بسم الله الرحمن الرحيم

حبيت اعرض مشكلتي باختصار ,المشكله ماخذه ابعاد كثيره من تزوجت من ست سنوات ,واكثر من مره وصلت للطلاق ..


باختصار زوجي طيب لاكن ما يظهر مشاعره وانا العكس ,زوجي يدرس في الخارج لمده ست شهور قابله للتمديد ما كنت راضيه بس سافر .شغله وفروا له مصروفه ومصروفنا انا واعياله والسكن وتعليم بالمدارس مجاني على الشغل وحتى التامين الصحي شامل .وين المشكله ؟؟

المشكله رفض انه انا واعيالي انروح معاه بحجه انه لرايح يتعلم لغه اشلون بيتكلم معانا طول الوقت بالعربي كأنه ما تعلم واستفاد ؟؟؟وطبعا هاي بعد ما اخذ راي اصدقائه ؟؟؟؟؟؟؟؟؟؟

مع جذي زعلت في البدايه لكن قلت مب مشكله باتحمل ؟؟؟

المشكله احين داخل في ثاني شهر من سافر ...طبعا انا الي دايمن اتصل ودايمن اطرش مسجات اسال عنه ..لو قتله ليش ما تتصل ؟؟مشغول .او المكالمات غاليه او او ..وانا العكس استخدم تلفونين كرت ثابت ادفع فاتورته كل كم يوم وكرت تعبئه اعبيه كل مره باكلمه ومتحمله عشانه مصاريف المكالمات ...

وضعي النفسي في النازل لاني مثل ما قلت في البدايه انه مايظهر مشاعره وانا العكس ..وصلت لمرحله الجفاف العاطفي بالغصب يطلع الكلمه الحلو ..وكل ما اتصلت ايكون مشغول حتى يوم قلت له كلمني بالماسنجر عشان اخذ راحتي معاك ..بس مرات معدوده كلمني بعدها تعذر بالمكان بعيد ..او ما عندي وقت مشغول ؟؟؟


على فكره الاب توب انسرق في المطار اول ما وصل لكن ما اشترى غيره ؟؟؟؟؟

انا ما اقدر اصبر عليه بهاي الطريقه ..اموره احسن مايكون ياخذ راتبه كامل من الشغل بالاضافه انه امسافر على اساس انه قال حق الشغل احنا معاه يعطونه مصروف الدراسه وبعد مصروفنا يعني بسهوله نقدر انكون معاه لكن رافض هالموضوع ..


ابي حل لانه الامور بينا سيئه وطبعا اهو السبب وانا بديت اضعف وانهار واحس بالوحده والملل العاطفي ..وصرت ما اتصل ؟؟لانه ببساطه امطنش لي ما ادري شنو الحل ؟؟؟؟؟؟؟؟؟

حبيبتي الحل بسيط طنشيه وما تتصلي فيه وبشوفيه يتصل يسال عنكم
وبيعتب عليك ما تسالين عنه قولي له مشغوله وحده بوحدتها ((خذوها قاعده ياناس كثر اللصقه في الزوج تخليه يهرب طنشوا ازواجكم ياحريم ))

انا على رائي 1234567 طنشيه وبتشوفي لو ما اتصل فيكي بنفسه. والله يكون بعونك حبيبتي وان شاء الله راح تحصلي على الحل.

فعلا جربت مرة واهو الي اتصل. لكن انا في بلد واهو في بلد ؟؟مستحيل هاي الحل لمده ست شهور ؟؟؟؟

الله يعينك ويصبرك حاسه فيك بس ما باليد حيله الحب عذاب

روحي للي مايخيب من رجاهـ الجئي لربي بالدعاء والاستغفار..

بسم الله الرحمن الرحيم

حبيبتي المشكله ما توصل لحد الطلاق

مافيه شي ينحل بالنجره والعصبيه

ادري تحسينها صعبه 6 شهور لكن فكري على انها فترة مؤقته

وطالعي الجانب الايجابي فيها .. تجديد للشوق

ومساعده ماليه وفيها تاخذين حريتج وياخذ حريته شوي

احس فيش مو من مجرد كلام لان زوجي يحب يطلع وكله احاتي

المهم .. عشان ما تتعب نفسيتج .. بقولج معلومه

كنت اقرا كتاب قوة عقلك الباطن والزيده تقول انج اذا فكرتي ايجابي

تنتقل شحنات ايجابيه للزوج وين ماكان خلج طبيعيه وفكري بإيجاب وصبري روحج

بالدعاء ان الله يوفقه واقنعي نفسج لين قعدتي بروحج ورددي هالعباره وايد

(( هذي فترة مؤقته رايح يدرس بها حبيبي ابو عيالي الله يوفقه ويرده سالم غانم وانشاء الله
كل شيء في بالي يتحقق))

اذا رسختي في بالج فكرة سلبيه(الطلاق) بتكرهين حتى نفسج وما بتحسين بروحج الا وانتي هالكه

لا تشدين على روحج شوي شوي.. ادري الحب يخليج تتمنين قربه لكن الظروف وماتسوي

واني ترى قاعده مو بس انصحج وانصح روحي بعد

هونيها وتهون صعبيها وتصعب

بالتوفيق يالغاليه

ما لك إلا الصبر والله يعينك ويصبرك

مابي احطمك بس يمكن متزوج اجل ليش ماياخذكم ليش مايتصل
عذر اقبح من ذنب صراحه ان ماياخذكم عشان انه بيتكلم عربي ومابيستفيد شي

انت يا مجهول الهوية ( 1234567) قل خيراً أو اصمت
نصايحك خلها لك
أختي أولا لا تقابلين الصد بالصد , ثانياً ذا مو صد بس يمكن من دلالك على زوجك تبين منه أكثر و أكثر , لكن ايش يكفيك غير حضنه الله يرده لك سالم و يبهج حياتكم من جديد
زوجك واضح جداً انه يبي يقلل تعامله باللغة العربية , هذا بديهي و المفروض تفهمينه انتي .
و هذا سبب عدم أخذه لكم , فلو صار يكلمك دايماً عالماسنجر أو عالموبايل بيصير كأنه أخذكم و بالتالي " كأنك يابو زيد ما غزيت "
لكن خلي الغالي يكمل دورته و ما أقول لا تكلمينه بالعكس , لكن لا تثقلين كاهله , الحياة الزوجية لا بد يكون فيها مراعاة و رحمة مو كلها مودة و بس , أتمنى انك تتجاوزين المرحلة هذي بحكمة و رحمة لزوجك , و بإذن الله ترجع الأمور لما كانت عليه و أحسن .

أخوك
صمت و كلام

شكرا على الردود الطيبه ..وبالاخص الاخ صمت وكلام شكرا من القلب فعلا كلامك صحيح وزوجي صارحني بهذا الكلام وطلع مب متزوج مثلا ؟؟؟؟

ياريت الي ينصح ايكون من اهتمام لانه بعض النصايح الغلط في هاذي الظروف اتخرب البيوت