Mind game
اللعبة الأزلية بين الرجل والمرأة باختلاف الثقافات . باختلاف البيئة والمستوى الفكري والاجتماعي والمادي
- لمن ستكون السيادة في العلاقة ؟
- من سيقود ؟
- من له الكلمة العليا والأخيرة ؟
- من سيرسى قواعده أولا ؟
- من سيحمل في يده الريموت كنترول ويحرك الأخر العلاقة تبعا لجدول الزمن واحتياجاته
العاطفية أو النفسية أو الجسدية ؟
- من سينتصر في الجدال ؟
هي حرب ولا أيه ؟
عايزين الحق ولا ابن عمه كالعادة
آه هي حرب ... حرب خفيفة ...
حرب غير معلنة ... حرب يمكن أصحابها نفسهم مش عارفين إن هما فيها
لكن الحقيقة انه آه .... لعبة ذكاء ممتعه وشقية زى إل computer game بالضبط
- كل مرحلة ليها أدواتها ودرجة صعوبتها
وكل متعدى مرحلة تدخل على المرحلة اللي بعد كده تلاقى صعوبة أكثر ومزيد من التعقيد طبعا
لعب على تقيل .... والى جدع يكمل والى مش قد اللعب يخلع واللعبة ما دامت بين 2 يبقى في
وجهتين نظر .... زاويتين رؤية ... وبشكل هندسي منظورين
المرحلة الأولى : (( الواد ده عاجبنى ))
و دى من ألذ المراحل في العلاقة بين الرجل والست ... كل المكر والدهاء والذكاء إلى خلقه
ربنا في حوا بيشتغل .... ازاى أخليه يدخل في مجال المغناطيس ... أزاى اسبب علامة مميزة
تخليه يفكر فيا ... يا ترى ادخل عليه دخلة صداقة ولا أديها حب من أولها
وتبدأ عملية صنع قرار ودراسة جدوى على أعلى مستوى
قاعدة بيانات ... تجميع معلومات
دراسة لكل الإمكانيات الأنثوية المتوفرة من اجل الوصول للهدف ... دراسة الاحتمالات ...
تجهيز خطة وتجهيز خطة بديلة في حالة فشل الخطة الأولى
استخدام الأشخاص المشتركين في المحيط الاجتماعي ... تجنيد كل من يستطيع أن يساعد في
سير الأحداث نحو تحقيق الهدف سواء بشكل مباشر أو غير مباشر
وتبدأ المرأة التكنيك المتأني لجذب ولفت نظر الرجل
- لو الرجل غاوي قراءة تعمل فيها مثقفة
- لو غاوي رياضة تلبس ترتج وتروح الإستاد
- لو غاوي مزيكا يا سيدي
- لو غاوي سينما يا مزاجه
- ولو غاوي شغل أوف بأه تعمل فيها حائط المشكى وحائط المبكى لكل مشاكل شغله
المرحلة الثانية : (( أنت سيدي وتاج راسي ))
دى فكرة معروفة في علم النفس بالابتزاز العاطفي
بمعنى أن الرجل يدخل تماما في نطاق سيطرة المرأة طالما جعلته يشعر بأنه الملك المتوج وحامى الحمى والفارس المغوار ويدخل في مرحلة إدمان عاطفي لهذه المرأة الجميلة التي تشعره بهذه المشاعر الايجابية نحو نفسه ونحو الحياة وبالتالي نحوها هي كمان
المرحلة الثالثة : (( حواش شيلنى يا حواش ))
وفى المرحلة دى تبدأ المرأة في تحميل الرجل مسؤوليتها واحدة.. واحدة.
يوصلها الشغل ... يوديها عند صاحبتها ويرجع يأخذها ... هي تعبانه متعرفش دكتور كويس فيشوف دكتور ويودى مامى للدكتور ويجيب الدواء وفى وسط الزحمة أهو قابل مامى بالمرة وأتعرف عليها بصنعة لطافة
مقص حرامية يعنى وبأه بيروح البيت عادى من غير خناقة ولا ضغط ولا مامى سمعتني بتكلم في التليفون وعايزة تشوف بخرج مع مين
المرحلة الرابعة : (( صاحبك على متعوديه وتربيه ))
وهنا بأه الست الذكية تبدأ في إرساء القواعد والقوانين الشرعية والغير شرعيه للعلاقة ها
تسمح بأيه ؟ هتخرج امتى ؟ هتسهر امتى ومش هتسهر امتى ؟ هتروح عند مين من أصحابة
ومين دمه تقيل
نسيت أقولكم إن في المرحلة دى كمان بتحصل الدراسة الدقيقة والمتأنية لصاحباته البنات مين
خطر ومين أمان
المرحلة الخامسة : (( أنا هنا هنا يا أبن الحلال لا عايزة جاه ولا مال ))
وتبدأ المرأة تمارين الضغط على الأستاذ عشان الخطوة الرسمي بتاعة الدبلتين.
وفى الواقع دى مرحلة بيتم فيها تقسيم البنات إلى عدة أنواع
1 – المادية البحثة وده النوع المنتشر
2 – المادية العاطفية ...
3 – العاطفة المادية
4 – العاطفية الساذجة
المرحلة دى أكثر المراحل التي علاقات كنير بتتوقف عن النمو عندها وبرضو من أكثر المراحل
إلى فيها افتاءات وادعاءات وفشر وأقنعه لكل القيم والمبادئ السامية
المهم .. لو الزبون اتدبس مظبوت ودفع دم قلبه تمام التمام وجاب عمو حسن المأذون والدنيا
أتظبتت يبقى فل الفل مكانش يبقى كلنا نقف دقيقه حداد عاطفى وبعد كده توته توته وفرغت
الحدوتة ومشى على الى بعده
المرحلة السادسة : (( سقوط الأقنعة ))
واللي أنا زعلانة أنى بقول الكلام ده وأنا ست لكن الحق " متزعلوش يا بنات "
المهم ... خلاص بأه ... لا في الأنتكه آياها ولا فى sweet heart أصبح فى فواتير
للسوبر ماركت والجزار وبتاع الفراخ والكهرباء والميه ويوم الجمعة الغدا عند ماما
وبنت خالتي أتجوزت وعايزه هديه . والأناقة نامت والحنية الله يرحمها ويحسن إليها
والإنصات لمشاكل شغله درب من دروب الحال مش كفاية شغل البيت ومسئولية الولاد هو ها
يأرفنى كمان بهموم شغله" دى مبقتش عيشه "
المرحلة السابعة : بعدما وقعت فيه يخونى طلقنىىىىىىىى
المرحلة دى هي الى من وجهه نظر المجتمع العبقري هي الى بتوضح الفرق بين الست العاقلة
الراسية والست المتهورة المجنونة
- العامل أنها متعرفش أصلا انه يعرف عليها واحدة تانيه أو تكلفة مصاريف وهدايا عشان
يكفر عن خيانته وجرحه لمشاعرها الرقيقة
- المجنونة تطلب الطلاق وتخرب البيت وتشرد العيال
وتبدأ من جديد رحلة جديدة mind game جديدة فى ظل ظروف ثانيه وتركيبه نفسيه
مختلفة عن ما كانت بنوته بريئة عنها 20 سنة .
اللعبة الأزلية بين الرجل والمرأة
العرض العادي
