سؤال جديد \ تعالوا شباب ;) ؟؟؟

[كويتية الهوى]

يا هلا ويا غلا بالشباب الحلوين
مادري ليش قلبي ايفرفر :D
ههههههههههههههههههههه
ماقدر ما اتحرش فيكم ;)
صج صج لاجل اجذبكم اهني
تحرش شريف هااااااااااااا هههههههههههههه ;)

يالله ببتدي سؤالي او موضوعي اقول .. شباب
كلنا يدري بان ما انصدق ينزل المعاااش وهو اللي اسمه
مااااااااااااااااااا ... عاش :rolleyes:
ونصرفه على اوله :D <<< وحدة ما يبقى معها شي
وتاخذ من الاهل فوقه ههههههههههههههههههه
لاجل جذي بسالكم واقول ؟؟


هل فيه من طريقه ناجحه لتوفير مبلغ من المعاش ( المال ) ؟
أو على الأقل لمن يجي آخر الشهر ايكون وياك شي منه ؟

شنو رايكم وشنو اتسوون غلاتي :confused:


واحلاااتكم :D

[الاحزان]

افتحي حساب ببنك اخر وادخري فيه مبلغ معين كل شهر

واذا فتحتي الحساب اتلفي بطاقه الصراف الالي

[مدلعه نفسها]

هههههههههههههههااا جا دوري الحين
حتى انا من شفت الموضوع قام قلبي يفرفر:D
في بعض الشباااااااب الله يهديهم:rolleyes:
تروح فلوسه على السجاير:eek:
وبعضهم تروح فلوسه على التسوق بس البنات لامايسوون كيذا:D
وفي بعضهم يحب يبين قدام أصحابه انه رااااعي فزعه وآخرتها يفلس:eek:
لكن في نوع من الشباب يعجبني:rolleyes:
وهو اللي يجمع مبلغ من رواتبه عشان الزواج
;)

[كويتية الهوى]

هههههههههههههههههههههههههه
لي عودة للرد ;)

[سعود]

والله مافيه أمل
أوفر منه
:o
لكن الحل الأمثل
هو عمل جمعية لكي تعلمه الإلتزام
ويدخر من راتبه وكمان لما يقبضها
يصرفها على شىء مفيـــد
او
يضعها في بنك وهذا صعب
لأنه كل ماأحتاج سحب من أقرب صراف

[زوجه حلوه]

انا ابي اجابه على هذا السؤال لاني مسرفه جداجدا..................واخر الشهر تطلبني الفيزا

تحياتي

[فيصل]

وإذا حصلتوا حل قولو لي لاتنسون ؟؟

[مدلعه نفسها]

فيصل
ههههههههههههه
تبي حل؟؟
طيب أول شي قول لنا انت وين تودي فلوسك؟؟<<<وحده ملقوفه خخخخخخ

[فيصل]

ههههههههههه

كيف اقولك وانا ما ادري وابي حل ؟؟

[حبيب بدور]

كويتيه

انا كنت اصمد كل راتبي

لان عندي دخل ثاني اصرف منه وهو يكفيني

الى ان جاء موضوع الاسهم

والله لا يرويك ههههههههه

[كويتية الهوى]

هلا وغلا غاليي الاحزان
نورت متصفحي المتواضع
:)
تحياتي ..

[كويتية الهوى]

هلا والله مدلعة
صدقتي يالغالية بكلامج
اكو ريايل يصرفون رواتبهم على السجاير والخرابيط هذي
ومنهم من ايدخر لزواجه ولكن قلة
اعتقد بايامنا هذي ماحد قاعد ايدخر :(
تسلمين لاحلى طلة
وهمن نبي انعرف وين رواتبكم اتروح هههههههههه

[كويتية الهوى]

صدقت غاليي سعود ايسوي جمعية لانه رح يتلزم فيها
ولكن راتبكم الاساسي شنو اتسون فيه
اول ما تاخذونه اشلون مقسمينه !؟
اشكرك يا غلااهم للحضور والرد ..:)

[كويتية الهوى]

منورة زوجة حلوة :)
بس ما قلتينا اشلون ايطير معاشج غناتي :)
تسلمين لاحلى طلة ..

[كويتية الهوى]

هلا وغلا غاليي فيصل
منور متصفحي يالغالي
وهمن ما قلت اشلون ايطير معاشك يالغلا :)
اسعدني حضورك يالغلا ..

[كويتية الهوى]

ايوة مدلعة خلج وراه لفيصل
يمكن اقولج وين معاشه ايوديه :)
يسعدج مساعدتي :)

[كويتية الهوى]

اعترف فيصل ؟؟
هههههههههههههههههههه
انا بسلط عليك مدلعة هي رح اتجيب القرار اليقين :)

تحياتي ويسعدكم ربي ..

[كويتية الهوى]

هلا والله حبيب الكل
الحمدلله عالسلامة
تو نور المنتدى
هلا وغلا ..
يسعدك ربي للحضور والرد
وهمن نبي انعرف وين اتروح بمعاشك
اشلون مقسمه وين وين وين هههههههههههههه
مباحث ههههههههههههههههههههههههههه
سلمت يالغلا ..

[الصقرالجريح]

كويتية عندي حل حلوة زين بس لمين
لي ما يكوني اصحاب اعمال يفكرو ينجو في اعمالهم مشاريع
عارفين وش احلى شي في الدنيا ان اللة يزوق طالما انت تبحث عن رزقك .....************************ بالحلال
والله يعين اهم شي الستر
مشكوووووو ركويتية على السوال

[فيصل]

ههههههههههه
وليه تسلطين علي مدلعة مايحتاج بقولك قصة حياتي !!!!

شوفي انا والحمدلله وظيفتي طيبه جداً ومركزي العملي زين وراتبي كبير وكثير يحلمون بمثله والحمدلله وهذا حال شركات البتروكيماويات والبترول عندنا رواتبها طيبه
عندي سيارة 24 ساعة من الشركه وكل مايتعلق بها مجانا من صيانه وبنزين وغيرها يعني السيارة ما اشيل همها وهم مصاريفها ,,
الراتب يروح البنك ومن ينزل يبدأ الأسراف وانا بصراحه الفلوس في الحساب احس بيني وبينها عداوه ,, اسحب منها مبلغ واعطيه البيت مصروف ومبلغ لأخواني واخواتي وغيرها من مسئوليات المجتمع الي تحتاج مصاريف وهذي كلها تقريباً تقص حوالي 60% من الراتب
بقينا بنص الراتب وهنا تبدأ الحاجات الي مالها داعي فمثلاً يوقولن لي هات حاجه من السوبر ماركت قيمتها 5 ريال اشوف نفسي محاسب 200 ريال لأني كل شيء اشوفه اقول يمكن يبونه ونسوا يقولون لي احسن اشتريه لايقولون بعدين نبي وهو في الحقيقه متوفر بالبيت وبكثره وهذا مثال للبذير وعدم الرص
وغيرها الملابس وخصوصا بدلات السفر ومستلزماتها وبعضها صدقيني بكيسه من سنين ما استخدمته وما ادري ليه شريته
وجلسات الكوفي شوب والمطاعم والعطور وطلعات الشباب وغيرها وغيرها وبعد وغيرها والمهم يوصل الشهر نهايته والواحد ينتظر هالراتب

وانا في الحقيقه مسرف جداً لكن الي مطمني مثلاً ما احرص على التوفير كثير بان عندي بيت ملك وعندي شقه قاعد اقصدها في مكان آخر وعندي سيارات لي ولخواني وعندي ادخار في الشركة وبيكون مبلغ الأدخار محترم وطيب للمستقبل بالأضافه الى مبالغ نهاية الخدمه والي بتكون مجزيه وفوقها راتبي في حالة التقاعد مستقبلا سيكون مجزي وكافي ان شاء الله بالأضافه إلى ادخار بسيط في سوق دبي المالي !!!
ومقولتي المشهوره عش يومك بكره ماراح تاخذ منها شيء معاك

وانا من النوع الي يكره التجارة والمطارده وراها

واتمنا اني وضحت كيف صرت تاجر وأوفر الفلوس

[مدلعه نفسها]

فيصل..
زين يعني عامل حسابك للمستقبل
طيب بقولك شي ليه دايم تشتري اغراض البيت على حسابك؟؟
لأن هذا بيظيع فلوسك
انا لو منك آخذ فلوس واشتري اللي يبونه
إلا في حاله انك انت المسئول عن البيت

[فيصل]

لو علي انا ماعملت حساب شيء للمستقبل لكن هي جات كذا سبحان الله ؟
والنقطه الثانيه أنا المسئول عن البيت ؟

[لبيه يا منادي]

كويتيه الهووووووووووووووى

اشكررررررررررررررررك على موضوعك الرائع الذي فعلاً يحتاج للنقاش

والله انا ينزل الراتب على حسابي وما اقربه نهائي ابداً والراتب ما ينقص منها الا 2000 ريال

قيمة قسط والا اسحب منه الا في ظرف طاري واخذ حاجتي منه وارجعه بعدين لان عندي

دخل ثاني ولله الحمد يغطي على جميع التزاماتي ويزود منه شي كثير اودعه على حسابي ...

والا اصرف منه نهائي والبيت ملك ولله الحمد والاوضاع تماااااااااااااااااااااااام ...

في الاول كنت اصرف بشكل وما كان الراتب يجلس الى نصف الشهر بصراحه بس

بعدها فتحت لي مشروع صغير ولله الحمد وفقت فيه ومصروفي الشهري منه وبحدود

اهم شي يكون فيه تنظيم وترتيب ويكون لك مصروف شهري وبحدود والا تتعده وصدقني

راح تعرف تضبط وضعك صح اذا تاقلمت مع الوضع وعرفت تصرف صح وتعرف راتبك

وش يذهب فيه .... ونصيحه الواحد لا يعتمد على الراتب كمصروف شهري يبحث عن مشروع

يدخل له دخل ثاني ويكون مصروفه منه والا يعتمد على الراتب ابداً ...


ولكم تحياتي .........

[كويتية الهوى]

اشكرك غاليي الصقر الجريح
لرد والحضور المميز
سلم قلبك
وصدقت يالغلا
كل بيومه ورزقه ..
تحياتي يالغلا .. :)

[كويتية الهوى]

هلا فيك غاليي فيصل
كفيت ووفيت بمرورك الثاني
وعلى قولتك اليوم بيومه وباجر رزقه عالله
وتراني مثلك مسرفة ..
الله ايكون بالعون ..
اشكرك للحضور والتواصل يالغلا ..

[كويتية الهوى]

هلا بالغالية مدلعة :)
تسلمين لاحلى تواصل وطلة غاليتي
سلم قلبج ..

[كويتية الهوى]

:) هلا والله غاليي لبيه
مشالله عليك تقريبا عصامي يعني :)
يسعدك ربي
يعطيك العفاية
اشكرك للحضور والرد الموضح
وننتظر الباقين بتوضيح مصاريفهم :)
تحياتي غاليي لبيه ..

[منــــــــار]

موضوع رااائع
حبيبتي كويتيه
يعطيك العافيه يادلبووووو
تقبلي حبي وودي

[كويتية الهوى]

حلاتك ربي منااار حلوتي
ربي يسعدج غناتي
وانتي ما عندج معاش او توج يالغلا :)
عالعموم مصرفوج اللي تاخينه من الاهل
شنو اتسوين فيه وشنو تتدخرين منه مثلا :)
ماكو فكة ههههههههههههههههههههههههه
وصلتي .. وهبطت طائرتك بارضي عليج الاجابة
هههههههههههههههههههههههههه
يسعد قلبج بعد عمري :)

[منــــــــار]

هههههههههههههههههههههههه
طاااائرتي هبطت الأن في صفحت أحلى كويتيه
تيب بقوول
أنا ماعندي معاش :confused:
أخذ مصرووف من الأهل
مصرووفي ياطويلة العمر
أول ماأخذه أصرفه في اي شيء:D
يعني مثلا كنا طالعين وواحد من أخواني الصغار
نفسه في شيء أشتري له تعرفين الصغار براءه ماتقدرين ترفضين لهم طلب
طبعا لما يكونون معنا أنا وأختي لوحدنا ;)
وإذا كان بابا معنا فلا مصروفي لي <<<< بخيله خخخ:D
وإذا رحت للسوق اشتري اللي ابيه
اي شيء يعجبني أخذه وهكذا يروح مصرووفي بسرررعه
طبعا أنا بس أدخل السووق كل مصرووفي يروووح :eek:
<<< ضامنه في أحد يصرف عليها تأخذ منه في أي وقت ************ بابا الله يخليه لنا ولا يحرمنا منه يااااارب

هاااه وش رايك مسررفه صح
ههههههههههههههههههههههاااي
وش أسوي بس تجي في ايدي الفلوس اطيرها على طوول
ماأقدر أحفظ منها شيء :o

[كويتية الهوى]

هههههههههههههههههههه
الgه ايخلي لج البابا غناتي
واكيد اللي اتكون خالية المسؤولية اكيد بتكون معتمدة على اهلها
عاد انا ... لي مصروفي الخاص واخذ من اهلي فوقه هههههههههههههههههه
ما اعتقد احد مثلي بالصرف :)
يسعدج يا احلى مناار
ربي يسعدج لمحبينج واهلج :)
منورة منااار بطائرتج ههههههههههههههههههههههه ;)

[محمد974]

الحل بسيط والله ........... اصرفه في الحلال وتعلم كيف( تتصدق) واشتر الضروري والكماليات اتركها للآخر ، ابتعد عن الفيزا والماستر الا للضروره القصوى وذلك في السفر لأن الفنادق وبعض المحلات تطلبها...........,أحلى مافي الموضوع ان تصرف المال على أهلك يعني والديك وزوجتك وعيالك.............والله اتشوف البركة في مالك

[على البال]

اذا صار راتبك 7000 ريال والحمدلله

ويروح نصفه اقصاد قرض (( هواء : يعني دخلت الاسهم وطلعت بلوشي واقصد 7 سنوات امام))
والشقه اجارها 20 الف ريال ..
وفواتير جوالي وجوال المدام والمنزل والـ دي اس ال حوالي الـ 1200
الكهرباء حول 150 ريال
هذا اشياء ضروريه بالله قووولوا شلونننن نجمع القرش ..

وبنات هالايام يبون يلبسون لكل زواج ومكياج و حركات ,, يالله العافيه بس
انا ابغى اعرف بس اللي راتبه 4000 واقل وش بيسوووووووووي











مأقووول الا يارب بارك لنا في اموالنا واطرح بها البركه ياااااااااارب


لا تقلبون الموااجع يالحرييييييييييييم ع الرجاجيل ترا اللي فيهم والله كاااااااااافيهم

ومادخلوا النت وهالموااقع اللي عشااااااااااان يروقوا ويصفون النيه هههههه

يالله عيشوا ايااااااااامك

وادعوا ربكم بحسن الخاتمه والعمل الصالح .....

[الملواح]

المثل يقول على قد لحافك مد رجولك
على الانسان ان يقيم دخله ومصاريفه بواقعيه ويحدد كيف يتم الصرف وكيف يوفر
لا ينظر للاخرين ويقلدهم فالاختلاف موجود فالغنى والفقر ليس عيب
لا يجامل الاخرين على مصلحته وخاصة الماليه فالبعض يصرف ليظهر انه مليان
حدد لك هدف تصل اليه وتدخر من اجله المال

[اخر الكلام]

الحمدلله ربي ريحني من الراتب ومشاكله لكن اشوف الي حولي كل يبكي على قلة البركه وماطالهم من الرواتب غير القروض من البنوك
لكن اوصيكم
-( بالصدقه )لانها تبارك لكم في المال تصدقو من راتب كل شهر
- (اكفلو يتيم) كل شهر مئه ريال بس
- فيه اسر فقيره ماعندهم احد يصرف عليهم انت او انتي ومعاكم كم واحد اعملو زي الجمعيه بمبلغ بسيط واجمعوه واعطوه هذي الاسره
ابواب الخير كثيره الي تجيب البركه في المال والولد والبيت وفي كل شي يملكه الانسان حتى صحته وعافيته
تقبلو مروري

[mdd]

انا سأطلبت من ادارة الشركة ان تحجب جزء من راتبي لمدة عام كامل و في نهاية العام سينزل مبلغ ممتاز استخدمته كدفعه اولى لشراء بيت صغير, و الباقي اقساط على البنك و طبعا البنك غصب عني راح يقتطع القسط من الراتب, و بسبب هذا الاقتطاع سأضطر للعمل اكثر لزيادة مصدر دخلي, و بعد أن اتمم اقساط البيت سأبيعه و أشتري بثمنه قطعة أرض بمنطقة بعيدة نوعا ما أو حديثة السكان يعني الخدمات فيها مو كاملة و أبدأ أي مشروع مثل حضانه او مدرسة خاصة, المهم انه مافي منافسين, و أكون حر نفسي بمشروعي, و طبعا يسيرله فروع و أعين زوجتي مديرة بأبعد فرع و أجيب انا سكرتيره كرموشه :) ايش رايكم بالطريقة؟؟

[منوص]

أختي العزيزة ...
الحل بيد الزوجة لأن الزوجة هي إلي تحدد الصرف ..
مثال : فيه بعض الزوجات ماتعرف تدبر أور البيت وتلاقينها تشتري أغراض ماتحتاجها وتطبخ لها هي وزوجها حق عشر أشخاص وتشتري أغراض ماتحتاجها ...
وأحيانا بعض الزوجات ماتعرف تطبخ وتلاقينهم زباين للمطاعم والحسابه تحسب ..

أفضل طريقة هي تقسيم الراتب جزء للصرف وجزء للأجار وجزء للجمع ..
وتحديد مبلغ الصرف يكون عن طريق الزوجين مع بعضهم البعض ...

[متزوج لكن عزوبي]

آه آه والله حطيتي يدك على الجرح.................
اعتقد ان لا حساب توفير في بنك ولا إتلاف لبطاقة الصراف هو الحل.
الحل هو إستشعار خطورة صرف الراتب كاملا وعدم توفير اي جزء منه للمستقبل أو للحالات الطارئة. ولكي تستطيعين البدء والاستمرار في عملية التوفير من الراتب يجب عليك أن تقومي بتوفير مبلغ بسيط بداية الامر ومن ثم زيادة هذا الملغ تدريجيا حتى يصل للمبلغ المطلوب توفيره.. احذري من توفير المبلغ الذي تريدينه من الشهر الاول لأنك لا تستطيعي الاستمرار.
هذا والله أعلم,,,,, تحياتي