متوهق

[صقر]

السلام عليكم ورحمه الله وبركاته:
انا زواجي بعد اسبوعين وماادري وش اسوي بذيك الليله وانا كلامي قليييييييييييييييييل وخاصه مادري اشلون( ابدا باللي بالي بالكم)اخاف اقولها على بلاطه وتصيح علي لانها على حسب الكلام اللي سمعته جدا خجوله وتخاف من اي شي بجد بجد شايل هم ابغى من اللي عندهم خبره يقولون لي طريقه مفصله سواء بالكلام او الحركات وانا قريت بالمنتدى حركات بس اكيد ماتنفع ذيك الليله يبيلك كم يوم عشان تمون عليها..وانا استحي اسال اخوياي عن هالاشياء قلت مافيه الا الله ثم منتداكم ..ساعدوووووووووووووني

[كويتية الهوى]

هلا وغلا غاليي ..
اشكرك لثقتك بمنتدانا واتمنى الافادة ..
غاليي رايي الشخصي انك اتكون عادي جدا مريح اعصابك ولا تشغل
بالك بالخجل انت وهي ..
قبل اي شي صل ركعتين يالغلا .. وبعدين حاول انك اتسولف اي سالفة
معها .. مثلا عن العرس اسالها اشرايك بليلتنا الاولى ..
وامدح جمالها وانها قمة الجمال واحلى عيون شافت عيونك ..
يعني ابدأ بكلام الغزل والرومنسية وامدح فستانها وشكلها ووووو
يعني بتطلع اكيد السوالف ومع الوقت بيروح الخجل منك ومنها
وانت حاول اتكون عادي ولا تتوتر وتشغل بالك بخجل العروس وقلة كلامك !!
صدقني خلك عادي وبتجي الامور على اهون سبب وعادي :)
وانشالله بيكون كل شي خير
والف مبروك مقدما ..:)
تحياتي ..

[فيصل]

هذا وانت صقر

ماعليك لاتخاف الأمور بتمشي طبيعية !!!

[شيخة البنات]

هههههههههههه
ياحليلك
لا ياخوي
خذ الأمور هله
وسولف واضحك معاها
ومو لازم تسوي شي لأنها هي بعد فاهمه

[شمريه]

من ناحية الكلام .. هو بيجـي لحاله .. تكلم معاها عادي زي ماقالتلك كويتيه ..
واما من ناحية الدخله .. انصحك تأجلها .. حتى ترتاحـون وتستقرون نفسيـاً .

[هدوء]

حياك يالغلا بينا...

والسوالف صدقني بتجيب بعضها هذا اذا كنتو تكلمون بعض فترة الملكة ..

وبعدين مو ضروري تسوي عليها صقـــريعني^_^...

اول شي تصلي لك ركعتين...
وتغصبها تاكل لان بتكون لها اسبوووع مو ماكله خصوصا اذا كانت خجوله,,

بعدها قول لها بترك لك الغرفه تبدلين ملابسك لان الفستان مو مخليك ترتاحين ولاتخافين ماراح يصير شي انا اليوم اخوك والا صاحبك,...نوع من الراحه مو اكثر
واذا انت بتبدل لاتخليها تشوفك روح غرفه ثانيه
بعدين ارجع لها...

مثلا قول لها تذكرين اول يوم شفتك ايام الملكه ,,,

وش كان شعورك

واليوم شنو شعورك...

تقدر تطمنها تقول لها ماراح نسوي شي اليوم************************>عشان تريحها بس حتى لو كنت ناويها

حلو انك تمدحها بس لاتبااااااااااالغ عشان تصدقك مو تحس انك تريح اعصابها..واهم شي عيونك امسكهم مو تزوغ من هنا وهناك عشان ترتاح

انا لو مكانها افضل انك تحكي عن اللي تبيه مني وتشوف شنو تبي مني بحياتنا
نبني اساسيات حياتنا..
مثلا تقول لها انا مالي دخل بماضيك ولاكيف كنتي عايشه انا بعيشك على قد مااقدر بريحك وادللك ماراح ابخل عليك..
اللي ابي منك اللي بيني وبينك ماحد يدري عنه مهما كان با الاول والاخير انا لك وانتي لي وبالتفاهم كل شي يصير..
انا وانتي مو داخلين حرب ونشوف منو يقدر يسيطر على الثاني
يعني من الاخر لاتسمحي لااي شخص يرسم لك شخصيه مو فيك والايفكر عنك لان اللي يحكي لك مايعرفني مااحد راح يفهمني كثرك لانك انتي شريكة حياتي....
لاتقارنين حياتنا بااي احد ثاني ولاتقارنيني بااي شخص مهما كان
ابيك تكوني زوجتي وتقومي بحقوقي وابي تكوني امي اذا احتجت لحنان الام بضيقاتي
ابيك الصاحب اشكي منك لك************************واتمنى تفهم النقطه هذي لان وربي على اساسها تمشي حياتك
ابيك اخت اذا احتجت الاخوه,,,
وانا بكون لك زوج واب واخ وصاحب لو احتجتي,,, ولازم تكون قد الكلام اللي تقوله لها
لما تسوي شي هي عارفه انه بيزعك قول لها تعالي وقولي لك ياابوي انا غلطت وسويت كذا وزوجي بيزعل شنو اسوي
وانت رد عليها شنو تبي بس بالسان الاب وربي وربي ماحلفتني كذا انت وهي بترتاحوووون وحواجززز واجد بتنشال من حياتكم

صقــــر....
مايحتاج اقول لك شنو تحكي انت رجال وفاهم وبا الاول اساسيات حياتك لازم تعرفها
اذا انت عصبي قول لها انا عصبي تحمليني قول لها عيوبك عشان الاصطدامات ولاتقول حسناتك خل هي تكتشفها..

عندي كم قاعده بالنسبه لي احسها من الاساسيات بحطهكم لك وشوف اللي يناسبك..
1-الصــــــــــــــــراحة مهما كانت ابيه يكون صريح مهما كان الامر كبير او صغير
2-الصدق الصدق الصدقوالثقه
3الامـــــانة ان يكون امين على اسراري واسرار بيتنا يبعد العلاقات والاصحاب عننا
4-الرحمــــــــــة والتفاهم والاحترام,,,
5-المقــــــــــــــــارنه برئيي سمّ بطي وسوسه تنخر في العلاقه الزوجيه
بااختصـــــا ر ابيه يكون لي زي مايبي اكون له
ابي اكون انا واياه بدنيا مااحد حاس فينا

كل نقطه تفصيلها جدا كبير وعميق اتمنى تفهم مقصدي الصحيح واذا اي توضيح انا حاضره وتحت امرك

الله يوفقك ويسعدك ويهنيك وجعلها بداية الافراح,,,والله يرزقك بالذريه الصالحه وتكون ذريه ناتجه من ثمار الحب والصفاء

[عبرا]

الله ايهنيك والالفه تاتي من الله

[قلب حقال]

العيبه بعد فتره يكونو منسجمين
الصبر جميل

[ليون]

لالالالالالالا تقول لها شي كل شي يجي بي وقته حلو الله يوفقك ويسعدك منك المال ومنه العيال.............ههههههههههههههههههه