كلام اعجـــــــــبني

[ابوجود]

أبسالك كيف نتقابل دامنا ليل ونهار...
لو تقابلنا تموت الناس وتقوم القيامه...
كيف وأحنا بالتناقض قلب ثلج وقلب نار...
قلب ماعنده هيام وقلب ميت من هيامه...
النصيب الي جمعنا عاد واللي صار صار...
ما على قلبي ملام ولا على قلبك ملامه...
لكن أسف واقبلي مني رساله إعتذار...
رساله حب وفيها ورد وبين طياتها حمامه...
علها أخر مايكون من الوله والانتظار...
وعلها ما تبقى تحت جفني من الفرقا علامه...
دام ما للحب عندك أي قيمه وإعتبار...
ليش عذبتي خفوقي واستغليتي غرامه...
ليش ما كنتي معي بالحب في نفس المسار...
قبل أعيش ايام موت القلب والأم إنقسامه...
جيت وعيوني هدايا شوق واحلامي كبار...
ورحت وما معاي من الهم إلا عظامه...
من عرفتك والاماني طايره مني ومعها النوم طار...
منطوي والبال يشرب وحشه الليل وظلامه...
أعترف لك كنت احبك حب حد الانتحار...
كنت أحس بضعف قلبي لا سمعتك وإنهزامه...
لين شفت ان الفراق أحيان ما منه فرار...
قلت أفارق واموت ولا اعيش بلا كرامه...
وإلا انا والله قبلك ما عرفت الإنهيار...
لين شفت بموت عيني نار دمعه وابتسامه...
لو خذلتي حب قلبي وعتبرتيه إنتصار ...
ما خذلت رأسي اللي ما خضع للوقت هامه ...
با لغلا ما عاد يجمع بيننا درب ومدار...
كوكبين وكل كوكب له مداره وله نظامه...

[كويتية الهوى]

الله الله عليك ابو جود
ابيات راائعة من انسان راائع
سلمت الايادي وسلم هالاحساس الصادق
يسعدك ربي
تقبل من اعماقي ارق تحياتي
احترامي يالغلا ..

[ابوجود]

تسلمين اختي كويتيه على تشريفك لموضوعي المتواضع
وعلى كلامك الي اكثر من راااااااائع
مشكووووووووووووووور اختي

[مايا الوزير]

كوكبين وكل كوكب له مداره وله نظامه
ماذا اقول لك وقد سطرت حقيقة البشر
شرفنى ان اقرا كلماتك اخى ابو جود
تحياتى لك

[ابوجود]

مشكور اختي مايا على اطرائك لموضوعي المتواضع
ومشكور على تشريفك لمتصفحي المتواضعي
وكلامك ومرورك وسام اعتز فيه
وهذي حقيقه البشر اختي
بس مو كل البشر
لازم فيه ناس طيبه وقلبها ابيض مثلك