داخله على الله ثم عليـــكم تساعدوني

[حـبـيـبـــ زوجي ـة]

السلام عليكم ورحمة الله وبركاته

احدى الاخوات كتبت لي مشكلتها بلبريدالخاص وطلبت التحفظ على اسمها وبدوري طرح مشكلتها عليكم كما كتبتها هي نصيا
المشكله
انا اسكن في بيت لحالي وبعيد عن اهلي وقرايبي وعندي طفلان صغيران

وزوجي عمله يدوم طويلا يعني من الساعه سبع الصباح اللين اربعه العصر او من العصر اللين الفجر

تقبلت الشي ذا وتعودت عليه

السنه هذي جاء اخوه سكن عندنا بحجة يكمل دراسته وهو يصلي وساكت وخجول

ولكن فجأه
اخو زوجي اصبح يضايقني بحركاته ونظراته ومطاردته لي في كل مكان بلبيت

انا خايفه جدا منه ولما خبرت زوجي صارخ فيني وقال ان انا كذابه واذا قلت الكلام هذا راح يقطع لساني بعتبار يعرف اخوه زين وعارف تربيته والله ما اكذب بكلمه وحده ياحبيبه اذا جلست مكان يجي يجلس جنبي واذا ناولته كاسة المويه يمسك يدي حركات كثير مضايقتني

واخرتها انه تجرأ ودخل غرفة نومي بعد ماشاف اخوه راح للعمل وترك الباب مفتوح وكانت اول مره اشوفه يدخل وربي عالم مايكون من قبل يدخل وانا نايمه والحين اقفلها بلمفتاح

بختصار يتحرش فيني جنسيا وانا خايفه منه كثير صرت اكرهه كره العمى وادعي عليه بصلاتي المشكله هيئته تدل انه محترم بس للاسف فاسق ونذل:mad:

ساعديني واعرضي مشكلتي للاعضاء يساعدوني بلحل:confused:

انا بمكان بعيد عن اهلي فكرت ازورهم رفض زوجي الا برمضان فقط وين احنا من رمضان :( والحين اجازه ومايبي يروح عند اهله وان قلت لزوجي شي يقول خليه يجلس لان دوامي فتراته طويله ان تعب احد من العيال اوشي

كان يرسل لي بلجوال رسائل حب وكنت امسحها خوف من زوجي ولما خبرته كسرت الشريحه نهائي للاسف

ما ابي افتن بين الاخوان ومثل الفتنه هذي فيها دم لاقدرالله


انا ادخل عليه بحجاب كامل ولا احط مكياج ولاشي ولااكلمه ولااضحك له وبعد تحرشاته مااعطيه وجه بس ماادري اخرتها شو كل يوم ابكي وحالتي الصحيه سيئه

اعذريني طولت عليكي بس لاني منقهره وما اعرف اختصر معاناتي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

[سعود]

الله لا يوفقه في ذا اليوم الفضيل
خاين وحقير
حبيبة
صديقتك غلطت لما كسرت الشريحة لأنه دليل يدينه *******1
ومن وجهة نظري ياهي يا أخو زوجها بالبيت **********2
تتصل بأحد أخوانها (( الزوجة)) وتطلعه على الأمر إلى الآن الكرة في ملعبها
قبل لا يحصل شىء تندم عليه***********************3
هذا رد سريع
بس أفكر في الموضوع تمام وأرد لك بإذن الله

[الماسة الثمينة]

الله يعينها يرب.. فعلا مشكلة كبيرة.. انا من رأيي تحاول تبعده عنها بأي طريقة ولا تستسلم

يعني مثلا تروح بيت أهلها في حال غياب زوجها تذكر زوجها بحرمة الخلوة بينها وبين أخوه

وإذا لزم الأمر تدخل أحد حكيم وعاقل في المسألة ويكون من العيلة لحل المشكلة

وأظن ان شرفها وسترها أهم من زعل زوجها هذا ما يمنع أنها تحاول تحل الأمور بهدوء وبدون شوشرة المهم ما تستسلم

وأحسن طريقة تاخذ مستمسك او دليل ضده من خلال رسائل الجوال مثلا أظن هي أحسن دليل على صدقها .زلأن هذا ما ينفع مع الا

الردع بقوة

وما أقول إلا حسبي الله ونعم الوكيل...

[كويتية الهوى]

لا حول ولا قوة الا بالله

لي عودة ان شاء الله ..

!

[كويتية الهوى]

عدنا ..
مادري ليش المشكلة همتني جدا وقلت باخذ وقتي بالتفكير قبل قراري
وحسم الامر ..ولكن ما قدرت اتطول اكثر وبقول رايي الشخصي ..!

غاليتي ..
عندي حلين .. الحل الاول هو ..

اولا اتواجه زوجها بالامر .. كيف ؟
عند حضوره من الدوام .. اتحاول تبتعد عنه ولا اتكلمه !
وهذا الصج وهذا المفروض فعله دام زوجها من بداية الامر ماهمه راي
ولا كلام زوجته عن مضايقتها من ( حماها ) اي اخو زوجها .. ولا اعطى
للامر اهمية .. عيل الزوج عنده خبر من بداية الامر بتحرش اخو بزوجته ..
اذن !
عليها مواجهة الزوج بقولها يا انا يا اخوك بالبيت ..
لاني ابصراحة ماني ماخذة حريتي .. لا بالبس ولا بتصرفاتي بالبيت
احس ان مراقبة من قبل اخوك وعينه ما اشيلها عني ..
حتى لو تهاوشت ويا زوجها ولا صدقها عليها ان اتقول اخوك ايحالو ايدش
غرفتي الخاصة .. وهذا غير معقلو يا انا يا اخوك ..
لان المواقف هذي الشرف والعفافة اهم من رضى الزوج !!
عليها انها اتواجه زوجها .. وان مااستطاعت .. عليها باخبار اقرب وحدة
من اهلها اختها امها او احد ما اتقول ان حماها مضايقها بوجوده بالبيت دون
الافصاح عن امره بشكل مفسر ولكن اتقول انه اتحس نظراته وعيونه مو
مرتاحة له .. وانها متضايقة وانها مو ماخذة راحتها ابد بريااال غريب عنها
وسفكي انه غير شرعي قعدته وياها بنفس البيت ولا احد من اهله ولا اهلا
معاهم .. .. ! ولكن اتمنى عدم الافصاح عن امر حماها بشكل موضح
لا تتكلم عن دخوله غرفتها وووو
( حتى لا اتصير المشكلة عودة .. ربما حلت المشكلة دون افصاح عن امر حماها
امام الاهل والعائلة ) يعني تترك لبعدين خط رجعة .. يمكن يرتد حماها عن
فعلته ويتحسف ويندم على فعايله ويعقل ..

وحل اخر واعتقد بانه الانسب من الحل الاول ..

انها اتواجه الامر لحماها .. واتهدده بالجهر وكشف امره لزوجها اللي هو اخوه
واتقوله رح اقول لاخوك عن تصرفاتك اللي ماهي سوية ووووو واتقوله ان
استمريت بقلة حياك هذي .. انها رح تترك البيت واتروح لاهلها ورح تكشف امره
امام الجميع .. وايكون هو سبب خراب بيتها ..
احتمال كبير يرتد عن فعايله وايخاف انه ينكشف امره خاصة ان الحق وياها لانه
عايش معها بنفس البيت .. يعني الادلة بيدها حتى لو ابتلت عليه لا سمح الله !
هذا حل اخر واتمنى ايكون هو الارجح عن الحل الاولي وايكون اول حلولها
وان شالله ايكون هذا الحل هو الانسب لها وبجذي اتكون ما قالت حق زوجها
ولا اتطور الامر وايكون حماها ابتعد عن تصرفاته واستحى من نفسه !!
( المشاكل اللي مثل هذي عليك مواجهتها بشكل مباشر )!


العذر للقصور وعدم الافادة
وان شاء الله الاعضاء ما ايقصرون
تقبلي تحياتي واحترامي ..

[سعود]

شوفي حبيبة
السكوووت مو في صالحها
ليه؟؟؟
لأنه حيزيد ويكون في تفكيره
إنها مبسوطة وتبي اللي في باله وخايفة منه في نفس
الوقت.
حبيبة أرجووووك أرجوووك
حركيها بأقصى سرعة
ماأدري خايف عليها
عطيها حلولنا وهي تختار
المهم السكوت لااااااااااااااااا
الخوف لااااااااااااااااااا
وطمنينا عليها أرجوك حبيبة

[فيصل]

لاحول ولاقوة إلا بالله

لازم تتصل في أحد من أخوانها وتقول له يقعد معهم في البيت إلا ان يغادر هذا المجرم

وإذا لم يأتي أحد أخوانها فيجب عليها محاولة الأتصال بأحدى أخوات الزوج وتقول لها تقعد معهم بعد ماتشرح لها المشكلة بالطبع وتكون سريه بينهم


والله بأذنه سبحانه وتعالى سيبعد عنها هذا الشيطان الأحمق

[شمريه]

شـنــو هـــذا !!!!!!!!!!!!!!!:confused:
وش اللي مصبرها عليه ؟؟؟؟؟؟
أنا ماعندي إلا حـل واحــد .......

تبلغ أهلـها (( إخوانها ))
لكن قبل كذا لازم تمسك عليه ممسـك
رسائل ... مكالمه ...... أي شيء يـديـنـه ...
لإنـه أكيـد راح يـنـكر .......
وممكن أهل زوجها يتهمونها بأنها متضايقه من حماها ....
يعني بالعربـي لازم يكون معاها (( دليـل ))

وبـس .........
..
انرفع ضغطـي من هالموضوع .:mad:

[هدوء]

بما ان صاحبة المشكله ارسلت بالبريد الخاص اكيد انها تقراء ردود الاعضاء...

من وجهة نظرررري العقل مطلووووب بالمواقف هذي,,,


الشاب الضيف واثق ثقه عميا ان اخوه ماراح يصدقها لانه لو مو واثق كان ماتجرء يسوي كذا..

لوكنت صاحب الموقف..
اذا طلع زوجي الباب يتقفل وماينفتح مهما كان اذا يبي اكل اجهز له الاكل وادخل الصينيه عليه..
اصرخ عليه اذا شفت شي ومااقول راح اقول لزوجي لا خل يحس انها قويه وقادره تنهي موضوعها بنفسها...

اذا ضاق الامر والزوج مو مصدقها ومو مقتنع خل يوم تدق على الزوج بالعمل من الجوال ويكون جوالها بجيبها من غير مايحس اخوه عشان لايتبلا عيلها...

اذا ماقدرت وساء الحال تسجل شريط فيديو وتعطيه زوجها يكحل عيونه فيهم والافضل ماتعطيه الزوج تعطيه اخو الزوج نسخه من الشريط طبعا..عشان تهدده ويصير ادمي
وبعد هذا والله لو انه .............!!ماراح اقول بيتجرء يسوي شي
الافضل انها تستر عليه...

مهما اختلافت الارارء يبقى الهدف...

طالما زوجك مو مصدق على اخوه شي حاولي تكسبين زوجك وماتهزين صورت اخوه طول العمر بعيونه..

يبقى اخ والضفر مايطلع من اللحم

[كويتية الهوى]

باك ..
من بعد متابعتي للحلول ..
وجدت برد الغالية رماح الحل المميز ولكن لي تعليق غاليتي رماح ..
لو مهما كانت من قوة المراة وحاولت مواجهت الاخ ( حماها ) ربما يلقى
الممنوع مرغوب ( اي التمنع لذة وشهوة اكبر ويبقى مستمرا وراها وملاحقتها )
وهذا الاخ ( حماها ) يجب ردعه لانه ما يستحي دام حط عينه على زوجة اخوه
والزوج مسكين معطيه الثقة بدخوله بيته وووو على زوجته واعياله ..
اعتقد بان الزوجة عليها مواجهته ( لحماها ) بان تهدده بانها سوف تبوح لزوجها
عما يفعله مجرد تهديد لاننا ما نبي نخسر همن اخوه ( الحمى ) ربما ايعود حساباته
وايعود لربه ويتحسف على فعلته ..!
لذا يجب عليها ان تحط ببالها خط رجعة له ..
وعليها ان تجلب احد من اهلها ان ينام عندها حجة بانها تريد من يؤنس وحدتها
وخوفا على نفسها وعدم احراج ( حماها ) بأي متطلبات لها ووووو
يعني جذي ..
وبجذي ايكون عندها ونيس وهي ترتاح نفسيا ..
اولا ما خسرت ( حماها ) بالمشاكل اللي رح اتصير مستقبلا
وثانيا .. تقدر نفسيا ترتاح بان وياها احد بالبيت غيره
ثالثا .. زوجها مارح يتذمر منها لكثرة شكوها من اخوه وووو


يعني عددة امور رح تختصر يالغلا ..

واشكر كل ما ادلى بدلوه بحلول صائبة ورااائعة
ومنكم نستفيد
ربي ما حرمني طلاااتكم المميزة :)
واتمنى من صاحبة المشكلة النظر للحلول الانسب لها ..
تحياتي لجميع ..

[اجمل النساء]

اختى الفاضله قلبى معك والله العظيم ما بعرف شوصار بالدنيا لكن ان مع تعليق الاخ سعود انك غلطى لما كسرتى الشريحه لانها كانت اكبر دليل واهم دليل ومع احترامى لكل الحلول بدك تحلى الموضوع من جزوره اولا مثل ما تفضلوا الاخوة وقالوا تواجهى زوجك مرة واتنين وعشرة وتخبرى اهلك ما لازم تسكتى وتتكتمى على هالموضوع وتتركى البيت فورا حفاظا على طهارتك وعفتك اذا تركتى البيت فالحال بيتاكد زوجك انك فعلا ما بتدعى على اخوة انه يدايقك وتخبريه بكل صراحه انه يتحرش بيك ما تخجلى نحن كنساء ما عندنا الاعفتنا وطهارتنا يالى بتعطينا القوة وعزة النفس والكرامه اذا خسرتيهم ما راح تقدرى حتى انك تتطلعى بحالك بالمراءة ما بالك لما تتطلعى بزوجك واولادك واجهى الامر اخبرى جوزك واتركى البيت فورررررررررررررررااااااااااااااا لكى منى كل الح وقلبى معك

[أهـــــــــم1]

بسم الله الرحمن الرخيم

السلام عليكم و رحمة الله و بركاته

بصراحة هذه المشكلة ليست بالبسيطة و تحتوي على موضوع شائك جداً قد يؤدي الى ضياع
أسرة بأكملها مالم يوقف هذا الأخ النذل عند حده ...
و لكن عندي تسأل: كيف يسمح هذا الرجل لزوجته أن تبقي في البيت مع أخيه ....!!
و هو بالتأكيد يعلم بأن كما قال – صلى الله عليه وسلم : " ما خلا رجل بامرأة إلا كان الشيطان ثالثهما " .
و أن الشرع الحكيم قد نهى عن الاختلاط بين الجنسين ، وحرم الخلوة بالمرأة الأجنبية ، فقال – صلى الله عليه وسلم : " إياكم والدخول على النساء ، فقالوا : أرأيت الحمو يا رسول الله ، قال : الحمو الموت الحمو الموت الحمو الموت " ، فأين هذا الزوح من حديث رسول الله صلى الله عليه وسلم...

عتبي في هذا الموضوع ليس على المرأة الضعيفة التى لا حيل لها و لا قوة عتبي مع الآسف على زوجها الذي لم يراعي حرمة بيته حتى وإن كا الذي يتواجد به أخوة ...
أعتقد يتوجب على أختنا صاحبة المشكلة أن تكون أكثر صرامة في مجابهة هذا الأخ الحقير بكل السبل حتى و أن أضطرها الأمر الى الإتصال بأحد رجالها (أبوها أخوها عمها) كي يواجهه الزوج و يناصحه و يذكره بأن وجود أخيه في البيت لا يعني الأمان ... فالشيطان متواجد و قد يزين لهذا الأخ إقتحام غرفة نوم أخية في لحظة يحظر فيها الشيطان و أعوانه فلن ينفع الندم بعد ذلك ...أعرف أن الموضوع سيكون حساس و لكن صده من البداية أفضل من التمادي..
أدعو الله العلي القدير أن يفرح كربة أختنا صاحبة المشكلة أن تتجه لله بالدعاء في الثلث الأخير من الليل و تدعو الله يكفيها كيد هذا الفاسق و أن ينيير بصيرة زوجها للإنتباه لما يحصل من أخيه

أهــــــــــــــم1

[قلب حقال]

انت سبب نفسك
وين الحجاب
الله يعينك

[حـبـيـبـــ زوجي ـة]

الاخت السائله تشكركم جميعا على حرصكم لمساعدتها وجزاكم الله خيرا

ووعدتني ان تطمنا عليها وتخبرنا عن اي شي جديد يصير لها وربي يكون بعونها

[حمودي العسول]

حسبيالله ونعم الوكليل اختي المفروض حرم هذ يجلس معكي من دوم محرم وثاني شي اختي المسجات هذي دليل انو زوجك يصدقي بثبات فاهمة عليا وريه المسجات وانشالله ربي معكي وسمحيلي اهو مو برجال لو برجال مايدخل احد بيته من غير وجوده وان كان اخوه وانا اقولك لو يكون احسن انك تعلمي وحد كبير اخوكي ابو ابوكي اهم الي يتصرفو غليتي اسمحيلي هذ الرجال ماهو كفو ليكي
واسف على الاسلوب هذ

اخوك حمودي العسول

[ليون]

والله يا الغاليه بي سكوتك راح يكبر الامر وصدقني ماراح يندم ولالالا يخسر حياته في الاخير الا انتي الي ذلك اصري وحولي بتوضيح المساله له بي اي طريقه كانت لالالاتقولي قلت قولي واصري الي توصل المعلومه له ويجد لها حل؟:confused: ؟؟اهم شي الحل مو توصيل المعلومه بدون الحل؟الله الله يوفقك ويفرج مصبتكك ...:( :rolleyes: :mad: :o

[بدر من ربوع المملكه]

الحل بسيط جدا :
انها تبلغ شقيق زوجها ان لم يكف عن هالحركات تهدده بتبليغ اهلها او اهله
ان لم ينفع هالتهديد 00 تبلغ اهلها او اهله
ولاكن لا تسكت لانها بسكوتها تجريء شقيق زوجها عليها
وسيفهم سكوتها بأنها موافقه على ما يريد
وصلى الله وسلم

[atawi5050]

ما اقدر اقول الا انك في وضع ما تحسدي عليه.......... حفير وقذر وخو زوجك ال تحبيه,,,,,,,
شي يحير ويقهر(الله يكون في عونك ويخلصك منه)

[الصقرالجريح]

بصراحة هذه المشكلة ليست بالبسيطة و تحتوي على موضوع شائك جداً قد يؤدي الى ضياع
أسرة بأكملها مالم يوقف هذا الأخ النذل عند حده ...
و لكن عندي تسأل: كيف يسمح هذا الرجل لزوجته أن تبقي في البيت مع أخيه ....!!
و هو بالتأكيد يعلم بأن كما قال – صلى الله عليه وسلم : " ما خلا رجل بامرأة إلا كان الشيطان ثالثهما "
اسمعي يابنت الناس زوجك اذا مو مصدق يضرب راسة في الحيط
وانتي بلغي اهلك اذا صار الامر الزوج اذا ما حامية على زوجتة يروح ............................................. يسويلة عملية احسن
كلمية اذا ما فهم
الوضع بلغي
اهلك
وانتي اصلا لي كسرتي الشريحه انتي غلطانه
اسمعي اذا ما اخذتي قرار
الشيطان بيلعب بعقلك

[زوجه حلوه]

اهلا وسهلا
الموضوع يبغاله حل جذري ..........................

تبلغ زوجها وبكيفه هو مع اخوه.............واذا لم يقتنع تاخذ شنطتها وتروح لاهلها وتبلغهم

اما يحل مشكلته او الطلاق.....................هذا تحرش جنسي مش لعبه ياناس.......هذه اهانه

وذل لنفسها..................وحرام وجوده عند رب العالمين

تحياتي

[منان]

شـنــو هـــذا !!!!!!!!!!!!!!!
وش اللي مصبرها عليه ؟؟؟؟؟؟
أنا ماعندي إلا حـل واحــد .......
وهو انج تتصلين باهلك ويجون يخذونك انت واطفالك وبترتاحين

[الباشق]

حبيبة صديقتك واقعه في خطاء كبير . سكوتها يوهم الرجل العاشق انها تريد . انماء دلع البنات هكذا لذلك فهو يستمر بالتحرش بها بل ويتلذذ بتحرشها حتى اذا سيطرة علية شهوته راح يهجم عليها هجمة كلب جائع
... والحل السليم والسديد لا تخبر زوجه ولا يحزنون
تحتفظ بدليل قوي مثل رساله او تسجيل شي من كلامة وهو يتلفظ بعلمات العشق وهي تحاول زجرة
ثم تذهب الى اهلها وتعرض عليهم الامر
حتى لو كان في المساله خلع زوجها فهيا مسالة شرف وعفه هذا اذا كانت فعلا تريد العفاف

[ملك البسمه]

اختى العزيزه لازم تفهمينهاااا تكلم اهلهاااااا وهم يحلو المشكله مدام زوجهااااا عنده ثقه عمياا بخوه وتنصحينهاااترتدى الحجاب او النقاب لانه بأرادت الله يحميهاااا وتدعى ربهاااا يفكهاا منه واذا كان ولا بد تعطيه كف يعلمه الادب