السلام عليكم ورحمة الله وبركاته
كيفكم يا بنات انا ابي اسالكم سوال وتكفون لا تهملونه
ابي اسالكم الي تجيها الدوره وتكون مصاحبه بالالام الشديده سمعت انها ما تحمل او لازم تتعالج لمده طويله عشان تحمل وان تفسير الالام هي التهابات داخليه تمنع الحمل هل الكلام هذا صحيح او لا لان حتى صديقاتي جننوني يقولون عندنا احساس انك ما بيتجيبين عيال مدري ليه احساسهم كذا
وانا سمعت ان الي دورتها مو منتظمه تروح احسن شي للمستشفى وتنظمها قبل الزواج هالكلام صحيح او لا وتنصحوني فيه؟؟؟لان انامملكه وزواجي قريب وخايفه مررررررره لان حتى زوجي من زود حبه للاطفال محدد لي اسماء العيال الي بنجيبهم خخخخخخخخخخخخخخخخخ مستعجل الاخ
وش الي تنصحوني فيه اسويه قبل الزواج
ومارح اطلب منكم شي غير النصيحه تكفون وتسلمون

السلام عليكم ورحمة الله وبركاته

اقول لاتخافين وتوكلي على الله
وان شاء يكون خير وعشان تتطمئنين زوري الطبيبة

فتاه الجبال

لاتخافين عوار الدوره مالها علاقه بالانجاب

في بنات تجيها عوار الدوره قبل الزواج وتجيب عيال

وفي بنات بعد الزواج يحسون بالالم الدوره

وهم يجييبون عيال

يعني لاتخافين

اما بالنسبه اذا كانت الدوره مو منتظمه انصج تزورين طبيه نساء متخصصه

وشلي التفكير من بالج

اتمنى لج حياه زوجيه هنيه وتخلفي صبيان وبنات

أهلين حبيبتي مبروك على الخطوبه وبالنسبه لالام الدوره تطمني مئه بالمئه
مالها علاقة بالإنجاب لأن صديقتي كانت تجي لها الالام شديده قبل الزواج
ولما تزوجت أنجبت كل سنه بزر
وبالنسبه للدورة الغير المنتظمه إذا كانت تتأخر كم أسبوع عادي لا تخافين
وإذا كانت ثلاث شهور ما تجيها مع العلاج تنجب
وأعرف بنت كانت ما تجيها ثلاث شهور وتعالجت ولما أصبح عمرها 40 سنه تزوجت
وأنجبت والكل أستغرب (يا سبحان الله )

حبيبتي من واقع تجربه الم الدوره مهما كان شديد صدقيني ماله دخل في الحمل
وبالنسبه لتاخير الدوره عندي صديقتي دورتها ملخبطه تلخبط وسبحان الله اول ماتزوجت احملت
هذا كله بإذن رب العالمين
الله يوفقك ويتمم لك بخير ويسعدك بالذريه الصالحه

الله يبشركم بالخير يالغالين وتسلمون على المرور ياحبايبي
وانت بعد يالفيصل ولو ان مالك داعي فيذا خخخخخخخخخخخخ بس تسلم يالغالي
بس انا ابي الي حاصل معاها حمل وعندها مشاكل للدوره ياليييييييييييت تخبرني

وين الردود يا جماعه

حبيتي فتاة الجبال اشوفك مهتمة بموضوع الخلفة بالحيل بكل موضوع لك تسأل عنة
تو الناس عليك حبيبتي عيشي حياتك يوم بيوم وترا كثرة التفكير بالخلفة يمنعة
00
وياليت ماتهتمي بالموضوع كثير لتجدي سعادة الايام اللي انتي عايشتها هالحين وماعليك من كلام صديقاتك اكيد حسداتك انك مخطوبة ويريدن يكدرن عليك فرحتك بامورعلمها عند الله
واللى خلقك ولم تكوني شيء قادرآ على ان يخلق لك ذرية صالحة
وتفألي بالخير تجدية
ولااريد ان تكتبي مواضيع تكدر عليك صفوى ايامك وعلمها عند الله سبحانة
موفق بإذن الله ... لك مني أجمل تحية .

صح كلامك يا شمعة الامل والله كنت اقول هالكلام وكمان كنت اقول اني ماابي يجيني عيال الا بعد خمس سنين من الزواج لكن بعد ما ارتبطت بزوجي شفته مهتم بالخلفه والعيال ويعطيني اسماء مواليد خفت اني ما اقدر احقق له هالشي
لكن انشالله انشالله يرزقني ويرزق كل مسلمه بالذريه الصالحه
وتسلمين على المرور

اختي فتاة الجبال "قل لن يصيبنا الا ما كتب الله لنا "عليك
اولا التزود بالرضى والقناعة لما قسمه الله لك ,
2- خلي ايمانك بالله قوي وتوكلي عليه فهو القادر على ان ينولك يلي في بالك
3- لا تصغي لكلام صديقاتك وأقول لك امعني في اختيارهن فالصديقة تتمنى الخير لصديقتها دائما وتشجعها ولا تضع امامها مثل هذه الخرابييييييييييييط .
4- اطمئني , فالنساء انواع وحدوث الم وقت الدورة ليس له اي علاقة بما ذكر ,فتمزق جدار الرحم قد يصيب البعض بالشعور بالالم ,وعن تجربة اخواتي الاثنتين عندما تأتيها الدورة لا تستطيع ان تقوم من فراشها من شدة الالم اما انا فلا والحمد لله , ومع ذلك كله فكلنا انجبنا والحمد لله دون اي مشاكل واخواتي حتى انهن حملن بعد شهرين من زواجهن اما انا فبعد تسعة شهور وهذا كله طبعا بيد الله .احدى صديقاتي ام ل7 اشخاص وهي تتناول المسكنات باستمرار بفترة الدورة منذ ان كانت فتاة في 13 من عمرها وحتى اليوم من شدة الالم . والامثلة كثيرة لا اجد داعي لذكرها .
5- العروس في بداية زواجها تمر باسعد ايام عمرها , فلا تجعلي من الافكار السوداء سببا لينغص عليك فرحة زواجك فعيشي حياتك كما ذكره الآخرون قبلي ولا تضيعي شبابك هدرا .

6- لا انصحك بالدخول الى دوامة الاطباء والفحوصات التي قد تعرقل عليك فرحتك بالعرس والتحضير له, فاجعلي اهتمامك الوحيد التحضير النفسي لحياة سعيدة جديدة.

هناك الكثير من الامور ولكن اكتفي بهذا حاليا لان المسألة مش محتاجة منك كل هالاهتمام ؟
ولكن قبل ان اودعك اريد سؤال صديقاتك هل كل اللواتي لم يحملن كن يعانين من هذا ؟؟؟ فالعديد من النساء قد تبدو بصحة جيدة ولا تعاني شيء وتحرم من الانجاب واخرى مصابة بالعديد من الامراض حتى المستعصية منها ونراها تنجب عددا كبيرا فهذا كله بيد الله وحده
وتفائلي بالخير تجديه ان شاء الله .
وتحياتي لك والف مبروك مسبقا وبالرفاه والبنين .

انا اختي كان يجيها الم الدوره وكان مرررررررررررره شديد بس تجلس تبكي
ولما تزوجت حملت بعد كم شهر يعني الم الدوره مايتعلق بالحمل