وصفة الجرجير لشعر مضمونه

[شيخة البنات]

مرحبا ياحلوات ..
صراحه أنا سويت بحث تقريبا في كل المنتديات اللي أعرف أبحث عن وصفه خطيره للشعر .. بصراحه الوصفات لا تعد ولا تحصى .. وممكن وصفه تناسبني ماتناسب غيري ..
لكن الوصفه اللي لفتت نظري ولاحظت انها ساعدت على انبات شعر جديد وهذا اللي كلنا نتسابق عليه ونطمح فيه هي وصفة عصير الجرجير ..بصراحه كثير بنات مدحوها جربوها وراسلتهم عشان استفسر عن التفاصيل .. كلهم قالو لي انها مضمونه لكن لااااااااااااااااااازم نستمر عليها .. لدرجه ان فيه وحده الله يذكرها بالخير راسلتها وقالت لي ان جدتها تعاني من الصلع وهي فوق الخمسين سنه واستخدمتها تقول شعرها رجع ولله الحمد ..
أنا شخصيا جربتها يمكن لين الحين 3 مرات .. ماقلت لأي أحد اني استخدم أي شي عشان أشوف اذا الناس بتلاحظ أو لا .. تصدقون الى الان كل من شافني يقول فيه لمعه ؟؟؟
بس حبيت استفسر اللي جربو الخلطة هل يسبب جفاف مع كثرة الاستخدام ؟؟ فيه بنات قالو يعطي لمعه وهالشي انا لاحظته .. لكن ناوية أستمر عليه لين أشوف شعري طال وصار كثيييف ان شاء الله .. فهل تنصحوني أستخدم زيت عشان مايجف ؟؟ وأنا أوعدكم اني راح أستمر وأعطيكم النتايج كل شهر اذا شفت حماس بالموضوع .. واللي ودها تبدأ معي وفيها عجز واحباط صدقوني جربتها مو زي الزيوت أبدا وماتقعدين تغسلين شعرك ساعه عشان ينظف لأنه مايدهن الشعر ..
اللي تحب تبدأ معي .. يالله نشوف من شعرها بيطول ويكثف .. يالله يابنات والله أحس ان هالوصفه فعاله ..
عموما اللي تحب تشاركني لو بردها الله يحييها ويبارك فيها واللي بس بتكتفي بالمتابعه برضو الله يحييها .. بس اذا ماحد شاركني صعبه أتابع بموضوع ولا أعطيكم التطورات وماحد معطيني وجه ههههههههههههه



منقول

[كويتية الهوى]

متااابعين شيخة
استمري عشان نستفيد يالغالية
والجرجير وايد سمعت عنه واينصحون فيه وايد
استمري يالغالية ومتابعينج ..

[حـبـيـبـــ زوجي ـة]

شيخه البنات الله يسعدك يارب ووصفاتك لو كنت مااسوي بعضها لكن انصح صحباتي فيها ومنك نستفيد يلغاليه

[شيخة البنات]

كويتيه
الجرجير من زمان مانعرف فوايده
بس اللحين انشالله الكل يعرف
فوايده
وهلا بك يالغلا

[شيخة البنات]

حبيبه
هلا بك يالغلا
ومشكوره عالتشجيع الحلو منك

[اجمل النساء]

مسا الخير شيخة البنات ان شالله هالوصفه بتجيب نتيجه والله انا كمان كنت اعانى من ضعف شديد فى طول الشعر نتيجة التوتر الدائم والعصبيه ان شالله راح اتابع معكى بس الجرجير فعلا ينشف الشعر هيدا الشئ صحيح بس ما بيهم المهم انه يطول ويكون فيه لمعه مثل ما قلتى والله انا جربت وصفات كتتتتتتتتيييييييييييييرررررررررررر جدا جدا وهلاء فيه نتائج كتير رائعه بالنسبه لشعرى وراح اتابع معكى منشان تكون النتائج اكثر من رائعه ههههههههههه تسلمى حبيبتى ويعطيكى الف عافيه

[شيخة البنات]

هلا بك اجمل النساء
ليه العصبيه طيب
انتي خليك مرتاحه ولاتسوين هالشغلات
وغير كذا الجرجي
مضمون نتايجه بس اهم شي الميتابعه

[شمريه]

زين شـنـو الوصفــه ؟
..
..
اكـتـبيــهـا .

[ام زياد]

يله يا الغاليه منتظرين الوصفه

شنو هي؟؟؟....

[الغيوره]

اشكرك اختي شيخة البنات وانشاالله شعرك يكثف ويطول وتسيرين شيخه بحق وحقيقه وننتضر منك الجديد

[** حــــواء **]

عـدل كلامج شيـخة ...

ترى الوصفه امجربه وزينه ...

بعدين حبيت ازيد عليج اشوي ...:rolleyes:

وفي الزيادة إفاده ...

عشان شعرج ما يجف مع عصير الجرجير تحطين زيت زيتون حار...

يعني تقطعين الجرجير وتخلطينة بالخلاطه ... وبعدين تحطين علية زيت زيتون حار ...

وتلفين شعرج ابفوطة حارة... طبعا مو حيل حارة تحرقج ...;) وتخلينها لمدة نص ساعة ...

تستخدمينها مرتين فالإســبوع ... وشكــرااا ...

[شعرى مشكلة]

شيخة وضحى كيف احط الجرير يعنى اخلطة اعصرة احطة على شغرى وضحى.؟؟؟؟؟؟؟؟؟؟؟؟؟؟

[شيخة البنات]

اي يالغلا
اخلطيه بالخلاط
وهو يطلع منه ماي
فهمتي

[miss-sousou]

مشكوره يالغلا على الوصفه تسلم اناملك

[شيخة البنات]

الله يسعدك ياقلبي
وهلا بك دوم

[مرت خالد]

يعطيك العافيه حبيبتي شوشو
يسلموووووووووو

[توأم روح زوجي]

مشكورة الغالية
بس كيف بالنسبة للشعر المصبوغ؟ ما يتأثر لون الصبغ؟

[ام القمر]

السلام عليكم ورحمة الله وبركاته

انا سمعت من دكتورة اعشاب انه طيب واختي شافت ام صديقتها تحسن شعرها قالت انها تستخدمه

بس خبريني كم مرة بالاسبوع وكم المقدار

تحيه طيبه مني لك

[حوحه الموحه]

شكرااااااااااااااااااااااا

[essaahm]

بصراحة انا واحد فخاطري اطول شعري بسرعة ههههههه

[essaahm]

عطوني حل يا ناس يا عالم ابي اطول شعري بسررررررعه الحين

[essaahm]

انا سمعت ان زيت الحشيشة يخلي الشعر يطول بسرعة غير معقولة ابد

[أحاسيس صادقة]

الله يعطيك الف الف عافية شيخة
أن شاء الله الكل يستفيد منها

دمتي بود

[ساكنة الوادي]

يعطيك الله العافيه
تحياتي الك يالغلا

[بسبوسة]

سوف اتابع معك لانى انا كمان هلكت خلطات وخرابيط
بس يارب نصل لنتيجة
وافينى بالتقدمات اللى يصل بيها شعرك
وانا كمان هوافيكى اول باول

[شيخة البنات]

هلا تكل اللر علقوا
واعذروني

[بسبوسة]

انا بقالى حوالى شهر استعمل الجرجير ونتائجة مبهرة والحمد للة

ولكنة فعلا يسبب جفاف لذلك استعمل معة زيت دابر املا يومين ف الاسبوع
يعنى احط الجرجير يوميا ما عدا الاتنين والخميس اضع زيت كمرطب للشعر
واى استفسار انا موجودة وعن تجربة
سلام

[¨°•√♥ بنت الاصول ♥√•°¨]

مراااااااااااحب شيخة البنات ..


صراحه انا طابه بمطب كان شعري حلو ومافي احلى منه ما شاء الله واخر مره صبغته

وحده الله يذكرها بالخير حطت عينها على شعري وعبها صار يهل ويطيح

انا ما ابي اظلمها بنت الحلال بس يمكن يكون من الصبغه المهم من يومها وانا شعري

صاير حبتين عقب ما كان كثير وطويل مشالله الكل استغرب منه

عصير الجرجير سمعت عنه وحده قالت لي عليه بس بطريقة ثانيه انا ما حبيتها

وهو تحطي بالخلاط بصل وجرجير وويطحن وبعدين تصفينه بمشخاله وتحطينه على فرو ة

الراس ويدلك

بس جربته يمكن مره مرتين وتركته ريحته ما اطيقها .

بس ودي اعرف كل يوم لازم تحطينه ؟؟؟ وكم صار لك تستخدمينه ولاحظتي تطورات على شعرك

ويعطيك العافيه

[العذرآء]

ايوه لوسمحتي كيف الطريقه وكم ساعة نحطه علا الشعر وكم مرة والله يوفقك يالغالية

[الفيصل]

http://www.geocities.com/atlal_10/4.gif
"


http://www.geocities.com/atlal_10/roos.gif

http://www.geocities.com/atlal_10/4-1.gif

[شيخة البنات]

معليش للكل

اعذروني

وبالنسسبه للوقت
3ساعات

وكميه علا حسب شعرك

[صرخة انثى]

شكرااااااااااااااااااااااا على الوصفه

[مهااااوي]

تسلمين اخت شيخة ونا بعد بجرب الوصفه همن اسجل التطورات اول باول:m315:

[شيخة البنات]

مهاوي
عاد اذا صار اوكي لانسين تدعين لي يالغلا