صفه تعجبني في البنت والغير يراها عيب ادخلوا وشاركوني

[الأنيق]

بسم الله الرحمن الرحيم

هالصفه ينظرلها الكل انها مو حلوه وبما اني مؤمن بأن كل شخص له وجهة نظر فأنا أراها صفه من صفات الأنوثه ....

أتمنى انكم تبدون رايكم معاي وأنا مبدئياًَ متقبل وجهات النظر جميعا سواء كانت الصالحي أو ضدي .....

إتفقنا ...

بقولكم هالصفه ....

نسميها بالعاميه البنت الفاهيه والصفه هي الفهاه أحب هالصفه بجنون واعتبرها صفه من صفات الأنوثه بقولكم ليش؟؟

فرقوا بين الغباء والفهاه

الغباء واضح للكل ولكن الفهاه ممكن يكون برود أو لحظه تكون البنت سرحانه

مثلا لو طلبت من زوجتك شي مثل قلتلها يافلانه أبي ماء شوف ردة فعلها لما تقولك هاه هذي هي الفهاه بلحظة نطقها بكلمة (هاه) أموت بهالميزه بجنون

أدري بتقولون خبل أو مو صاحي بس وربي أحب هالصفه وبالنسبه لي اعتبرها علامه من علامات الأنوثه أو الرقه أو اللطافه أو بساطة الأنثى نفسها .

اشرايكم؟؟

أدري بتسطروني بس تمونون ههههههههه

أتمنى تردون وتشاركوني حتى لو كانت ردودكم سلبيه

ومشكورين وآسف على الإطاله .

اخوكم / الأنيق

[سعود]

إسم على مسمى
بالنسبة لي لا يعجبني
ماكتبته
ممكن أحب الغنج والدلع
وبحدود (( الشىء لو زاد عن حده ينقلب ضده))
وهذه وجهة نظرك وأقدرها
وأتمنى أن ترزق بفتاة تتقنها كما تحـــب
وأخيرآ تقبل تحياتي

[لمى]

مساء الخير على الجميع ..

سبحان الله .. الناس أذوق .. فهاوه مره وحده .. سبحان الله

أخي الكريم راح أتكلم من اللي شفته .. وأنت الحكم ..

أول مثال .. زوجي .. يقول تعجبيني لمن تكونين لماحه .. وأحسن شئ في المرأه لمن يفكر زوجها بشئ على طول تفهم له من غير مايطلب .. وميب زينه أني أطلب منها الشئ مباشره حلو أنها تفهم التلميح ..
هذا نموذج .. عايشته ..

أختي ويا زوجه .. مثال آخر ..
مفهيه على قولتك .. وعلى نياته .. ودايم هي وزوجه .. بمشاكل .. مع أنها أكبر مني وحياته الزوجيه أطول مني ومع ذالك تشكي الحال تقول للحين مافهمته .. يبيني أقرأ أفكاره وش أسوي .. شفت وشلون المعاناة ..

يعني بصريح العباره أول مره أشوف إنسان زيك .. والناس أجناس :)

وأعتذر على بساطة الرد ..

أرق التحايا ..

[البدر2040]

مساء الخير
واجد المفهيات على قولك بس الصراحة لا أتوقع أنها صفة أو ميزة حلوة للزوجة قل دلوعة قل قل قل قل قل بس هالصفة أتوقع محد يتمناها والله يرزقك بوحدة مفهية
لك مودتي

[الأنيق]

سعود لمى بدر تحياتي لكم وسعيد بردووودكم من جد أفرحتوني بصراحتكم بالرد تحياتي لكم وأتمنى تفهمون اللي أبيه فرقوا بين غبيه ومفهيه اكيد ودي أبيها تكون حلوه دلوعه أنيقه القصد اللي أبي أوصله إن مع هالصفات صفة الفهاه أتمنى تركزون وترسمونها بعقولكم انسانه ذكيه وانيقه وحلوه ودلوعه مع نسبة فهاه وبالنسبه لك أخت لمى وعن اختك وزوجها أنتي قلتي مشاكل ومو متفاهمين فماأتوقع ان هالشي له علاقه باللي أقوله أنا أقصد صفه من ضمن صفات جميله وبلحظه تكون عندما أطلب شي منها وتكون بلحظه وهي عباره عن ثوان أتمنى انكم فهمتوا مقصدي وتحياتي لكم

[لبيه يا منادي]

الانيق

دائماً متميز بطررررررررررررررررحك الرائع مثل تواجدك الاروع ........

ولك تحياتي ...........

[كتكـــــــــــــوته]

انا زوجى دايم مفهي عند المباره ومع مرور الزمن تطور الوضع وطلعت عاده الله يرزقك وحده مثل زوجي بس بهذي الصفه بس

[شيخة البنات]

صراحه شي غريب
بس كل شخص وكيفه شنو يحب
انا بالنسبه لي احب صفة الدلع بالرجل
يعني لما يجي يكلم الصغار ويقلد كلامهم اويتكلم مثلهم اموووووووت بالحركه هاذي

[كويتية الهوى]

اشكرك غاليي كاتب الموضوع
ولك تحياتي
مررت من هنا ..

[غرور]

هااااه
<<<< فهت خخخخخخخخ
الانيق ماعليك انا فاهمتك خخخخخخ
صفه غريبه صح بس بتميزك ؟؟؟
انا ادووخ اذا الرجل يكلمني وهو يتنهد !!!!!!!

يعطيك العافيه على الطرح المميز

مرت من هنـــــــــــــــــــاا

غــــــــــــــــــــــــــــــــروور

[شمريه]

الانــيــق ... إســم رايـــق حــيــل .....
لكـن ذووووووووقـك غــريــــب ......
وبصراحــه من قـرأت طـلبـك .... وأنا أضحــك ......
أنــت تبي وحـده تفـهــي لحـظـات ... بس مو كل شيء يـجـي على الكــيـف ....
المفهــيــه .... تكون بـ كل وقـت ....... تـعـل الـقـلـب .....
والله يـرزقــك ..... و ..... يعــيـنـــك .

[حبيب بدور]

وللناس في ما يشتهون مذاهب

يسلمو اخي

ودمت بود

يا انيق

[جذاب ومالي أحباب]

أحيانا تعجبني.....

[النظره الحانيه]

إن شاء الله ربي يرزقك في بنت مفهيه مثلك (((هـــآه)))

[اخر الكلام]

هههههههههههههههههههههههههه
والله اني مت ضحك على كلامك
سبحان الله الناس اذوااق
بس المفهي مفهي طول الخط والصاحي صاحي طول الخط مافي شي يجي على الكيف
الله يرزقك بالي تتمناه

[القلب الجريح]

أنا معك أخوي 100%

الصراحة دخت وأنا أتخيل هههههههههههههههه

الله يرزقك وحده تقول هاه ومع ذلك تكون ذكيه

[هدوء]

تدري محسوبتك تفهي بس بمزاجها اذا بغت تجذب شخص او تبي ريموت التلفزيون************>ياكثرها تقووول هااااه************>وبعد التهزئ اللي يجيها تاخذ اللي تبي وهي تضحك....

بس والله تراها حررررركه تفهي بس بحدود وبااوقات محدده مو عند اهلك واخوانك تقول لها جيبي كذا وتقول لك هااااااااااه....

لك مودتي

[اسمهان]

اقول انيق بعد النظر في اوراقك حكمنا بما هو ات ههههههههههههه انك منت سهل هههههههههه يعني تحب ها المقطع من الانثي لانها تكون في قمه بساطتها وبدون اسطناع ادري بتقول اني الوحيدة الي فهمتك هههههههههههه غرور ذبحني المهم الله يرزقك بوحدة ما وراه الا هاة ههههههههههه

[النظرة الخجولة]

انا اللي فهمته اخوي الانيق
انك تحب شكل الفم لمن تكون الوحدة مفهيه بدلع مو جد
يعني مو تكون شخصيتها غبيه لا
اتمنى تتوفق في زواجك

[طفله]

كلامك صحيح اخوي الانيق و
لانك انيق تحب كلمه هاه وانا مثلك تعجبني وبقوة بعد:)

[أحلى نوارة]

لكل إنسان ذوق وبصراحة وبكل صراحة زوجي يموت يموت يمووووووووووووووووووووت بهالكلمة الحين صرتو إثنين

[ابوجود]

بصراحه انا اموت في الدلع والغنج
لكن المفهيه مودايم تجذبني
وتسلم اخوي الانيق على موضوعك

[نوف بنت نايف]

واضح قصدك يالأنيق


يعني قصدك لما تطلب منها بلحظة أي شيء تكون مسرحة أو تفكر بشيء

وتقولك هاه ....


عرفت السالفة الحين



الله يرزقك ان شاء الله

[فراشة فرح]

بصراحة انا معاك
احيان الوحدة فينا تستغل الحظة هذي عشان تلفت انتباه زوجها وتستخدمها للدلع
على قولك في ناس تحسبها غباء
يعطيك العافية

[شموخ نجد]

واخيرا" لقيت احد على ذوقي تصدق عاد يالانيق تعجبني الصفه في الرجل بس موبكل الاحوال

[mdd]

صفه امقتها جدااااااااا ولكن لعيونك راح اصير احبها :) وانا خوك.

[فنون]

لله في خلقه شؤون
وبعدين الناس اذواق

[سنافيرو]

شكرا على الوضوووووووع الحلو وللاسف الردود رفعت ضغطي انا انسااااانه فااااااهيه مره ولكل شاهد على وخطيبي الحمد لله يحب المفهيا الي زيي بس للاسف احيانا اقط كلام غبي جدا
ويعطيك الف عافيه على مدح الفاهيه من زمان محد مدحم

[لولو الصغيرة]

احب الحرمة المتفتحة بكل شي الذكية
تعرف كيف تلبس لزوجها تعرف كيف تهي الجو الهادي
الحلوة
جميلة القوام

[نوايا قلب]

كل بضاعه لها شراي يعني فيه احد مايبي ولايطيق الحرمه المفهيه وفيه ناس تموت فيها ببشر وحده اعرفها قمه بالفهاوه الله يرزقك مثلها فاقعه قلبي بفهاوتها عموما الله يرزقك ماتتمنى

[adlat]

(( ما يلفظ من قول إلا لديه رقيب عتيد )).
والله أول ما نويت أرد على مقالك حتى شفت الآية السابقة ..فحبيت اني ابدأ كلامي بها.
يا أخي مفهية....والله حرام عليك ....
أنا ما استوعبت كلامك انت بتمزح..ولا بتتكلم جد.
الحمدلله انه لا أنا ولا زوجي مفهيين ولا كان انتحرت.
الله يعينك على ذوقك. ...ويعطيك مرادك....ويلبي رغبتك......
أكثر من هذا ما فيّ أقولك..

[adlat]

يا أخي أنا رجعت لك مرة ثانية.
ما قدرت أفارق الموضوع.
بس مفهية....هذه مشكلة عويصة..أولاً هذه ما هي صفة عيب في البنت بتاتاً......لكنها مشكلة بحد ذاتها..لربما نفسية و بتحتاج مراجعة طبيب...يمكن ...ويمكن انها حالة هبل...
أنا آسف...أنا ما بستخف في كلامك ...على الإطلاق فأنت لك الحرية المطلقة لأن تعبر عن آرائك ولكن موضوع مفهية...هذا موضوع مستفز ...
أنا ما بقدر أشوف زوجي بحالة فهاه كما تقول أمام ضيف أو أمام قريب وخاصة إذا كان ذاك الضيف من النوع اللي غير مفهي ولا بيحب المفهيين.
وشكراً لك كثير على تقبلك لرأيي إذا كان تقبلته.

[السنـــــدان]

بصراحة اخوي الانيق ان هذه الصفة حلوة مرة على البنت

بس انك عاجبني لانك اول واحد يعلن انه يحب هذه الصفة في

البنت.

لاني من زمان احب البنت المفهية بس ما توقعت اني في يوم

اقول لاحد هالكلام عشان الناس ما تلومني .

بس تعجبني جراءتك وعفويتك في نفس الوقت في طرح الموضوع

وانا من المؤيدين لك في هذه الصفة الرائعة.

والله لايحرمنا من مواضيعك المميزة

[الفيصل]

إسم على مسمى
بالنسبة لي لا يعجبني
ماكتبته
ممكن أحب الغنج والدلع
وبحدود (( الشىء لو زاد عن حده ينقلب ضده))
وهذه وجهة نظرك وأقدرها
وأتمنى أن ترزق بفتاة تتقنها كما تحـــب
وأخيرآ تقبل تحياتي

معاك يا سعود

[مرت خالد]

اخوي اذا ودك زوجتك تكون مفهيه
بتفهي في كل الامور **وبتتعب معها
احااااااول استوعب
بس زي ماقلت غالينا كل واحد وله وجهة نظره,

[اهداب المحبة]

بالله اعطوني امثلة للتطبيق خلوني أجرب كيف تطلع و أدلع شوي ،عمري ما فكرت في هذه الصفة حتى نادراً ما أشوفها أو ما حطيتها في بالي رغم انه وحده تقرب لي اذا كلمتها قالت هاه تعمل نفسها سرحانة وهي والله معاي على خط والله مو معقول الواحد بيعيد عليها الكلام مرتين لانها مو غبية ،هل هذا هو المقصود بهذه الصفة ...

[«فِـٌٍـِـٍْلاًنِـٌٍـِـٍْ»]

صــــــــــــــــــــرآحـــــــــــــــــــــــه يالانيـــق موضـــــــــع أكثـــــــــــــر رائــــــــع ويعطيك الف

عـــافـــــــــــــــــــيــــــــــــــــــــــــ ه الفهاااوه شيء حلو بس مو كل ماقلت شيء قالت هاه .!

يعنـــي أوقــــات

[المودمانيه]

ياانيق الله يستر عليك
بكره تجربها وتشوف
والمعذره خدامتي دايم مفهيه ووالله ودي اسفرها اليوم قبل بكره
و(لو تشابهت الاذواق لبادت السلع)

[دانه بعين بحاره]

يسلموو انيق

فاهمتك والله يرزقك باللي تتمنى

حلو الوحده تكون مفهييه بس بدلع مو دلااخه
هههههههههه

انا عن نفسي ما احب هالمييزه

تقبل مروووري

[أجمل نساء الدنيا]

فهمت الانيق ايش يبي....


الرجل يحس هالشي يغريه بزوجته او يشد انتباه لما تطلع الهاء من بين شفاهها شي يشده لها ممكن ليش لا فهمت عليه ..... الله يسعدك يارب

[شوق محتار]

مشكور اخي :)

[زوجة مميزة]

صراحة لو اي حرمة سوتها يشك كل شوية سرحانة اش عندك يقول اكيد صفة موة حلوة بالمرة

[mr.hamadah]

هيا حلوه بس مو دايم
لها اوقات
مشكور يالغالي