زوجة صديقي تطلب منه الطلاق نبحث عن حل لهما

[مغرم]

لدي صديق متزوج وله أولاد حسب ما ذكر لي انه يحصل بينه وبين زوجته مشاكل كثيرة فيقوم دائماً بالحلول وبعد فترة من الزمن لاحظت الرجل متغير وكئيب سألته ما بك
قال زوجتي تركت البيت
قلت لماذا
قال تزوجت عليها ولم استطع التوائم مع الأخرى فتم الطلاق وبعد فترة عرفت زوجتي أني كنت متزوج عليها وغضبت وذهبت لأهلها مع اني قلت لها ان هذا الزواج لم يستمر طويل وقد طلبت مني الطلاق فهو الأن في حيرة من أمره

قلت له لماذا تزوجت عليها
قال بسبب انشغالها دائما عني وعصبيتها ففكرت بأخرى ممكن اجد لديها الهدوء والاحترام
قلت له أن يذهب لها بهديه ويراضيها ويطلب منها الرجوع ويبين لها انه مخطيئ ويبين لها أخطائها التي جعلته يتزوج عليها ففعل ذلك ولكن دون فائدة ولازالت مصره علماً بأني سألته هل انت تحبها قال نعم وخاصة أنها ام اولادي ولم ينقص عليها شيئ من الحقوق الزوجيه . ودمتم بخير .. فما هو الحل في هذه المشكله

[حـبـيـبـــ زوجي ـة]

انا برئيي ان الرجال عموما يبحثون عن راحتهم حتى لو كان الحل بطريقه يخدش بها كبرياء زوجته صديقك اناني

طيب شو سبب المشاكل اليوميه؟؟ يمكن هو السبب ينرفزها ويعصب فيها بعدين يقول عصبيه وماتحترمني :o

اذا عرف السبب بطل العجب لازم يجلس يفكر عن الاسباب اللتي تسبب الفتور بينهم

بنسبه لاسترجاع زوجته المراه قلبها حنون وخاصه على اطفالها لازم يتصل فيها بوقت هادئ ويتغزل فيها وعن شوقه لها واطفالها بحاجت ابوهك جنبهم وامهم كمان ويوعدها مايكرر غلطه بدون علمها

وهذا هو جرب وفشل زواجه

يحاول يكسبها بلهدايا والكلمه الحلوه صدقني ترجع له وتصفح له كمان

وحياك الله يلغالي

[الورده البريئه]

انا اشوف انه يخليها مده طويله لان اكيد هي تحبه بتحس ان حياتها وحياة اولادها من دون رجال مالها داعي بعدين يرضيها لانهااكيد دحين مجروحه منه والجرح ماطاب والله يرجعهم لبعض

[اسمهان]

وهذا هو جرب وفشل زواجه انت زرعت احصد ولا تزعل انت جرحت داوي الي جرحته ولك تحياتي

[شمريه]

عزيزي الأم ماتستغني عن اطفالها ..
حتى لو فرضنا انها تكره زوجها (( مع اني استبعد ذلك ))
ومن رأيـي يكلمها ويرسل لها رسائل حـب واعتـذار واستعطاف أيضاً ..
لإنها لازم تحس بحاجته لها كـ زوجه وأنثى ..
قبل احساسها تجاه أطفالها ..
ولو حسسها إنه يبيلها علشان الأطفال ماراح ترجع ..
لذلك عليه الحذر جيـداً ..
ومثل ما قالت حبيبــه : المرأه قلبها حنـون .. والكلام الليـن يجيب نتيجه ..
لكن يبيلها صبـر لإن الموضوع سبـب لها جـرح ...

ممكن يرسل لها الأطفال .. ويبلغونها سلام أبوهـم وإنه مشتاق لها ..
أو يرسل هـديه معاهم لها .

وصدقني ماراح تقدر تصبر عن أطفالها ..
لكـن أكيــد تبــي تـــأدبـــه بالـزعــل علشـان مايكـررها .

والله يجـمع بينهــم ..
وأتمنــى تبلغنـا بما يحصـل معـــــاه .

[مغرم]

مشكورين على هذه الردود الحلوه وسأبذل كل جهدي وبآرائكم ومساعدتكم وسوف أوافيكم بالنتائج إن شاءالله
دمتم بخير ...

[اخر الكلام]

اول شي صديقك غلط بزواجه من الثانيه وبدون علم زوجته الاولى يعني غــدر فيها وطعنــها في وقت يمكن كانت تحس انه مكان للامان وانه رمز للوفاء
واكيد ياخوي الغلط منهم الاثنين ولاعملته عمله؟؟
عاد زواج مره وحده 0000
وبعدين برضو ما ارتاح وطلق الثانيه يعني راحته عند زوجته الاولى وام عياله
اخوي قوله يدور فين الغلط في حياته وفي علاقته مع زوجته ويحط النقاط على الحروف ويكلمها مره ومرتين والف ويرسل لها رسائل ويزورها في بيت اهلها ويحاول يصالحها ولا يعصب ويتكلم عليها كلام مو طيب لانها يمكن تعند زياده ويدخل الشيطان بينهم ويسوي شي يندم عليه لاقدر الله واذا كانت زعلانه ومو طايقته يسيبها فتره كم يوم ويرجع ويتصل ويرسل ويحنن قلبها بعيالها
وكمان يدخل ناس اهل خير من اخوانها او اخواتها او من اهله
واهم شي يتعلم من اخطائه ومايرجع لاي تصرف كان سبب في المشاكل الي بينهم عشان الاطفال مايضيعون في النص ويعيشون في تشتت 000
جزاك الله خير على اهتمامك في مشكلة صديقك وحرصك على مصلحته
طمنا عليه والله يفرج همه يارب 00

[طفله]

الله يجمع بينهم على خير
والصراحه الزوجه بعد يبيلها نصح
يحاول يرضيها واذا مارضت يتركها فتره حتي تشتاق له وللاطفال
تحياتي لك

[مغرم]

لاحول ولا قوة إلا بالله
قمت بزيارة الرجال ووضعه الآن متعب جداً يقول لا تزال الزوجة مصرة على الطلاق ماذا افعل هل اطلق قلت لا تفعل ولا تشيل هم اصبر عليها فترة وان اصرت فالحمدلله الف من يتمناك انت رجال حسب ما اعرف عنك لانت سكير ولا فاسد وتخاف الله وما فيك عيب قال لي المشكله اني لازلت احبها واحب أولادي واللي حصل بسببها هي اللي جعلتني اقدم على الزواج ومع ذلك انهيتة قبل ان اظلم احد وفي النهاية يحصل لي كل هذا قلت له الحمدلله إذا انت تحبها اصبر عليها لآنها الآن مصدومة بسبب زواجك حتى لو انك بس فكرت تتزوج عليها شيئ طبيعي انها تزعل .
والله الرجال يعز علي الله يفرج همة
لاحرمنا من آرائكم ، ودمتم بخير

[اخر الكلام]

اللهم امين الله يفرجها عليه ويصلح بينهم
بس اهم شي يصبر ومايطلقها يسيبها كم شهر لحد ماتروق ويطيح الي في عقلها لانها ذحين معصبه وزعلانه ومصدومه بس مع الايام تخف الحاله عندها شويه شويه
و هو يصبر ولاينقطع عنها وعن اولاده يعني يسأل باستمرار ويرسل لها رسائل ياخذ عياله ويمشيهم ويرجعهم لها ويقولهم كلام حلو عن امهم ويخليهم يوصلونه لها عشان قلبها يحن مع الايام وياليت لو يدخل احد بينهم بالصلح من اخوانها او صديقاتها ( طبعا يكلم ازواجهم او اخوانهم )او جاراتها الي كان ساكنين عندهم يعني اهم شي لا ييأس ويصر ويدعي ربه ويستغفر كثير ويتصدق بنية ان الله يصلح بينه وبين زوجته وطمنا عليهم
والله يجمعهم عاجلا غير اجل

[هدوء]

لا يطلقها...يغلط الغلطه الاكبر.... ويندم,,,

يرسل لها رسالها انتي طلبتي ترجعين بيت ابوك لما كبرتي وتزوجتي ترضين تبعدين اولادك عن حضن ابوهم وهم صغار!!!بتقولين تقدرين تربينهم وتحافظين عليهم,,بس الاحساس النفسي ماراح تغطينه حتى لو عطيتيهم عيونك...
انتي لما صارت المشكله بينا رحتي عند ابوك,,,عيالك لمين بيروحون بعدين!!

ماابي اساومك الطلاق مقابل الاولاد ماابي احرمك وبنفس الوقت ماابي احرم عيالك من حضن الام انا احبك وانا تزوجت بالحلال مارح اجلس معك بالنهار واروح للحرام بالليل من غير علمك...
--------------------------------------

وياريت يدخل احد واااااااااااااااااعي فاهم يحاكيها ويفهمها...

الطلاق الغلط الاكبر...وهو جراحها وهو وحده قادر يداوي

[هدوء]

اصبر لو سمحتت ممكن تكلمني اكثر عن مشكلتك في نقاط مشكلتك ماراح توصل للطلاق بااذن الله بس نبي صبر شوي وتفصيل للمشكله...
اكتب لي من اصغر شي لاااكبر شي اللي اقصد ابي تكتب العيوب الموجوده فيها والمساوئ اللي عندها..
وراح نساعدك واذا مو حاب تكتب ع العام تقدر تراسلني ع الخاص بس يامغرم ارفع مشاركاتك لل50 او راح اراسل الاداره يفتحونه لك اذا تبي تراسلني ع الخاص

[اخر الكلام]

الله يفرج همك واحنا معاك
وان شاء الله مايسر طلاااااااااق بعيد الشر
واخر شي لا تطلق عشان عيالك اصبر واصبر واصبر
وكل شي بالدعــاء وبالصبر والمثابره يجي

[مغرم]

آسف لحذف الرد الذي قام بكتابته صديقي صاحب المشكلة حيث اتى إلي
وقال مافيه فايدة زوجتي من النوع الجاف والعنيد وانا الآن بشوف اموري وامور أبنائي واتركها مع كبريائها وعنادها وان وجدت بنت الحلال تزوجت أو بلا زواج أحسن
قلت له لا تستعجل فكر قبل ان تقرر وذهب في طريقه .
ودمتم بخير ..؟

[اخر الكلام]

لاحول ولاقوة الا بالله
قوله لا ييأس من رحمة الله القلوب بين اصبعين من اصابع الله يقلبها كيف يشاء
الله قادر يحل مشكلته ويصلح له زوجته ويهديها بس لا ييأس ويحط يده على خده ويقول هذا حظي وهذي زوجتي مايمكن تتغير ومن هالكلام 000
وانت اخوي ماقصرت جزاك الله خير والله يفرج همه يارب

[مغرم]

مشكورين على اهتمامكم ولا تزال المشكلة معلقة لكن النصحية قائمة لصديقي من طرفكم وطرفي بالصبر وعدم الطلاق والله يصلح بينهم

[هدوء]

يجرب يطبيها يومين ياخذها يومين بعيد عن اهلها واهله واولادهم...ويسافر مكان بعيد ويقطع جميع سبل الاتصال بالناس ويروح يتفاهم معاها بعيد وبااذن الله بترجع له...

وعلى فكره انت قلت انه غلط لما تزوج واعترف بغلطه.. هو مو غلطان من ابسط حقوقه 3 معاها مو وحده..ننتظر على احر من الجمر دعوتنا لهم

[مغرم]

اخت هدوء اشكر تفاعلك مع الموضوع وبيض الله وجهك
الغلط مو انه تزوج عليها صحيح الشرع حلل له 4 بس الغلط انه تزوج بدون علمها كان المفروض ينبها اذا حياته معها ما فيها راحة يقول لها اذا انتي بالشكل هذا دايم منرفزتني وتغضبين من كل شي بتزوج ثانية يعني المروض انه ما تزوج بالسر ، وحسب علمي الآن انه جرب يتصل عليها ويرسل رسائل يطلب منها اصلاح المشكلة ما ترد عليه وترفض مقابلته

[احمدالبهى]

اقول وباللة التوفيق يجب عليهما الاعتراف بوجود مشكلة يجب حلها والتحدث بصوت هادى وتحديد اولاويات الحل ويجب الا يكون الحلول فردية مع ملاحظة وجود اطفال بينهما يوضعوا فى الاعتبار واى قرار مهما كان يجب ان يراعى فية مصلحة الاطفال فى المقام الاول ونضع جانبا الانتقام الشخصى مع الاخذ فى الاعتبار انة لايوجد شخص معصوم من الخطاء فاذا كان الزوج مخطئ فى الزواج من اخرى فالزوجة مخطئة باهمالها لزوجها وعدم الاهتمام بة فالمسئولية مشتركة فلا يجب الهرب من تحمل المسئولية وحل المشكلة حفاظا على كيان الاسرة والاطفال هدانى وهداهم وهداكم اللة لما يحب ويرضى

[مغرم]

كلام جداً منطقي أخي احمد بس اتمنى يفهون هذا الشيئ ، جزاك الله خير .

[مغرم]

حتى الآن لم يحصل الصلح بينهم والمشكلة مقيدة مع انه حاول يصلح دون فائدة الشيئ الغريب اول مرة اعرف عن زوجة مثل هذا النوع العنيد

[#الحلا#]

الله يعينه ويوفقه الى ما يحبه ويرضى

بس قبل لا تقدم على اي خطوه يفكر بعياله


يشوف واحد حكيم من اهلها ويخليه يدخل بينهم

[هدوء]

يجرب يكلم مكتب ارشاد اسري يرسلون لها داعيه تكلمها وتستعطف قلبها...

ويارب يهدي سرهم ويجمعهم في بعض يارب ويهدي نفوسهم يارب

[عاصمة الحب]

أنصحه بعدم التسرع في أمره والأستخارة والأستشارة قبل الأقدام على أمره وأن يتقي الله
ويصبر على زوجته ولا يكون من الهدامين المخربين
فالمرأة مهما يكن تعتبر زواج زوجها انتقاضآ لكرامتها وإهانة لها فلذلك تعلن التمرد
والمطالبة بالإنفصال
ونصيحتي إذا هي مصرة على الطلاق يأخذ أولاده منها ويوافق على الطلاق أمامها
بس لا يطلقها لأنها غاضبة وتفجر غضبها بطلب الطلاق ومصدومة منه
بل يتركها شهر أو شهرين لا يسأل عنها ولا يكترث بها ويتثاقل فهي بجن جنونها
وستحاول أن تسأل عن أولادها وتعرف أخبار زوجها بشتى الطرق وإذا أحست الزوجة
بخسران زوجها تحاول أن تسترجعه بأي طريقة وتأتي له زحفآ لأجل أن يرجعها
ولو أحد من النساء المقربين لها تنصحها وتصبرها وتحتسب أمرها لله فأجر الصبر
كالمجاهد في سبيل الله ويذكرها بالحديث (أيما إمرأة سألت زوجها طلاقآ من غير بأس
فحرام عليها رائحة الجنة) والله يصلحهم

[اسمهان]

خل الزوج يستخير في ردها ........وارسل لها رساله يا ترجع يا يتزوج علي روس الملا يرسل لها بطاقه دعوة يعني يهزها شوي ويخوفها العيار الي ما يصيب يدوووووووووش

[مغرم]

شكراً على اهتمامك لكن بهذه الطريقة يكون عالج الخطأ بخطأ آخر كيف يطري الزواج مره اخرى كذا ممكن يبعدها عنه اكثر مع العلم انه لايزال يحبها وفكر انه يقولها اذا ماترجع أتزوج وانا نصحته بعدم التصرف بهذه الطريقة لأنه يزيدها عناد