهوى

أسعدني جداً تواصلك الرائع مع الكل و تواجدك في كل المواضيع ..

بصراحة و الله ما أخفيك أنا مستحيل أفرط في أم عيال هذي عشرة عمر بس هالحمل
و التنسي خلاني أحس أن الأمور معاي مو زابطه .... و كنت أسمع عن مشاكل الوحم و التنسي و ما جربت بس الحين الله يعين ..
المشكلة أني كثير سفر للعمل و الواحد يجاهد نفسه و يصبر الين يرجع لعياله بس الحين
الصبر بيطول .. المهم أدعو لي ..ما ني عارف وش أقول و حاس ان النت و موقعكم هو المكان اللي يقدر الواحد يفضفض فيه نظراً لحساسية الموضوع ...

مكور أختي على تواجدك

كويتية الهوى

06-30-2007, 01:27 AM

يا هلا بالغالي اهم واحد ..
اشكر لثناءك وردك الراقي غاليي ..
واشكرك لردك المميز بحق منتدانا وهذي شهادة نعتز فيها وووسام
لنا من اعضاء ايحبونا ويلقون منتدانا محط راحتهم .. يسعدك ربي ..

وكنت بقولك شغلة غاليي لا تنساها ..

غاليي حاول انك تتقرب من زوجتك بطريقة رومنسية
حاول انك اتكون لطيف وايد معها حتى لو حسيت انها نافرة منك ولا تبيك ..
حاول انك اتطلعها مكان تتعشون تسهرون اتسوي جو لها حلو رومنسي
اي شي ايقربك منها لان النفسية تلعب دور بهلاشي ..
وصدقني ليلة من هذي الاجواء اكيد بتكون هي لك مثل ما تبي ;)
انت حاول مارح تندم ..
لان تغير الجو لزوجتك بالوقت هذا رح اياثر عليها وتنسى اي شي
مضايقها مثلا .. ويمكن تستحي من نفسها انها مقصرة مثلا بحقك الزوجي
رح تضغط على نفسها واتضحي مقابل اتكون لك ليلة من بد الليالي :)
انت فاهمني صح :)

يسعدك ربي وان شاءالله اتبشرني بالاخبار الحلوة
ان سنحت لي فرصة بكتب رد ثالث ههههههههههههههههه
شكلي ماني طالعة من هالموضوع هههههههههههههههه
يسعدك ربي اهم واحد ..

أهـــــــــم1

06-30-2007, 01:33 AM

أنا عاجز عن الشكر

و أن شاء الله بحاول في تغيير أسلوب التعامل مع الوضع خصوصاً ان هالأيام إجازة
بحاول أسافر معاها كوم يوم لوحدنا يمكن تتغير نفسيتها و أن شاء الله أبشرك بالخير
و بالعكس ترى تواجدك بالموضوع عطاه طعم خاص

الف شكر و الله يجزاك بالخير
أهــــــــــ 1 ــــــم

كويتية الهوى

06-30-2007, 01:41 AM

يسعدك ربي اهم ..
وايد وايد حلوة فكرتك انك اتسافر وياها
خوش فكرة وبجذي رح اتغير نفسيتها مسكينة
وصدقني زوجتك يبيلها مداري واحتضان اكثر من قبل
لان النساااة صعبة على كلامك اللي تفضلت فيه ..
وبقولك شي بعد غاليي ..
خلك طويل بال .. ولا اتعصب من اي شي عشان لا اتجف منك مرة ثانية
حاول التقرب منها واشوي اشوي رح ايخف النساة والوحم منها :)
وانت وشطارتك
الفرس من الفارس صح ام لا هههههههههههههههههه
يسعدك ربي غاليي
وان شالله النتائج مرجوة :)

تحياتي ..

اقول ارد بعد مرة او كافي هههههههههههههههههه
لالالا خلاص اترك لاحد عنده شي بيقوله وانت سيد العارفين :)

اسفرت ومنور حضورك ويانا ..

شمريه

06-30-2007, 02:37 AM

هلا ومرحبا فيك (( أهـم 1 ))
سعداء بتواجدك ..
والله يكون بعونك ويصبرك ......
وانا انصحك لاتضايق ام العيال .. لان هي بعد عليها ضغط من الحمل والوحم ..
وهذا شيء غصب .. مو بكيفها ..
وافضل انك تشغل وقتك .. وتحاول ماتفكر بالموضوع ..
وابعد نفسك عن الاشياء اللي تثير .. سواء بالتلفزيون ..الانترنت .. سوالف ...
حتى لايصير ضغط عليك وعليها .
والله يهونها عليكم .

لبيه يا منادي

06-30-2007, 05:03 PM

اهم 1

مشكلتك بسيطه جداً كله فترة وحم للزوجه وبترجع المياه للمجاريه اهم شي لا تفكر بالموضوع

ولك تحياتي .............

أهـــــــــم1

06-30-2007, 09:12 PM

كويتية الهوى
سرني جداً تواجدك و تواصلك معي
و الله لا يحرمنا هالتواصل المتميز

أهــــــ 1 ــــم

أهـــــــــم1

06-30-2007, 09:13 PM

حيا الله الشمرية

مشكورة و ما قصرتي على مرورك و مشكورة على دعواتك الله يحفظك

أهــــــ 1 ــــم

أهـــــــــم1

06-30-2007, 09:17 PM

هلا لبيه يا منادي

مشكور على مرورك و إبدأ رأيك ..

بس أقول الحين مين اللى يتوحم أنا و الا المره ...؟؟؟
تراك كاتب: اهم شي لا تفكري بالموضوع

أهــــــ 1 ــــــم = رجــــال

حـبـيـبـــ زوجي ـة

06-30-2007, 09:31 PM

غالينا اهم واحد عادي جدا الوضع هذا بس تطمن كلها كم شهر وتنتهي الحاله هذي

لان حسب مافهمت منك مو كل حملها تتوحم بطريقه هذي

هونها تهون يلغلااا وربنا يرزقكم كل خير يارب

أهـــــــــم1

07-02-2007, 12:00 AM

حـبـيـبـــ زوجي ـة

تسلمين على مرورك و دعوتك الصادقة

و الله يصبرنا المشوار طويل ..... 9 شهور

مشكورين

أهـــــــــم1

07-25-2007, 11:45 AM

بسم الله الرحمن الرحيم

السلام عليكم و رحمة الله و بركاتة

كيف حالكم ..... و الله مشتاقين ...!!

طبعاً انا رجع لنفس موضوعي السابق اللى طلبت فيه فزعتكم ...
أقسم بالله العظيم أن الموضوع زاد سوء .... ما عاد أنا طايق :mad: الوضع ,,, فيه شي غلط ..!! :confused:

الآن صار الوضع أنها تقول خايفه من أنه يصير شئ و يسبب لها مشاكل في الحمل ...!!:eek:
عندها كتاب وتقرأ فيه بأن الجماع في أشهر الحمل لأولى و الأخيرة خطير علشان كذا خايفه ...!!
لدرجة إنها هجرت غرفة النوم .. قسم بالله لها تقريباٌ 3 اسابيع ما نامت فيها ...!!
و الله أني حتى عند عيالي تفشلت ..خصوصاُ الكبار منهم حاسين أن فيه شئ بيننا !! و لو ما فيه شي ليش أمهم تنام مع البنت الصغيرة يمكن من بداية الإجازة..
يبدو لي و الله أعلم بأني سوف أكون أول من يدخل موسوعة غينيس للأرقام القياسية في أطول فترة نفاس :eek: من الحمل الى ما بعد الولادة ...

فقط اللى أنا ذكرته فضفضات و تنفيس عن ما في النفس ..(الإنفجار قريب..)

كويتية الهوى

07-25-2007, 02:12 PM

ههههههههههههههه حلوة احصائية غنيس ههههههههههههههه
هلا وغلا فيك مرة ومرات وكل المرات بعد هههههههههههه
احيك غاليي غاليي ويا هلا فيك وهذا البيت بيتك
ومتى ما تفضلت يالغلا حياااك ..
بالنسبة لمشكلتك غاليي .. بقولك شي ..
صدقني ان اكو حريم يقعدوون طول فترة الحمل عند اهلهم يتنسووون !!
يعني 9 تشهر .. عالاقل انت وياك زوجتك ويمكن لو باي وضع تقدر تنهي امرك
يعني حتى لو ما كانت الوضعية ايلاج بالفرج ... مادري فهمت عليي ام لا يالغلا :)
تقدر باي طريقة مع زوجتك عشان اهي خايفة تنهي شهوتك وترتاح
ماهي مشكلة غاليي عندك لانها فترة مؤقتة يعني فقط ( فترة الحماااال بس )
يعني كلها جمن شهر او ايام وتنتهي ..
غاليي ايقولون عندنا .. ماعرف اقول المثل هههههههههه ولكن اللي فهمته :)
ان المراة والزوج ايحملون بعضهم وقت المسرة ... ووقت المضرة لا !
اتمنى غاليي تتحمل امرك ولو باي شكل من الاشكال تنهي شهوتك مع زوجتك
بدون ايلاج لان زوجتك نساااتها الظاهر اطلعت فيك :) بعد شتسوي ..
وعلى حسب فهمي لمشكلتك ان الامر هذا اول مرة ايصير وياها .. ولا تنسى
يالغلا ان كل حمل يختلف عن الاخر ..
فارجو منك التحمل والروية .. وانفجاارك خله بيشي ثاني ههههههههههههههههه
اتغشمر وياك عشان اخفف من حددة المشكلة .. العذر منك ..

لي عودة ان شالله
ربي يفرجها عليك وعليها
تحياتي يالغلا ..

أهـــــــــم1

07-25-2007, 03:02 PM

بسم الله الرحمن الرحيم

هلا و غلا أختي كويتية ...كيف حالكم ..؟؟؟
و الله مشكورة أختي على وقفتك معي ودعواتك لي و تفاعلك الرائع اللى بصراحة يسعد الواحد .. و يشرح النفس
بس تصدقين بالله أني كل يوم أقول أنا وش اللى مصبرني على هالوضع ...!!
و تجيني أفكار و تخيلات ..و اللى يزيد الطين بله أني كثير أسافر و اللى أشوفه برا
يخلي الواحد بس يجاهد نفسه و يصد أبليس عنه ...
تصدقون بالله أني احاول الفت إنتباهها بكل شكل و بأي طريقة .هدايا طلعات .. كلام حلو
تخسرت مسجات جوال ,,,, يمكن باليوم الواحد 20 مسج و بعضها بالليل من غرفتي قبل ما نوم
أقول يمكن تحن علي بس ... مش بوزك .... لا تحاول ,,, و ما فيه شئ غصب ..
شكلي بصير أصوم اللين الله يفرجها ...
مشكورة أختى

كويتية الهوى

07-25-2007, 03:53 PM

:)
هلا فيك غاليي اهم 1 ..
صدقني لك الاجر والثوااب
واللي يتصبر بمثل جذي امور له الاجر والثواب عند رب العالمين
غاليي ..
انت ماشالله عليك واضح انك انسان مثقف وناضج وواعي
الله ايحفظك ويعطيك الصبر والهدااية ..
غاليي ..
زوجتك نسااتها فيك
معلش يالغلا اهي مدة وجيزة ورح تمضي والله ايكون بعونك
وثانيا انت لا تبتعد عنها ونام يمها بغرفة النوم
يمكن اتحن مثلا او اتلبيك بشي لو بالقليل لان الامر هذا غصب عنها
مو برضاها .. الوحاام شي مو باليد يالغالي .. يعني انت لو كرهت
شغلة تقدر اتحبها .. !! ما يصير ..
فارجوك تحمل وحاول انك اتكون معها لطيف وهون الامرعليك ..
وحاول انك اتلاطفها بحنية ولا تتذمر وتنفر من تصرفاتها
لان هالامور هذي مارح اتهمها دام هي وحامها فيك يعني لو تبعد سفر سنة عنها
الامر عادي ههههههههههههه صدقني مو غشمرة لان نساااتها فيك :)
الله ايكون بعونك
وتصبر ولك الاجر ان شاء الله ..

تحياتي

حـبـيـبـــ زوجي ـة

07-25-2007, 11:24 PM

الله يعينك

بس تدري لاتحااااول معاها ابداا واصبر

لان بعض الحريم تكره الجماع وريحة المني خلال الحمل والله تتقيئ فيك هههههه

اعذرني بس لازم احذرك

:cool:

أهـــــــــم1

07-28-2007, 02:31 AM

بسم الله الرحمن الرحيم

أختي الفاضلة كويتية الهوى
أشكر لكي إهتمامك بمعاناتي .. و أشكرك على دعواتك لي و إطرائك الجميل
و أن شاء الله تفرج .....

أهـــــــــم1

أهـــــــــم1

07-28-2007, 02:35 AM

بسم الله الرحمن الرحيم

الأخت الفاضلة حـبـيـبـــ زوجي ـة

مشكورة على مرورك و على النصيحة و أسعدني تواجدك و ردك على المشاركة

و الله يعيني عل العزوبية الإجبارية الين الله يفرجها ...
أقسم بالله صاير مثل الجيعان و قدامه الأكل و مو قادر يوصل له ....

أهـــــم1

شيخة البنات

08-01-2007, 05:55 AM

الله يعينك
مشكلتك عويصه
واشوف مهمتك مستحيله
بس رايي انك تكتب لها رساله يدك
وعكها وده
وبالنسبه لخوفها ودها دكتور وخلها تسمع انه الجماع وايضر
ومافي اي خوف
واااااااااو
الله يعينك من جد
واعجبني اهتمامك بزوجتك

أهـــــــــم1

08-06-2007, 06:17 PM

هلا بشيخة البنات

مشكورة على إهتمامك و الله العظيم أنك صدقتي مشكلتي عويصة ...
بس فكرة الدكتور ماش أحس أنها صعبة ,,,,!! وش أقولها ؟؟ نروح الدكتور علشان
يشرح لك أن العملية ما فيها ضرر؟؟ و الله أحس أنها صعبة وإحراج ...

بس على الله بتتيسر الأمور و طاري الرسايل يا كثر ما ارسلت لها حتى الهدايا جبت لها بس تقول لي أنها حاسه فيني بس نفسها مو متقبله يصير شي غير متهيأة نفسياً و تحس أنه بتجهض
شوفي كيف وصل فيها التفكير ....!!!

يعطيك العافية ...
(بس على فكرة أنا الآن بعيد عنها من أسبوع و باقي لي حوالي أسبوعين و ارجع .. يمكن تحن
أنا مسافر و محسسها أني مبسوط و داري أنها مقهورة .....)

اجمل النساء

08-06-2007, 08:31 PM

اخى الفاضل اولا الله يقومها بالف سلامه ثانيا ما تنسى ان هى ما هى اول مرة تحمل فيها يعنى المر صعب شوى عليها وطبيعى ان يصير هذا النفور منها فى شهور الحمل الاولى ومثل ما تفضلت وقلت خذها وسافر جيبلها زهور تعبرلها بيها انك اديش مشتاقلها سمعها بعض الموسيقى الهادئه جدا كرمال تريحها وتريح اعصابها من هالشد والتوتر الزائد اشتريلها بعض الهدايه والله انا بحسدها عليك ان شالله الله يهديلكم الامور وتراسلنا عن قريب وتقول ان كل شئ تمااااااااااااااااام تقبل تحياتى

أهـــــــــم1

08-07-2007, 01:02 AM

أجمل النساء

أشكرك على طلتك الجميلة و أشكرك على دعواتك

أهــــــــــــــم1

هدوء

08-07-2007, 09:59 PM

مساء الخير...

ان تصل متااخر افضل من ان لاتــــصل,,,

كوني قريت موضوعك بعد الكم الجميل من الردود..

جرب اذا رجعت بالسلامه من السفر ماتجيب لها طاري الرومانسيه والجنس ابدااااا ولا كاانه يذكر...

حتى و لمحت لك لاتبين بااي اهميه لو قلبك يتقطـــع...

يااخي اصبر ان الله مع الصابرين..حاول تنام قبلها..
اطلب منها ماتلبس اي لبس يشدك لها..

خلها تروح عند اهلها اعلب اليوم لاتخليها بحالها بالبيت لانها اذا جلست وصارت تشوف غرفتها بيجي في بالها انها حارمتك من نفسها وتزاد المسئله سؤ

خل تنسى شوي غرفة النوم.....

انت تقريبا صبرت شهر...
الشهر الثاني بيكون اسهل عليك والثالث ان شاء الله يجيك التصريح*_^
والرابع تتوحم فيك بدل ماتتنسى عليك تصير تبي قربك...

بس زي ماقلت لك..لاتحاول تثيرها حتى لو لو نفرض يعني انها طلبت منك

تغلى عليها وقول لها مو اليوم لانها احتمال تكون غاصبه نفسها عليك.....وماراح تريحك اجلها يومين زي الشهرين بعدين بااذن الله تنفرج عليكم

بس انتـــــــــــــــبه تحقد على الجنين الجديد اعرفكم انتو يا لرجال اللي يزعلكم تسوون عليه قصف....

والله يسعدكم ويهنييكم ويخليكم لبعض ياااااااااااااااااااااارب

أهـــــــــم1

08-09-2007, 12:51 AM

بسم الله الرحمن الرحيم
رماح الصمت
قرأت لكي الكثير من الردود و المشاركات و ها أنا أري بصمة توقيعك تنير مشاركتي
فأسمحي لي أن أتقدك لكي بالشكر الجزيل على المشاركة و الرد الجميل و المتميز

أهــــــــــــــم 1

وردة العشاق

08-10-2007, 01:49 AM

تعرف اهم 1

مدري يقولوا انو الحرمة لو كانت تحب زوجها كتير تتوحم عليه هههههههههههه مدري انا كدا سمعت

ومالك الا الصبر و ان شاء الله تفرج

وزي ما قالت كويتية الهوى ما قصرت و الله

حاول معاها بطرق رومانسية و خليك معاها حنون اكتر من اول اعتبرها طفلة صغيرة ضايعة في عالم تاني بسبب الوحم دا و تحتاج مساعدتك ..

و اكيد انتا ما حتقصر معاها

الله يهدي سيركم يا رب و يديم السعادة عليك و على اسرتك

تقبل مروري

ديمة

08-10-2007, 11:11 PM

عزيزي اهم واحد: شدعوة يا خوي اذا تحبها تحملها وانطر عشر شهور ايش المشكلة وبعدين يا اخوي دبر نفسك بامور ثانية ما يحتاج نعلمك زوجتك حلالك استمتع فيها بالطريقة اللي تحب
تحياتي لك والله يعينك على هالفترة الحرجة

أهـــــــــم1

08-12-2007, 12:46 PM

وردة العشاق
أشكرك على تواصلك و تواجدك و ردك على مشاركتي

و الف شكر على دعواتك

أهم1

أهـــــــــم1

08-12-2007, 12:50 PM

أختي سهام العنزي
مشكورة على مرورك الرائع
ومشكورة على النصيحة ((اذا تحبها تحملها وانطر عشر شهور ايش المشكلة :mad: ))

و بعدين بصراحة ما ذبحنا الأ دبر نفسك ... و الله قمة اللعوزة ....!!

أهم1

كويتية الهوى

08-12-2007, 03:32 PM

:)
هههههههههههههههههه
ضحكني ردك غاليي اهم
ما ذبحني غير دبر نفسك
ههههههههههههههههههههههههه
عاد انت حاول اتدبر نفسك
لووووووووووووووووووووووووووول
نفس الكلمة ههههههههههههههههههه
العذر يالغلا
ولكن ما قدرت احوش نفسي
بخفف اجواء حددة المشكلة :)
الله يفرجها يااااااااااااااا اهم
هانت يالغلا
هانت جمن شهر بس ;)

زوجه حلوه

08-12-2007, 03:44 PM

ههههههههههههههههههههه

الله يعينك على مابلاكم على كبر يعني شمعنى هالحمله هذي ههههههههههههههه

لاتزعل مني امزح معك

اسمحلي شفت موضوعك متاخر.............ضروري تتحمل ياخي علشان زوجتك يكفي اللي فيها من قرف الحمل والرائحه اللي تشمها لو حطيت احسن العطور...........اسال مجرب ولا تسال طبيب..............ساعدها تتخطى هذه المرحله ولايكون اكبر همك الجماع ..........وبعد الولاده وبعد رجوع لها صحتها بتعوضك عن اللي فات ..........

مع تحياتي

أهـــــــــم1

08-14-2007, 10:27 AM

بسم الله الرحمن الرحيم
هلا و غلا منورة أختي كويتية الهوى ... يعلم الله أني أسعد يوم أشوف مرورك و ردودك على المشاركات الله يعطيك الف عافية ...
بس بصراحة حلوة منكم ... دبر روحك !! ماش الدعوة واصله حدها متؤزمة الأمور ..
بس الحقيقة أقسم بالله إني بديت أتأقلم على الوضع من جد الوضع قاسي بس صرت أحاول أنسي يمكن أشوف ردة فعل عسكية لصبري ....!!(إن شاء الله خير ...))
و مشكورة أختي لإهتمامك بمشكلتي و دعواتك الدائمة ...
أهــــــــم1...(على فكرة ما عاد أنا أهــــــــم1 .... بغير أسمي صــابر10 ...هههه)

أهـــــــــم1

08-14-2007, 10:37 AM

بسم الله الرحمن الرحيم

شفتي شلون زوجه حلوة... !!! على قول أخوانا المصريين :
الناس بلوتها سبت و حد ...وأنا بلوتي ما وردتش على حـــد .....!!
شفتي شلون هالحمله طالعه غير .. بس و الله من جد المره مسكينة هي نفسها حاسه أن هالمرة حملها غير فيه شي مو طبيعي و أنا و الله صابر و الإسبوع الجاي عندها موعد مع الطبيبة و بتعمل لها UltraSound و تشوف كيف الوضع ... و الله يهون عليها

مشكورة أختي و الله يعطيك العافية .....أصبر 1

زوجه حلوه

08-14-2007, 01:37 PM

الله يهون عليكم اجمعين ....................هههههههههههه

أهـــــــــم1

08-15-2007, 01:00 AM

زوجه حلوه
و الله إنك صادقة : الله يهون علينا اجمعين ...........
الظاهر كلنا حوامل ..... المره حامل ...و الرجال ... حامل

أهــــــــــم 1

orbawi

08-15-2007, 02:17 PM

أهم 1 جاء اليوم التظهر فيه أن زوجتك أهم وحدة في حياتك لازم تقابل كل الأشياء السلبية التي ذكرتها بكل الحب والصبر كلها كم شهر وكل شيء يرجع لطبيعته
ـــــــــــــــــــ
أرتقي بنفسك لتخدم الآخرين

http://img423.imageshack.us/img423/8725/87010041410623ee.gif

زوجه حلوه

08-15-2007, 03:02 PM

واحنا اعضاء المنتدى شلنا همك...............

الى ان تولد زوجتك احنا معاك

قلب حقال

08-18-2007, 07:01 AM

اللـــــــــــــــــــــــه يعينك

زوجه حلوه

08-19-2007, 02:19 AM

اهلا وسهلا وايش اخبارك.......................

تحياتي

atawi5050

08-22-2007, 01:26 PM

هلا اخوي.....
تشكيلي وبكي ......... ابد نفس المعاناه (تجبر بالله)

فشفوشيه

08-22-2007, 09:06 PM

تحمل واحتسب الاجر
اختي كذا بس بعد ماولدت رجعت زي اول
وصارت تشكر زوجها وتقوله والله كنت ارحمك بس غصب عني

أهـــــــــم1

08-22-2007, 11:53 PM

orbawi
أشكرك على مرورك و ردك و بالفعل هي أهم وحده في حياتي بالتأكيد...

أهــــــــــــ(1)ــــــــــــم

أهـــــــــم1

08-22-2007, 11:55 PM

مشكوره أختي زوجه حلوه على تواجدك و مشاركتي همي ...بس الأمور ماش ...!!

أهــــــــ(1)ــــــــــم

أهـــــــــم1

08-23-2007, 12:00 AM

أحبيتي جميعاً ... كل من رد على هالمشاركة ..
أشكركم على دعواتكم و مشاركتكم همي و لو وجدانياً ....
و بدون تحديد أنتم أكثر من أخوة لي و أخوات ....شركتمواني همي و حسستوني بواقفتكم و دعواتكم لي.....

و الله يعوض علينا بخير .......
أخوكم أهـــــــــــ(1)ــــــــــم