على طاري الكلام العذب ....

[ابوجود]

هذه القصيدة للمبدع محمد بن ساقان القحطاني

على طاري الكلام العذب ياعمري وش اخبـارك
وش اخبار الغرام اللي سكن في داخل اعيونـك

وعلى طاري صباح الورد من نسمات ازهـارك
صباح الياسمينه.. ياعبير الـورد.. يـا لونـك

أنام بحضنك الدافي.. واعيش بعالـم اشعـارك
يصحيني غلاك العذب.. وامسي بدافي شجونـك

حبيبي.. ياحبيبي.. كل هالدنيـا.. لـي تبـارك
تبارك والله لقلبـي.. لانـي صـرت مفتونـك

انا بختااااار قلبك.....تدري آنا بكلـك اختـارك
عيونك..مبسمك..طول ك..وليلٍ ظافـي متونـك

بقى صوتك مع همسك.. وهـذا قمـة ابهـارك
يغار السمع من همسك..اجل لا تلوم مضنونـك

اذوب.. ان جابك الطاري.. وأهيم بعالم ابحارك
انا الغرقان في حبك.. ومرسي حبـي اجفونـك

على هونك على قلبي.. ترى ما اقوى تبختـارك
دخيلك لا تضيعني.. ترفق بـي علـى هونـك

اروح..ابعد..اسافر..ياحبيبـي وارجـع لـدارك
تخيل ودي اخونك.. وقلبـي يرفـض يخونـك

وتخيل تخطي بحقي.. وأنا ارفض ما بي اعذارك
لانك كل ما تخطي..ازيـدك عشـق واصونـك

واجيك العاشق الهايم.. واقول آسف لمقـدارك
انا المخطـي بحقـك.. والعـواذل لا يهمونـك

حبيبي.. ما أبي جنتـك ؟؟انـا والله ابـي نـارك
تسميهـا جنـون الحب....انـا والله مجنونـك

على فكره ..وش الدنيا بلا طاريـك واخبارك
قسم بالله ما تسوى.. ولاهي شـي مـن دونـك

[زوجه حلوه]

على فكره ..وش الدنيا بلا طاريـك واخبارك
قسم بالله ما تسوى.. ولاهي شـي مـن دونـك

ابو جوووووووود................شكرا على جودك بهذه القصيده الرائعه التي اطربت مسامعي

تقديري لك

[الشريف]

ابو جووود

صح لسانك ولا هنت

[ابوجود]

زوجه تسلمين على مرورك
وانتي رائعه في حسك الشعري
وربي يسعدك

[ابوجود]

ولاهان غاليك يالشريف
ومشكووور على مرورك

[نتالي]

واجيك العاشق الهايم.. واقول آسف لمقـدارك
انا المخطـي بحقـك.. والعـواذل لا يهمونـك

أبيات رائعة وجميلة
مشكور أخوي ابو جود

[ابوجود]

الاروع هو تواجدك اختي نتالي
وتسلمين على مرورك وعسى فالك السعد

[طفله]

القصيده اكثر من رائعه
تحياااااااااااااااااااتي

[ابوجود]

تسلمين اختي طفله على مرورك الي اسعدني
وعسى ربي يسعدك