ارجوكم .... ابغى ردووود سريعة

[نصف القمر]

مشكلتي زوجي مو قادرة اثق فيه كل شي عنده اسرار الجوال رقم سري في الكمبوتر رقم سري حتى حسابة في البنك مادري عنة وين رايح دائما يقول مو شغلك
المشكلة انو هدي الايام سار يجلس على الكمبيوتر بشكل مو طبيعي من يجي من العمل حتى ما بدل ملابس العمل ويفتح الهوت ميل بتاعو ويجلس على الكمبيوترلحد اخر الليل ولما اجلس جنبة يسكر كل شي
المشكلة الثانية امس جاتو مكالمة اخر الليل اتصدقون خرج من البيت في هدي الساعة ولما قلت وين رايح نفس الشي مو شغلك وغاب حوالي ساعة ونصف
وفي الصباح فتح جوالة مو في رقم سري وخلاه المهم اني فتحت جوالة وشفت رقم بدون اسم وقت الكالمة ساعة ونصف تقريبا
انا سالتو قلي انو الجوال كان مقفل وانو ماكان يتكلم في التلفون اصلا شفتو يعني كذب علي
انا خايفة يكون متعرف على وحدة خاصة انو معاملة معاي هادي الايام سيئة جدا
بنات ساعدوني مو عارفة اش اسوي
تحياتي لكم

[كويتية الهوى]

هدي بالج غاليتي
ان شاء الله خير غناتي ..
بحاول استجمع فكري واكتبلج رد غناتي
انتي اهدي وتصبري وافتحي القران الكريم وادعي لله عز وجل
لهدياة زوجك وهمن عشان تهدين غناتي ..
يمكن في شي .. ظروف للعمل او ما شابه ..
عالعموم لي عودة غاليتي ان شاء الله ..
تحياتي ..

[نصف القمر]

ارجوك غاليتي كويتية الهوى عن جد انا محتارة
وفكري يودي وجيب
والخوف والقلق راح يموتوني
لا واليوم نايم في غرفة لوحدة
ويقولي عادي
تحياتي حبيبتي ان اسفة على ازعاجك بس والله مو عارفة اشتكي لمن
ومشكوووووووووووة يالغالية

[لبيه يا منادي]

نصف القمر

صباح الخير ......... اهم شي هدي اعصابك ........ انشاء الله انها مشكله بسيطه وبنجد لها حل وما راح نبخل عليك بشي من راي او نصيحه ...... اتمني تجاوبين على اسئلتي .. التاليه

متى زوجك تغيرررررررررر عليك كم صار له وهو على هذه االحاله وكيف طريقة تعامله معك . .......

اتمني تردين علشان نقدر نساعدك بقدر المستطااااااع .......


ولك تحياتي .............

[غيرالبشر]

السلام عليكم ورحمة الله وبركاته

http://www.dm3t.com/uploads/97ccdf4e6e.gif (http://www.dm3t.com)
دايم حبيبتى
واكثيري دايم من

http://www.dm3t.com/uploads/c83419922b.gif (http://www.dm3t.com)
وانشالله الله يذهب عنك الشكوك ولا تخلى الشيطان يغلب عليك حبيبتى
الله يوفقك يارب
اختكم غير البشر

[نصف القمر]

مشكور لبيه على تفاعلك
انا مو عارفة اش اقول بس هو انسان زكي يخبي ويدس بطريقة صعب افضحة فيه بس انا احساسي دائما يكون صح
قبل خمس سنين قلي انا رايحة دورة في الرياض وبعد كدا عرفت انو سافر مصر من جواز السفر
وبعد كدا صار مسحيل اثق فيه واظن هدا من حقي
اما عن طريقة معاملة لي فهي جافة جدا يعني مافي حبيبتي او اي شي اي شي
حتى وقت العلاقة مافي مداعبات صدقوني يعني على طول يبدا حتى احيانا والله ما اكدب يخلص وانا مو حاسة فية
معاملة هادي الايام غريبة شوي لا قلت بروح بيت اهلي احسو يفرح لا ويبغاني اطلع كل يوم
وصار ينام لوحدة ويسبنس ويشتمني لاقل الاسباب واتفهها
وهادي المعاملة بدات من اقل من شهر تقريبا

[نصف القمر]

مشكووووورة غير البشر راح اسوي الي قلت عليه
انا احس نفسي زي الغريق المتعلق بقشة

[كويتية الهوى]

هلا بالغالية نصف القمر ..
ابصراحة وربي يشهد انج اشغلتي فكري وابي اسوي اي شي لج عشان ترتاحين يالغالية ..
لاني حاسة وشاعرة فيج .. ادري ان المراة تتاثر وتنصدم بزوجها ان حست
مجرد احساس انه متعرف على غيرها او ايحاجي غيرها .. !
غاليتي بقولج شي ..
حاولي انك تجذبيه صوبج بطريقة غير مباشرة
وحاولي تشغليه فيج بمعنى .. حاولي ان انك اتسوين شغلات بطرق
غير مباشرة مثلا اذا رن موبايلك حاولي انك تركضي واتروحين غرفة
بروحج واتسوين نفسج تتكلمين بروحك بالموبايل عذان ايحس ان عندك
شي مخبيته عليه .. اهني رح يتوتر وايفكر شنو فيج وليش قمتي تتصرفين
بالخفية ووووو ..

عشان في الطبيعة يالغالية .. ايقولون اذا حبيت انك تبعدي شخص عن
شيئ اوجديلة البديل ...هذي نقطة وايد مهمة ؟؟!!

وان جى يسالج منو اتكلمين قولي امي او اختي اللي كان يعني ايكلمج
وان قالج ليش رحتي الغرفة الثانية ما تكلمتي اهني قوليله ابد ما حبيت
ازعجك !! اهني رح ايشك بالامر وايفكر فيج .. ليش تغيرتي ووووو
يعني رح ينشغل فيج .. !

وفي شغلة بعد .. حاولي اتغيري من نفسج روحي صالون سوي شعرج
غيري من نفسج .. دوم حطي مكياج بالبيت .. بسبب وبدون سبب ..
ودوم لبس وكشخي بالبيت ولا اتحاولي اتبين له شنو سب تغيريج او
ليش انتي تغيرتي فجاءة .. واي سؤال منه لك .. قولي والله بشوف نفسي
بعدني صغيرة .. ليش ماني حلوة اسوي جذي او ماني كفو اني اسوي هالحركات
ووووو يعني حاولي تتدلعي بكلامك وانتي مسوية نفسج ما عندك اي خبر ..

اهني زوجك رح يبدا ايشك بالامر حتى لو سوا نفسه ماهو مهتم ولكن
عقب افكارج هذي كلها رح دوم ايشوف شنو اتسوين او بشنو اتفكرين
ولبسي دووم وتكشخي ..

واذا قالج بنام بالغرفة الثانية قوليلي اي افضل بعد غاليي .. انت تاخذ راحتك
وانا اخذ راحتي .. حاولي تستفزيه بطريق غير مباشر .. عشان ايحس انك
انشغلتي عنه مثل ما هو مشغول عنج ولا مهتم فيج ..


خليه ايغار عليج بطريق غير مباشر .. يعني انتي تحنكي وكوني ذكية بتصرفاتج
ولا تساليه ليش نايم اهني او اهناك او ليش رحت او طلعت .. تعاليله بالعكس
خليك لا مبالية وانتي سوي شغلج كله باهتمام بنفسج وكان ( المعنى عندج
شخص ثاني لا سمح الله ) وهمي نفسج اوكي غناتي ..
عشان ايغار عليج والامر يشغله فيج ..

لان اي شخص بنفسه شي ايظن الناس كلها مثله ..
فاهمة عليي يالغالية صح :)

وبعد هذا كله وليمن اتسحين انه بدا يتقرب منج .. حاولي مع الوقت انك
تتكلمي عن معاه بطريق غير مباشر عن صديقة لج زوجها سوا
جذي جذي يعن يتسردين قصتج له ولكن القول عن صديقتج ..
وان زوجته تبي حب وعاطفة وووو .. والمصيبة ان صديقتك تبي اتشوف
نفسها وتبي انسان ايحس فيها وتتعرف عليه .. وان تذمر زوجك من القصة
وحاول منعك عن هذي الصديقة الوهمية هههههههههه ( ;) )
قوليله هذي صديقةاختي انا شعلي بس سالفة واقولها لك نبي انسولف
ويا بعض حبيبي .,.. انت سوي جذي وكان ولا شي ببالج :)

لان يالغالية ما يصير اتروحين اتواجهينه وتكسرين حاجز الصمت اللي
هو مسويه جدامج .. اللي زوجك مسويه بانه ما عنده وحدة ثانية ولا هالسوالف ..
وووووووووو فهمتي عليي .. لان مانبي نظلمه ولا ايكون لزوجك وحدة ثانية ..
او اي شي .. ولكن انتي سوي الشغلات هذي ..
اولا رح تكسبيه صوبج ومنها تتاكدين بانه بدا يهتم فيج وما عنده غيرك ..؟
فخلي شخصيتك اقوى من انك تواجهيه .. لان الرجال مايحبوا نه تتأتي
المرأه وتتأمره او انها تصلح افعاله بطريق المواجهة وووو ..

او حل اخر يالغالية ..

انك تشوفي شخص تثق فيه من صوب اهله .. وتخليه ينصحة
بالابتعاد عن هذى المواضيع وووووو


اتمنى اني افدت يالغالية
وان شاء الله بيكون لي عودة ثانية للرد ..

[كويتية الهوى]

كلمة اخيرة غاليتي ..
اي مشكلة يالغالية تحتاج الى شيئ من الحكمة والتروي والصبر وطول النفس..
فاجرو منك انك تتحملين اشوية وابتعدي عن اي شي اينرفزك حتى لو كانت تصرفاته
جدامك تقهرك يالغالية .. فهمتي عليي .. كل ما ضاق صدرج فتحي القران الكريم
واقري لين ترتاحين ويهدا سر بالج وادعي دوم بهداية زوجك لك ويبعد عنه ناس
السوء وبنات الحرام !!
وحاولي غناتي ..
أن تكوني قريبة من زوجك . بطريق غير مباشر عشان لا يتذمر منج وماايصدق
تبعدين عنه ..
إفهمي نفسيته وعيشي همومه وأغمريه بحبك وحنانك كوني له كما يريد وكما يحب ..
ودوم إعرفي شنهي نقاط ضعفه .. وحاولي توصيل أفكارك من خلالها ..
إستغلي أنوثتك بحيث تكونين أكثر إغراء وإثاره .. وربي ان سويتي هالشغلات صدقيني
رح يتغير .. حاولي انج دوم ابتسامتج على وجهك ..تمتعي بخفة الدم وروح المرح
والدعابه.. إبتعدي عن العصبية والنرفزة والعناد وتهويل الأمور وتضخيمها...
وحاولي دوم اتكوني دلوعة بكل تصرفاتج .. معلش يالغالية اضغطي على نفسج
وحاولي عشان تكسبي بيتج وامورج ..

ربي ايهون الامر عليج
ويفرجها عليج يالغالية


تحياتي ..

[نصف القمر]

باربي يحفظك ويقضي حاجتك عن جد انا كنت محتاجة لهادي الكلمات
بس اسمعي
انا اظن اني تهورت اخدت الرقم الي في جوالة وتصلت عل
هي كانت امراة
انا كلمتها بكل هدؤ على اني صديقة الزوجة فهمتي علي
وقلت لها ان لازم تبتعد عن هدا الرجل لان متزوج وعنده اولاد
انكرت الموضوع وقالت ان ما في بيني وبينو شي سوا علاقة عمل
انا طلبت منها ان يكون الموضوع بيني وبينها اي ماتروح تقلة اني كلمتها
بس انا مرة خايفة تقلة وتصير مشكلة كبيرة انا في غنا عنها
كيف اتفادى هدا الموضوع
تحياتي لك يالغالية وربي ما يحرمني منك

[مجنون بس حنون]

ابحثي عن اصــــــــــل المشكله و لماذا زوجك يعمل كذا

اكيد انتِ مقصره كثير في حقك اولاً و في حق زوجك

اهتمي بنفسك و بزوجك قبل لا يتزوج عليك .. حاولي من تغير مظهرك

اهتمي بكشختك حاولي التجديد دايماً لا تكوني على شكل واحد

الزوج يمل يعني كل يوم في العمل شايف شكل و في البيت شكل واحد ما يتغيير

اكيد رايح يغير هو .

وشكراً

[كويتية الهوى]

الله هداج نصف القمر !!
ليش تسرعتي ودقيتي عليها ااا !
عالعموم ما نبي انقول ليش وليش خلاص الامر انتهى الحين ..
وشوفي ان صار وواجهك وقالج زوجك انتي اللي داقة على فلانة وووو
انتي نكري الامر وخليها تطلع هي الكاذبة لانها رح اتقوله زوجتك بان
دقت عليي وكذا وكذا صار ووووو ..
عاد انتي نكري هالشي ... وانا ادري وكلي ثقة بان زوجك ما رح ايقولك
عن الامر شي لانه ما يبي يفتح علة نفسه باب او ثغرة اتشكي فيه
لانه دوم مسوي حساب لج ولا راضي ايقولج عن سوالفه !!
هذي الخطوة من صالج غاليتي .. لانه مسوي حساب لج ..

عالعموم انتي من الحين ضبطي امورج وكشخي ولبسي وحاولي انج تتقربين منه
ولا اتقثيه بالاسئلة الوايدة وين كنت ؟ وليش نمت اهني .؟ او ووووووووووووو
لالالالالالالالالالالالا
كل هذا تركيه عنج وابدئي بنفسج بالتغير اوكي :)
حاولي انج تتغيرين مية وثمانين درجة
واتكوني منتي انتي ..
تدلعي وتمكيجي وخليج باحلى صورة
وحاولي انك دوم اتسولفي وياه عن اي شي ايضايقه او ما شابه
وان الدنيا ما تسوى واللي بيبقاله هو انتي وعياله
وووووووووووووو
جذي يعني دوم اهتمي فيه وبنفسج وصدقيني رح يرجعليج يالغالية
قلبي حاسسني :)
وللحين زوجك مسوي حساب لج دامه للحين ملتزم الصمت عن تصرفج
باتصالج مع رفيجته وووو
خلاص نبي نتامل بباجر وما نبي اي شي ايضايقنا
وتصبري وتحملي ودوم ادعي الله عز وجل ان يهديه عليج وايقر علينج فيه ان شاء الله
:)
تحياتي يالغالية ..

[نصف القمر]

مشكورة حبيبتي
انت قدمتي لي خدمة عمري ماراح انساها لك
مع انو مافي بيني وبينك اي علاقة لكن انسانيتك عالية ونادرة في هالزمن
بس في شغلة
رقمها في مفتاح منطقة لما سئلت طلع من الامارات
وهو دحين يقولي انو عنده دورة في دبي
مادري يكذب علي
اعتقد لازم اتكلم معاه قبل ما يفوت الفوت
تعبتك معاي يالغالية

[الزوج الحنون]

هذي أول مشاركة لي فهالمنتدى
أنصحك أختي بجلسة مصارحة مع زوجك وانتقي الوقت المناسب وذكريه كيف كنتم في بداية زواجكم
وحسسيه بإنك تقفين بجانبه وشاركيه إهتماماته ودعيه يتكلم بما يشاء ولاتقاطعيه وبيني له إهتمامك بمايقول
وأكثري من الدعاء له
وختاماً أرجو لك حياة سعيدة

[كويتية الهوى]

هلا بالغالية نصف القمر ..
من بعد اذنك احيي العضو زوج حنون لما تفضل به من رد راقي وجميل
وحياك الله ويانا يالغلا ..
اسعدنا انضمامك معانا ..

نرجع ..
غاليتي نصف القمر ..
ماهي مشكلة اذا عنده دورة بدبي او غير دبي
دام هذي المراة موظفه وياه او لها علاقة بعمله ..
واكيد هذي انسانة متحررة دام انها تنتقل من مكان لمكان مثل زوجك تمام
يعني .. اكيد زوجك مارح ايفكر بيوم يتزوجها وان حاول ان ايسوي علاقة
معها اذن العيب عليها اهي اللي راضية ومتقبلة علاقة بالحرام وهي ماهي
انسانة سوية !!

انتي عليج كما تفضلوا الجميع انج تهتمي فيه اكثر واتغيري من نفسج دون الاسئلة
الوايدة عليه ولا اتثقلي عليه وتضغطين عليه وبالحاح الكلمات الاتية ..
ليش .. ومتى .. واشلون .. وووووو فهمتي عليي ..
دوم حسسيه بانك تدعيليه بالتوفيق وانك خايفة عليه لانك اتحبيه وهو ابو اعيالج
ووليك .. دوم حسسيه بانه هو كل حياتك وووو يعني شغلات وايدة غاليتي ..

وصدقيني الرجل اللي عنده بيت وزوجته ماهي مقصرة وياه واتسوي كل شي له
تتكشخ وتلبس له واتكون دوم على اكمل وجه .. صدقيني لو لف الدنيا كلها
وشاف بنات العالم كلها .. وحاول اي ايسوي علاقة وياهم .. لن ولن ولن واصر على
كلمة ولن .. اتكون له بيوم من الايام زوجة ثانية او بيت ثاني ... !!!!!!!!!!!!!!!!!!!!!
هذي حطيها ببالج دوم .. مستحيل زوجك ايفكر يتزوج وحدة كانت له علاقة بالحرام ..
هو ايفكر بان اللي بتكون جذي اكيد بتكون مع غيره وغيره جذي ..
وان ونس نسفه بيوم بعلاقة هاتفية معاها او تقرب لها مثلا ..
صدقيني بيجي يوم ورح يندم عللي سواه .. وانتي دوم قربي صوبك
تحملي واضغطي على نفسج معلش بعد عمري .. ادري ان الامور هذي صعبة عليج
ولكن انتي عندج بيت .. لا اتخربيه لاجل وحدة من اللي بالي بالك !

لا تشغلي بالج بان زوجك رج يتزوجها خلاص .. استبعدي الفكرة هذي
وانتي عليج اتسوي كل الامور اللي قتلج عنها اوكي :)

ولمن ايسافر وايرجع عاد انتي هيئي ليلة من بد الليالي له واكو وايد مواضيع
بالمنتدى عن افكار وحركات تقدرين اتسوينها لاجل تكسبين زوجك صوبك :)

نصف القمر ..
ادعي وايد ايهدي زوجك لك واتكوني قريرة عينه دوم .. ادعي غناتي
وان شاء الله بتبشريني عنج بالاخبار الحلوة ..


تحياتي يالغلا ..

[نصف القمر]

مشكورة مشكورة مشكورة







ربي وحدة يعلم قديش اعاني
وربي وحدة يعلم حجم الخدمة الي قدمتيها لي
انت صدقيني انسانة وانسانة بمعنى الكلمة
وتعبك راح تلقية في ميزان حسناتك
وماراح افوت كلمة وحدة راح اطبق كلماتك بحذافيرها
ويارب يارب
ابشرك بالخير
تحياتي لك من كل قلبي

[لبيه يا منادي]

نصف القمر

ما يحتاج ارد وازيد كويتية الهوى ما قصرت


لكن بشرني وشلون صارت الامور الان


ولكن المصارحه مهم ......... لازم تجلسين معه جلست مصارحه

بس اليوم شكل عندك علوم زينه بشرينا .....

ولك تحياتي ...........

[شمريه]

الصبر
ثم
الصبر
ثم
الصبر
واهتمي بكل حرف كتبته كويتيه .

[شيخة البنات]

الله يعينك نصف القمر
زوجك هذا ماحس بالنعمه اللي هو فيها نعمة الحلال الله يهديه
انتي سوي زي ماقالت كويتيه
يالبى قلبها ماخلت شي نقوله
وخبرينا بالتطورات
انا متابعه معاك